କର୍ଣ୍ଣାଟକ କଂଗ୍ରେସରେ ଗୁରୁବାର ଦିନ ଚାଲିଥିବା ଦ୍ଵନ୍ଦ୍ଵ ଉପରେ ପୂର୍ଣ୍ଣଚ୍ଛେଦ ପଡ଼ିଛି। ମୁଖ୍ୟମନ୍ତ୍ରୀ ସିଦ୍ଧାରାମୈୟା ସିଏମ୍ (CM) ପଦରୁ ଇସ୍ତଫା ଦେଇଛନ୍ତି। ସିଏମ୍ ପଦରୁ ଇସ୍ତଫା ଦେବା ପରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ସେ କହିଛନ୍ତି ଯେ, "ମୁଁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇ ଦେଇଛି। ମୁଁ ରାଜଭବନ ଯାଇ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲି। ରାଜ୍ୟପାଳ ଥାୱର ଚନ୍ଦ ଗେହଲଟ୍ ବେଙ୍ଗାଲୁରୁରେ ନାହାନ୍ତି, ତେଣୁ ମୁଁ ମୋର ଇସ୍ତଫା ପତ୍ର ତାଙ୍କ ସଚିବ (Secretary) ଙ୍କୁ ହସ୍ତାନ୍ତର କରିଛି। ରାଜ୍ୟପାଳ ଆଜି ରାତିରେ ଫେରୁଛନ୍ତି।"

କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ସିଦ୍ଦରମୈୟା, ରାହୁଲଙ୍କ ଫଟୋ ଜାଳିଲେ ସମର୍ଥକ

ସେ ଆହୁରି ମଧ୍ୟ କହିଛନ୍ତି ଯେ, "ମୁଁ ହାଇକମାଣ୍ଡଙ୍କୁ କହିଥିଲି ଯେ ମୁଁ ଇସ୍ତଫା ଦେଇଦେବି। ସମ୍ବିଧାନ ଅନୁଯାୟୀ ନୂଆ ସରକାର ଗଠନ ହେବ। ନୂଆ ସରକାର ପ୍ରତି ମୋର ପୂର୍ଣ୍ଣ ସମର୍ଥନ ରହିବ। ନୂଆ ସରକାର ପାଖରେ ପୂର୍ଣ୍ଣ ବହୁମତ ରହିଛି।"