ଆମେ ଅନେକ ସମୟରେ ଭବିଷ୍ୟତ ପାଇଁ ଦୀର୍ଘକାଳୀନ ନିବେଶ ଯୋଜନା କରୁ, କିନ୍ତୁ କେଉଁଥିରେ ଅଧିକ ଫାଇଦା ମିଳିବ ସେ ବିଷୟରେ ଜାଣିନଥାଉ। ବିଶେଷକରି ଚାକିରିଆ ଲୋକମାନେ ଅବସର ପରର ଜୀବନ ପାଇଁ ସଞ୍ଚୟ ଉପରେ ଗୁରୁତ୍ୱ ଦିଅନ୍ତି। ନିବେଶ ପାଇଁ ସବୁଠାରୁ ଲୋକପ୍ରିୟ ଦୁଇଟି ମାଧ୍ୟମ ହେଉଛି SIP ଏବଂ PPF। ଚାଲନ୍ତୁ ଜାଣିବା ଆପଣଙ୍କ ପାଇଁ କେଉଁଟି ଲାଭଦାୟକ ହେବ।

PPF କ’ଣ?

PPFର ପୂରା ନାମ ହେଉଛି ପବ୍ଲିକ୍ ପ୍ରୋଭିଡେଣ୍ଟ ଫଣ୍ଡ । ଏହା ଭାରତ ସରକାରଙ୍କ ଏକ ଅତ୍ୟନ୍ତ ଲୋକପ୍ରିୟ ଦୀର୍ଘକାଳୀନ ସଞ୍ଚୟ ଯୋଜନା।

• ଟ୍ୟାକ୍ସ ଫ୍ରି: ଏଥିରେ ୧୫ ବର୍ଷ ପାଇଁ ଟ୍ୟାକ୍ସ ଫ୍ରି ରିଟର୍ଣ୍ଣ ମିଳିଥାଏ।

• ସୁରକ୍ଷିତ: ଯେହେତୁ ଏହା ଏକ ସରକାରୀ ଯୋଜନା, ତେଣୁ ଏଥିରେ ଆପଣଙ୍କ ଟଙ୍କା ସମ୍ପୂର୍ଣ୍ଣ ସୁରକ୍ଷିତ ରହିଥାଏ। ଅବସର ଯୋଜନା ପାଇଁ ଏହା ଏକ ଉତ୍କୃଷ୍ଟ ବିକଳ୍ପ।

SIP କ’ଣ?

SIPର ପୂରା ନାମ ହେଉଛି ସିଷ୍ଟମାଟିକ୍ ଇନଭେଷ୍ଟମେଣ୍ଟ ପ୍ଲାନ୍ । ଏହା ମ୍ୟୁଚୁଆଲ୍ ଫଣ୍ଡରେ ନିବେଶ କରିବାର ଏକ ପ୍ରକ୍ରିୟା।

• ନମନୀୟତା: ଏହା ସ୍ୱଳ୍ପକାଳୀନ କିମ୍ବା ଦୀର୍ଘକାଳୀନ ହୋଇପାରେ। ଆପଣ ପ୍ରତିମାସରେ ଏକ ନିର୍ଦ୍ଦିଷ୍ଟ ଛୋଟ ଅଙ୍କର ଟଙ୍କା ଏଥିରେ ନିବେଶ କରିପାରିବେ।

• ବଜାର ବିପଦ: ଏହାର ରିଟର୍ଣ୍ଣ ସମ୍ପୂର୍ଣ୍ଣ ଭାବେ ବଜାରର ଚଢ଼ାଉ-ଉତାର  ଉପରେ ନିର୍ଭର କରେ। ଏହା ଟ୍ୟାକ୍ସ ଫ୍ରି ନୁହେଁ ଏବଂ ଟଙ୍କା ଉଠାଇବା ସମୟରେ ବଜାର ଦର ଅନୁସାରେ ହିଁ ଲାଭ ମିଳିଥାଏ।

PPF ବନାମ SIP: ମୁଖ୍ୟ ପାର୍ଥକ୍ୟ

ବୈଶିଷ୍ଟ୍ୟ ପିପିଏଫ୍ ଏସଆଇପି

ରିଟର୍ଣ୍ଣ ନିଶ୍ଚିତ (ସରକାରୀ ଗ୍ୟାରେଣ୍ଟି) ଅନିଶ୍ଚିତ (ବଜାର ଉପରେ ଆଧାରିତ)

ସୁଧ ହାର ପ୍ରାୟ 7.1% ପ୍ରାୟ 10% ରୁ 14% (ହାରାହାରି)

ସୁରକ୍ଷା ଉଚ୍ଚ (ସୁରକ୍ଷିତ ନିବେଶ) ମଧ୍ୟମ (ବଜାର ବିପଦ ଥାଏ)

ଟ୍ୟାକ୍ସ ସମ୍ପୂର୍ଣ୍ଣ ଟ୍ୟାକ୍ସ ଫ୍ରି ରିଟର୍ଣ୍ଣ ଉପରେ ଟ୍ୟାକ୍ସ ଲାଗିପାରେ

ଯଦି ଆପଣ ନିଜ ଟଙ୍କାର ସୁରକ୍ଷା ଚାହୁଁଛନ୍ତି ଏବଂ ବିନା କୌଣସି ବିପଦରେ ଏକ ସ୍ଥିର ରିଟର୍ଣ୍ଣ ଚାହୁଁଛନ୍ତି, ତେବେ PPF ଆପଣଙ୍କ ପାଇଁ ଭଲ। କିନ୍ତୁ ଯଦି ଆପଣ ଅଧିକ ରିଟର୍ଣ୍ଣ ପାଇବା ପାଇଁ ସାମାନ୍ୟ ବଜାର ବିପଦ ଉଠାଇବାକୁ ପ୍ରସ୍ତୁତ, ତେବେ SIP ୧୦ ବର୍ଷ ବା ତା’ଠାରୁ ଅଧିକ ସମୟ ପାଇଁ ଏକ ଶ୍ରେଷ୍ଠ ବିକଳ୍ପ ସାବ୍ୟସ୍ତ ହୋଇପାରେ।