କିଛି ଦିନ ଆଗରୁ ଏକ ସ୍ୱଦେଶୀ ମେସେଜିଂ ଆପ୍ ଅରାଟାଇ (Arattai) ଅଧିକା ଚର୍ଚ୍ଚାରେ ଥିଲା। ଲୋକେ ଏହି ଆପକୁ ଖୁବ୍ ପସନ୍ଦ ମଧ୍ୟ କରୁଥିଲେ। ଯାହା ଫଳରେ ଏହା ହ୍ୱାଟସଆପକୁ ପଛରେ ପକାଇ ପ୍ଲେ ଷ୍ଟୋରରେ ଶୀର୍ଷ ସ୍ଥାନ ହାସଲ କରିଥିଲା। କିନ୍ତୁ ବର୍ତ୍ତମାନ,  ଦେଖାଯାଉଛି ଯେ ଏହି ଆପର ଲୋକପ୍ରିୟତା ହ୍ରାସ ପାଉଛି, କାରଣ ଏହା ଗୁଗୁଲ୍ ପ୍ଲେ ଷ୍ଟୋରର କମ୍ୟୁନିକେସନ୍ କାଟେଗରୀର ୭ ନମ୍ବରକୁ ଖସି ଆସିଛି ।

ଏହି ଆପ୍ ପ୍ରଥମେ କେବଳ ଗୁଗୁଲ୍ ପ୍ଲେ ଷ୍ଟୋରରେ ନୁହେଁ ବରଂ ଆପଲ୍ ଆପ୍ ଷ୍ଟୋରରେ ମଧ୍ୟ ୧ ନମ୍ବରରେ ଥିଲା, କିନ୍ତୁ ଏବେ ଆପଲ୍ ଆପ୍ ଷ୍ଟୋରରେ ମଧ୍ୟ ଷଷ୍ଠ ସ୍ଥାନକୁ ଖସି ଆସିଛି। ଅନ୍ୟପଟେ, ହ୍ୱାଟ୍ସଆପ୍ ଏବେ ଗୁଗୁଲ୍ ପ୍ଲେ ଷ୍ଟୋରରେ ତୃତୀୟ ଏବଂ ଆପଲ୍ ଆପ୍ ଷ୍ଟୋରରେ ଦ୍ୱିତୀୟ ସ୍ଥାନରେ ଅଛି, ଯାହା ସ୍ପଷ୍ଟ କରୁଛି ଯେ ହ୍ୱାଟ୍ସଆପ୍ ଏହାର ପ୍ରାଧାନ୍ୟ ଅଧିକ ଅଛି ।

ଅରାଟାଇର କମୁଛି ରାକିଂ

ଏହି ଆପ୍ ରେ ଭଏସ୍ ଏବଂ ଭିଡିଓ କଲିଂ ପାଇଁ ଏଣ୍ଡ-ଟୁ-ଏଣ୍ଡ ଏନକ୍ରିପ୍ସନ୍ ଅଛି, କିନ୍ତୁ ଟେକ୍ସଟ୍ ମେସେଜିଂ ପାଇଁ ଏହା ଏପର୍ଯ୍ୟନ୍ତ କାର୍ଯ୍ୟକାରୀ ହୋଇନାହିଁ। କମ୍ପାନୀ ଖୁବ୍ ଶୀଘ୍ର ମେସେଜିଂ ପାଇଁ ଏଣ୍ଡ-ଟୁ-ଏଣ୍ଡ ଏନକ୍ରିପ୍ସନ୍ ଯୋଡିବାକୁ ପ୍ରତିଶ୍ରୁତି ଦେଇଛି, କିନ୍ତୁ ଏହା ସତ୍ତ୍ୱେ, ଆପର ରାକିଂ ହ୍ରାସ ପାଉଛି।

ଆରଟାଇ କେବେ ଆରମ୍ଭ ହୋଇଥିଲା?

ଚେନ୍ନାଇସ୍ଥିତ ଜୋହୋ କର୍ପୋରେସନ ଜାନୁଆରୀ ୨୦୨୧ ରେ ଆରଟାଇ ଲଞ୍ଚ କରିଥିଲା, ଏହି ଆପ୍ କୁ ବିଦେଶୀ ମେସେଜିଂ ପ୍ଲାଟଫର୍ମର ବିକଳ୍ପ ଭାବରେ ସ୍ଥାପନ କରିଥିଲା। ଏଥିରେ ଭଏସ୍ ନୋଟ୍ସ, ଏଣ୍ଡ-ଟୁ-ଏଣ୍ଡ ଏନକ୍ରିପସନ୍, ଫାଇଲ୍ ସେୟାରିଂ ଏବଂ ଭିଡିଓ କଲ୍ ସୁବିଧା ରହିଛି। ଯଦିଓ ୨୦୨୧ରେ ଲଞ୍ଚ ହୋଇଥିଲା, କିନ୍ତୁ ଆମେରିକା-ଭାରତ ବାଣିଜ୍ୟ ଉତ୍ତେଜନା ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭରଶୀଳତା ପାଇଁ ଆହ୍ୱାନ ମଧ୍ୟରେ ଏହା ୨୦୨୫ ଅକ୍ଟୋବର ପ୍ରାରମ୍ଭରେ ପ୍ରମୁଖତା ହାସଲ କରିଥିଲା।

ଅଧିକ ପଢନ୍ତୁ: କ୍ଲାଉଡ୍ ସେବା Azure ଡାଉନ୍, ସାରା ବିଶ୍ୱରେ ବ୍ୟବହାରକାରୀ ପ୍ରଭାବିତ