ପଞ୍ଜାବ ପୋଲିସର ଜଣେ ମହିଳା କନଷ୍ଟେବଳ ଅମନଦୀପ କୌରଙ୍କୁ ଚାକିରୀରୁ ବରଖାସ୍ତ କରାଯାଇଛି । ଏହି ମାମଲା ସେତେବେଳେ ସାମ୍ନାକୁ ଆସିଲା, ଯେତେବେଳେ ବଠିଣ୍ଡା ପୋଲିସ ଟିମ୍ ଏବଂ ନାର୍କୋଟିକ୍ସ କଂଟ୍ରୋଲ ବ୍ୟୁରୋ(ଏନସିବି) ତାଙ୍କୁ ୧୭.୭୧ ଗ୍ରାମ ହେରୋଇନ୍ ସହ ଜବତ କରି ଗିରଫ କରିଥିଲେ । ଏହା ପରେ ତାଙ୍କୁ ଚାକିରି ହରାଇବାକୁ ପଡ଼ିଛି । ଏହି ଘଟଣା ସାରା ପୋଲିସ ବିଭାଗକୁ ତାଜୁବ୍ କରିଛି । ତେବେ ଗିରଫ ପରେ ମହିଳା କନେଷ୍ଟବଳଙ୍କ ବିଳାସପୂର୍ଣ୍ଣ ଜୀବନଶୈଳୀ ଏବଂ ସୋସିଆଲ  ମିଡ଼ିଆରେ ନିଜ ଦାମିକା ଜିନିଷ ଦେଖାଇହେବାକୁ ନେଇ ଚର୍ଚ୍ଚା ଜୋରଧରିଛି । 

ଘଟଣା ମୁତାବିକ, ଏହି କନଷ୍ଟେବଳ ଦୀର୍ଘଦିନ ହେଲା ହରିୟାନାରେ ଡ୍ରଗ୍ସ ବିକ୍ରି କରୁଥିଲେ, ଆଉ କଳା ଟଙ୍କାରେ ଅୟସ ଆରାମରେ ଜୀବନ ବିତାଉଥିଲେ । ନିଜ ଥାର୍ ଗାଡ଼ିରେ ହେରୋଇନ୍ ନେଇ ଯୋଗାଣ କରିବାକୁ ଯାଉଥିବା ବେଳେ ଆଣ୍ଟି ନାର୍କୋଟିକ୍ସ ଟ୍ୟାକ୍ସ ଫୋର୍ସ ଏବଂ ବଠିଣ୍ଡା ପୋଲିସର ଟିମ୍ ତାଙ୍କୁ ବାଟରେ ଅଟକାଇଥିଲେ । ପ୍ରଥମେ ସେ ଧମାକାଇଥିବା ବେଳେ ପରେ ସେଠାରେ ଚମ୍ପଟ ମାରିଥିଲେ । ତେବେ ପୋଲିସ ଟିମ୍ ତାଙ୍କ ପିଛା କରି ତାଙ୍କୁ ଗିରଫ କରିଛି । ଗାଡ଼ି ଯାଂଚ ବେଳେ ଗିଅର ବକ୍ସରୁ ୧୭,୭୧ ଗ୍ରାମ ହେରୋଇନ୍ ଜବତ କରାଯାଇଛି । ଏହାପରେ ତୁରନ୍ତ ତାଙ୍କୁ ଚାକିରୀରୁ ବରଖାସ୍ତ କରାଯାଇଛି । 

ହେରୋଇନ୍ ଜବତ ଏହି ମହିଳା କନେଷ୍ଟବଳଙ୍କ ସହ ଉଚ୍ଚପଦବୀ ଲୋକ ଏବଂ ରାଜନେତାଙ୍କ ସହ ରହିଥିଲା ସୁ-ସମ୍ପର୍କ । ଯେଉଁଠିପାଇଁ ପୂର୍ବରୁ ତାଙ୍କୁ ଟ୍ରାନ୍ସଫର କରାଯାଇଥିଲେ ମଧ୍ୟ ସୁପାରିସ କ୍ରମେ ସେ ସେଠାରେ ଚାକିରି କରିଥିଲେ । ସୋସିଆଲ ମିଡ଼ିଆରେ ସେ ବିଳାସପୂର୍ଣ୍ଣ ଜୀବନ କାଟୁଥିଲେ । ଇନଷ୍ଟା କୁଇନ୍ ନାଁରେ ଜଣା ଏହି ମହିଳା କନେଷ୍ଟବଳଙ୍କ ଇନଷ୍ଟାରେ ୩୦ହଜାରରୁ ଅଧିକ ଫଲୋୟର୍ସ ରହିଛନ୍ତି । ତାଙ୍କ ସୋସିଆଲ ମିଡ଼ିଆ ପୋଷ୍ଟରେ ବି ସେ ବଡ଼ ବଡ଼ ଗାଡ଼ି, ଦାମିକା ଚଷମା, ବାଡେଣ୍ଡ ହ୍ୟାଣ୍ଡବ୍ୟାଗ୍‌, ଦାମିକା କାର୍ ସହ ଫଟୋ ପୋଷ୍ଟ କରୁଥିଲେ । ଥାର୍ ବୋନେଟ୍ ବସି କେକ୍ କାଟୁଥିଲେ । ଏପରିକି ପୋଲିସ ବର୍ଦ୍ଦିରେ ଥାଇ ବି ସେ ରିଲ୍ସ କରୁଥିଲେ, ଯାହାକି ନିୟମ ଉଲଙ୍ଘନ ।