ନୂଆଦିଲ୍ଲୀ: ଅହମ୍ମଦାବାଦ ଏୟାର ଇଣ୍ଡିଆ ବିମାନ ଦୁର୍ଘଟଣାର ପ୍ରାରମ୍ଭିକ ତଦନ୍ତ ରିପୋର୍ଟ ଆସି ସାରିଛି । ବିମାନଟି କେଉଁ ପରିସ୍ଥିତିରେ ଦୁର୍ଘଟଣାର ସମ୍ମୁଖୀନ ହେଲା ଏବଂ ଦୁଇ ପାଇଲଟଙ୍କ ମଧ୍ୟର ସେହି ସମୟରେ କଣ ବାର୍ତ୍ତାଳାପ ହୋଇଥିଲା ତାହା ମଧ୍ୟ ରିପୋର୍ଟରେ କୁହାଯାଇଛି । ଏୟାରକ୍ରାଫ୍ଟ ଆକ୍ସିଡେଣ୍ଟ ଇନଭେଷ୍ଟିଗେସନ୍ ବ୍ୟୁରୋ ବା ଏଏଆଇବି ପକ୍ଷରୁ ଦିଆଯାଇଥିବା ୧୫ ପୃଷ୍ଠାର ରିପୋର୍ଟକୁ ନେଇ କ୍ଷୁବ୍ଧ ହୋଇଛି ଏୟାରଲାଇନ୍ ପାଇଲଟ୍ସ ଆସୋସିଏସନ୍ ଅଫ୍ ଇଣ୍ଡିଆ । ବିନା କୌଣସି ଅଧିକାରୀଙ୍କ ଦସ୍ତଖତରେ କିପରି ରିପୋର୍ଟକୁ ସାର୍ବଜନୀନ କରାଗଲା ବୋଲି ପ୍ରଶ୍ନ ଉଠାଇଛି ସଂଘ । ଏହା ସହିତ ରିପୋର୍ଟରେ ପାଇଲଟଙ୍କ ତ୍ରୁଟି ଦର୍ଶାଯିବାକୁ ସଂଘ ଆପତ୍ତି ଉଠାଇଛି । ତେଣୁ ଏହାର ନିରପେକ୍ଷ ଏବଂ ତଥ୍ୟ ଭିତ୍ତିକ ତଦନ୍ତ ଦାବି କରିଛି ପାଲଲଟ୍ ସଂଘ । 

ପାଇଲଟ୍ସ ଆସୋସିଏସନ୍ ଏକ ବିବୃତ୍ତି ଜାରି କରି କହିଛି, ରିପୋର୍ଟରେ କୌଣସି ଦାୟିତ୍ୱବାନ ଅଧିକାରୀଙ୍କ ହସ୍ତାକ୍ଷର କିମ୍ବା ବିନା ଜାଣତରେ ଗଣମାଧ୍ୟମରେ ପ୍ରକାଶିତ କରାଯାଇଛି । ତଦନ୍ତରେ ସ୍ୱଚ୍ଛତାର ଅଭାବ ରହିଛି । ଏହା ଗୁପ୍ତ ତଥ୍ୟ, ଏହା ଦ୍ୱାରା ଜନତାଙ୍କ ବିଶ୍ୱସନୀୟତା କ୍ଷୁର୍ଣ୍ଣ ହେଉଛି । ଏହା ସହିତ ଯୋଗ୍ୟ, ଅଭିଜ୍ଞ କର୍ମଚାରୀ, ବିଶେଷକରି ଲାଇନ ପାଇଲଟମାନଙ୍କୁ ଏପର୍ଯ୍ୟନ୍ତ ତଦନ୍ତ ଦଳରେ ସାମିଲ କରାଯାଇ ନାହିଁ ।ତଦନ୍ତ ରିପୋର୍ଟରେ ଯେପରି ଦର୍ଶା ଯାଇଛି ଯେମିତି ପାଇଲଟଙ୍କ ତ୍ରୁଟି ରହିଛି । ପାଇଲଟ୍ ସଂଘ ଏହି ତଦନ୍ତ ରିପୋର୍ଟକୁ ପ୍ରତ୍ୟାଖ୍ୟାନ କରିବା ସହିତ ନିରପେକ୍ଷ ତଦନ୍ତ ଦାବି କରିଛି । 

ବେସାମରିକ ବିମାନ ଚଳାଚଳ ମନ୍ତ୍ରୀ ରାମ ମୋହନ ନାଇଡୁ ସ୍ଥାନୀୟ ନ୍ୟୁଜ୍ ଚ୍ୟାନେଲଗୁଡ଼ିକୁ କହିଛନ୍ତି, "ଆମେ ପାଇଲଟମାନଙ୍କ କଲ୍ୟାଣ ଏବଂ କଲ୍ୟାଣ ବିଷୟରେ ଚିନ୍ତିତ, ତେଣୁ ଏହି ସମୟରେ କୌଣସି ନିଷ୍କର୍ଷରେ ପହଞ୍ଚିବା ନାହିଁ ଏବଂ ଚୂଡ଼ାନ୍ତ ରିପୋର୍ଟକୁ ଅପେକ୍ଷା କରିବା।"

