ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବେପାରୁଆ ବାଣିଜ୍ୟ ନୀତି ସାରା ବିଶ୍ୱର ଅର୍ଥବ୍ୟବସ୍ଥାକୁ ବିପର୍ଯ୍ୟସ୍ତ ଆଡକୁ ଟାଣିନେଇଛି । ଏଥିରେ ନିଜେ ବି ଖୋଦ୍ ଆମେରିକା ବର୍ତି ପାରିବନି । ଆମେରିକାର ଜିଡିପି ଖସିବା ସହ ସମଗ୍ର ବିଶ୍ୱର ଅର୍ଥବ୍ୟବସ୍ଥା ମାନ୍ଦାବସ୍ଥାକୁ ମୁହାଁଇବ । ତେବେ ବିଶେଷଜ୍ଞଙ୍କ କହିବା ମତରେ, ଏହା ଆମେରିକାର ବିନିର୍ମାଣ ଶକ୍ତି କରିବନି ବରଂ ଦେଶର ଅର୍ଥବ୍ୟବସ୍ଥାକୁ ଛାରଖାର କରିଦେବ । ଲିବରେଶନ ଡେ ନାଁରେ ଆମେରିକା ରାଷ୍ଟ୍ରପତି ଦେଇଥିବା ଟାରିଫ୍ ଯୋଗୁଁ ଏହା ଏକ ବଡ଼ ଧରଣର ମାନ୍ଦାବସ୍ଥାକୁ ଡାକିଆଣିବ ବୋଲି କହିଛନ୍ତି ପ୍ରମୁଖ ଅର୍ଥନୈତିଜ୍ଞ ସ୍ୱାମୀନାଥନ ଆୟର ।

ବିଶେଷଜ୍ଞଙ୍କ କହିବାନୁଯାୟୀ, ଆମେରିକାର ଏହି ନୀତି ବିଶ୍ୱ ଯୋଗାଣ ଶୃଙ୍ଖଳକୁ ବାଧାପ୍ରାପ୍ତ କରିବା ସହ ଅର୍ଥନୈତିକ ବିକାଶ ଆଗରେ ବାଧକ ସାଜିବ । ତେଣୁ ଟ୍ରମ୍ପଙ୍କ ଏହି ନୀତିକୁ ‘ଆର୍ଥିକ ପାଗଳାମୀ’ ବୋଲି ସମ୍ବୋଧିତ କରିଛନ୍ତି ଶ୍ରୀ ଆୟର । ଲିବରେଶନ ଡେ ନାଁ କହି ବିଭିନ୍ନ ରାଷ୍ଟ୍ର ଉପରେ ଟ୍ରମ୍ପ ଯେଉଁ ଟାରିଫ୍ ଘୋଷଣା ନେଇ କରିଛନ୍ତି, ଏସବୁ ପଦକ୍ଷେପ ଦ୍ୱାରା ଆମେରିକା ସର୍ବବୃହତ ବିନିର୍ମାଣ ଶକ୍ତି ପାଲଟିବ ବୋଲି ଟ୍ରମ୍ପ ଦାବି କରୁଥିବା ବେଳେ ଏହାକୁ ଖାରଜ କରିଛନ୍ତି ଆୟର । ସେ କହିଛନ୍ତି, ଆର୍ଥିକ ସୁଧାର ବଦଳରେ ଆମେରିକା ସମେତ ସାରା ବିଶ୍ୱ ପାଇଁ ଏହା ଆର୍ଥିକ ବିପର୍ଯ୍ୟୟ ଆଣିବ ।

ବିଶ୍ୱ ଅର୍ଥନୀତି ପୂର୍ବରୁ ହିଁ ଆହ୍ୱାନର ସାମ୍ନା କରୁଛି । ଅର୍ଥନୈତିକ ମାନେ ମାନ୍ଦାବସ୍ଥାର ପୂର୍ବାନୁମାନ କରୁଛନ୍ତି । ବର୍ତ୍ତମାନ ଆମେରିକାର ଏହି ଶୁଳ୍କ ବାଣ ଯୋଗୁଁ ବିଶ୍ୱ ଜିଡିପି ଖସିବ । ବିଶେଷ କରି ଗରିବ ଦେଶଗୁଡ଼ିକରେ ଏହା ଆଥିର୍କ ବିପର୍ଯ୍ୟୟ ଆଣିବ । ଦେଶଗୁଡିକର ଶ୍ରମ-କୈନ୍ଦ୍ରିକ ରପ୍ତାନୀ ଶିଳ୍ପଗୁଡ଼ିକୁ ସଙ୍କଟ ମଧ୍ୟକୁ ଠେଲି ଦେବ । ବର୍ତ୍ତମାନ ଟ୍ରମ୍ପଙ୍କ ଏହି ଶୁଳ୍କନୀତି ଯୋଗୁଁ ବିଶ୍ୱର ଗରିବ ରାଷ୍ଟ୍ରଗୁଡ଼ିକ ଆହୁରି ତଳି-ତଳାନ୍ତ କରିଦେବ ବୋଲି ବିଶେଷଜ୍ଞମାନେ ଆକଳନ କରୁଛନ୍ତି । 

ଅଧିକ ପଢନ୍ତୁ: ସେୟାର ମାର୍କେଟ୍: ଆମେରିକା ପରେ ଭାରତୀୟ ବଜାର ମଧ୍ୟ କ୍ରାସ୍; ସେନସେକ୍ସ-ନିଫ୍ଟିରେ ପ୍ରବଳ ହ୍ରାସ