ଡୁଙ୍ଗରପୁର ମାମଲାରେ ଗୁରୁବାର ସମାଜବାଦି ପାର୍ଟିର ଜାତୀୟ ସାଧାରଣ ସମ୍ପାଦକ ଆଜମ ଖାନଙ୍କୁ ୧୦ ବର୍ଷ ଏବଂ ତାଙ୍କ ଘନିଷ୍ଠ କଣ୍ଟ୍ରାକ୍ଟର ବରକତ ଅଲିଙ୍କୁ ସାତ ବର୍ଷ ପାଇଁ ଦଣ୍ଡିତ କରିଛନ୍ତି କୋର୍ଟ। ବୁଧବାର ଉଭୟଙ୍କୁ ଦୋଷୀ ସାବ୍ୟସ୍ତ କରାଯାଇଥିଲା। ଆଜମ ଖାନ ସୀତାପୁର ଜେଲରେ ଏବଂ କଣ୍ଟ୍ରାକ୍ଟର ରାମପୁର ଜେଲରେ ରହି ଭିଡିଓ କନଫରେନ୍ସ ମାଧ୍ୟମରେ ହାଜର ହୋଇଥିଲେ।

ସମାଜବାଦି ପାର୍ଟି ସରକାର ସମୟରେ, ୨୦୧୬ ରେ, ଡୁଙ୍ଗରପୁର ବସ୍ତିରେ ରହୁଥିବା ଲୋକଙ୍କ ଘର ଭାଙ୍ଗି ଆଶ୍ରୟ ଗୃହ ନିର୍ମାଣ କରାଯାଇଥିଲା। ୨୦୧୯ ମସିହାରେ, ୧୨ ଜଣ ଭୂମିହୀନ ଲୋକ ଗଞ୍ଜ କୋଟୱାଲିରେ ପୃଥକ ଏଫ୍ଆଇଆର୍ କରିଥିଲେ। ଅଭିଯୋଗ ହେଉଛି ଯେ ସମାଜବାଦି ପାର୍ଟି ସରକାରରେ ଥିବା ସମୟରେ ଆଜମ ଖାନଙ୍କ ନିର୍ଦ୍ଦେଶରେ ପୋଲିସ ଏବଂ ସରକାର ସେମାନଙ୍କ ଘର ଜବରଦଖଲ କରିଥିଲେ। ସେମାନଙ୍କର ଜିନିଷ ନଷ୍ଟ କରି  ଘର ଭାଙ୍ଗି ଦିଆଯାଇଥିଲା। ଏହାପୂର୍ବରୁ ଆଜମ ଖାନଙ୍କ ବିରୋଧରେ ଆଠଟି ମାମଲାରେ ରାୟ ଦିଆଯାଇଛି। ସେ ୫ ଟି ମାମଲାରେ ଦୋଷୀ ସାବ୍ୟସ୍ତ ହୋଇଥିବାବେଳେ ୩ ଟି ମାମଲାରେ ନିର୍ଦ୍ଦୋଷରେ ଖଲାସ ହୋଇଛନ୍ତି। ଗୋଟିଏ ମାମଲାରେ ତାଙ୍କୁ ସାତ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା। ଯେଉଁଥିରେ ତାଙ୍କୁ ହାଇକୋର୍ଟରୁ ଜାମିନ ମିଳିଛି। କିନ୍ତୁ, ଅନ୍ୟ ମାମଲାରେ ଦୋଷୀ ସାବ୍ୟସ୍ତ ହେତୁ ତାଙ୍କୁ ଜେଲରେ ରହିବାକୁ ପଡୁଛି। ଆଜମଙ୍କ ବିରୋଧରେ ୮୪ ଟି ମାମଲା ବିଚାରାଧୀନ ଅଛି।  

ଅଧିକ ପଢନ୍ତୁ : ଆଜିଠୁ ଧ୍ୟାନରେ ବସିବେ ମୋଦି