ଏୟାର ଇଣ୍ଡିଆ ଏକ ବିବୃତ୍ତିରେ ଏହି ରିପୋର୍ଟକୁ ସ୍ୱୀକାର କରିଛି। ଏୟାରଲାଇନ୍ସ କହିଛି ଯେ ଏହା ଭାରତୀୟ କର୍ତ୍ତୃପକ୍ଷଙ୍କ ସହିତ ସହଯୋଗ କରୁଛି, କିନ୍ତୁ ଅଧିକ ମନ୍ତବ୍ୟ ଦେବାକୁ ମନା କରିଦେଇଛି।

ଗତ ମାସ ଜୁନ୍ ୧୨ ତାରିଖରେ ଏକ ବିମାନ ଦୁର୍ଘଟଣାରେ ୨୬୦ ଜଣଙ୍କର ମୃତ୍ୟୁ ହୋଇଥିଲା। ଏୟାର ଇଣ୍ଡିଆ ଏଆଇ୧୭୧ ବିମାନ ଅହମ୍ମଦାବାଦରୁ ଲଣ୍ଡନ ଗାଟୱିକ୍ ବିମାନବନ୍ଦରକୁ ଯାଉଥିଲା। ଉଡ଼ାଣ ଭରିବା ମାତ୍ରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ପ୍ରାରମ୍ଭିକ ରିପୋର୍ଟରୁ ଜଣାପଡ଼ିଛି ଯେ ବିମାନର ଉଭୟ ଇନ୍ଧନ ସ୍ୱିଚ୍ ଏକାସଙ୍ଗେ କଟି ଯାଇଥିଲା, ଯାହା ଫଳରେ ଇଞ୍ଜିନକୁ ଇନ୍ଧନ ମିଳିବା ବନ୍ଦ ହୋଇଯାଇଥିଲା । ଫଳରେ ଦୁଇଟି ଯାକ ଇଞ୍ଜିନ ଏକାସାଙ୍ଗେ କାର୍ଯ୍ୟ କରିବା ବଦକରିଦେଇଥିଲା । ସେହିପରି କକପିଟ୍ ଭଏସ୍ ରେକର୍ଡରରେ ଜଣେ ପାଇଲଟ୍ ଅନ୍ୟ ଜଣଙ୍କୁ ପଚାରିବାର ଏକ ଭଏସ୍ ରେକର୍ଡ ମଧ୍ୟ ରହିଛି । ଜଣେ ଆଉ ଜଣଙ୍କୁ ପଚାରୁଛନ୍ତି, କାହିଁକି ଇନ୍ଧନ ବନ୍ଦ କଲ । "ଅନ୍ୟ ପାଇଲଟ୍ ଉତ୍ତର ଦେଇଥିଲେ ଯେ ସେ ଏପରି କରିନାହାଁନ୍ତି," ଯାହା ରିପୋର୍ଟରେ କୁହାଯାଇଛି ।

ବୋଇଂ ୭୮୭ ଡ୍ରିମଲାଇନର ଉଡ଼ାଣ ଆରମ୍ଭ ହେବାର କିଛି ସମୟ ପରେ ତାର ନିୟନ୍ତ୍ରଣ ହରାଇବା ଆରମ୍ଭ କରିଥିଲା। ଭାରତର ବିମାନ ଦୁର୍ଘଟଣା ତଦନ୍ତ ବ୍ୟୁରୋ (AAIB) ଦୁର୍ଘଟଣା ସମ୍ପର୍କରେ ପ୍ରାରମ୍ଭିକ ରିପୋର୍ଟ ଦାଖଲ କରିଛି। ବିମାନଟି ଭୂମିରୁ ଉଡ଼ାଣ ଆରମ୍ଭ କରିବାର ପ୍ରାୟ ତୁରନ୍ତ ପରେ, କ୍ଲୋଜ୍-ସର୍କିଟ୍ ଟିଭି ଫୁଟେଜରେ ଏକ ବ୍ୟାକଅପ୍ ପାୱାର ସୋର୍ସ ଦେଖାଯାଇଥିଲା ଯାହାକୁ ରାମ୍ ଏୟାର ଟରବାଇନ୍ ସକ୍ରିୟ କରାଯାଇଥିଲା, ଯାହା ଇଞ୍ଜିନର ଶକ୍ତି ହ୍ରାସକୁ ସୂଚିତ କରିଥିଲା।