ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀରେ ରହୁଥିବା ମଦପ୍ରେମୀଙ୍କ ପାଇଁ ବଡ଼ ଖବର । ଏପ୍ରିଲ ମାସରେ ୩ ଦିନ ଡ୍ରାଏ ଡେ ହେବା ନେଇ ଘୋଷଣା କରିଛନ୍ତି ସରକାର। ପ୍ରମୁଖ ପର୍ବକୁ ଦୃଷ୍ଟିରେ ରଖି ଏପ୍ରିଲରୁ ଜୁନ୍ ଯାଏଁ ୩ ମାସ ପାଇଁ ସରକାର ୫ଟି ଡ୍ରାଏ ରନ୍ ଘୋଷଣା କରିଛନ୍ତି । ୬ ଏପ୍ରିଲରେ ରାମ ନବମୀ, ୧୦ ଏପ୍ରିଲରେ ମହାବରର ଜୟନ୍ତୀ ଏବଂ ୧୮ ଏପ୍ରିଲରେ ଗୁଡ ଫ୍ରାଇଡେ ଉପଲକ୍ଷେ ଚଳିତ ମାସରେ ୩ ଦିନ ବନ୍ଦ ରହିବ ମଦ ଦୋକାନ।ଜାଣନ୍ତୁ କେଉଁ କେଉଁ ଦିନ ବନ୍ଦ ରହିବ ମଦ ଦୋକାନ

ରାମ ନବମୀ – ୬ ଏପ୍ରିଲ

ମହାବୀର ଜୟନ୍ତୀ – ୧୦ ଏପ୍ରିଲ

ଗୁଡ ଫ୍ରାଇଡେ – ୧୮ ଏପ୍ରିଲ

ବୁଦ୍ଧ ପୂର୍ଣ୍ଣିମା – ୧୨ ମେ

ଇଦ-ଉଲ-ଜୁହା – ୬ ଜୁନ୍

ଦିଲ୍ଲୀ ଅବକାରୀ ନିୟମାନୁସାରେ ୨୦୧୦ ର ୫୨ ଧାରାରେ ଏହି  ନିଷ୍ପତ୍ତି ନିଆଯାଇଛି । ଏହି ନିୟମ ଚଳିତ ବର୍ଷ ୨୦୨୫-୨୬ରେ ଲାଗୁ କରାଯିବ । ଏହାର ନିୟମ କେବଳ ମଦ ଦୋକାନୀଙ୍କ ପାଇଁ ସୀମିତ ନୁହେଁ ବରଂ ହୋଟେଲ, ରେଷ୍ଟୁରାଣ୍ଟରେ ମଧ୍ୟ ନିୟମ ଲାଗୁ କରାଯିବ । ସରକାର ଧାର୍ମିକ ପ୍ରଥାକୁ ଗୁରୁତ୍ବ ଦେଇଛନ୍ତି । ଯାହାର ଉଦ୍ଦେଶ୍ୟ ହେଉଛି ଧର୍ମର ମର‌୍ୟ୍ୟାଦା ବଢାଇବା ସହ ସାମାଜିକ ସଦଭାବନାକୁ ପ୍ରୋତ୍ସାହନ ଦେବ। ଏହାକୁ ଦୃଷ୍ଟିରେ ରଖି ସରକାର ଏହି ନିୟମାବଳୀ ପ୍ରସ୍ତୁତ କରିଛନ୍ତି । ଏହି ନିୟମ ପ୍ରତି ବର୍ଷ ଲାଗୁ କରାଯିବ ।

ତେଣୁ ଏଇ ବିଶେଷ ଦିନ ମାନଙ୍କରେ ଦିଲ୍ଲୀରେ ମଦବିକ୍ରିକୁ ନିଷିଦ୍ଧ କରିବା ଧାର୍ମିକ ତଥା ସାଂସ୍କୃତିକ ମୂଲ୍ୟବୋଧକୁ ରକ୍ଷା କରିବାରେ ସହାୟକ ହେବ । ଏକ୍ସଇଜ୍ ବିଭାଗ(ଅବକାରୀ) ଏହି ଆଦେଶକୁ କଡ଼ାକଡ଼ି ପାଳିବାକୁ ନିର୍ଦ୍ଦେଶ ଦିଆଯାଇଛି । ଏହାର ଉଲଙ୍ଘନ କଲେ ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ।