ନୂଆଦିଲ୍ଲୀ: ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବା ପାଇଁ ଭାରତର ପଦକ୍ଷେପ ପାକିସ୍ତାନରେ ପ୍ରତିକୂଳ ପ୍ରଭାବ ପକାଉଛି। ଭାରତର ଏହି ପଦକ୍ଷେପ ପରେ, ପାକିସ୍ତାନ ଏବେ ଜଳ ସଙ୍କଟର ଦ୍ୱାରଦେଶରେ ପହଞ୍ଚିଛି। ପାକିସ୍ତାନ ପୂର୍ବରୁ ଋଣରେ ବୁଡ଼ି ରହିଥିବା ବେଳେ, ପାଣି ଅଭାବ ଏହାର ସମସ୍ୟାକୁ ଆହୁରି ବୃଦ୍ଧି କରିଛି।

ସିନ୍ଧୁ ଜଳ ଚୁକ୍ତିନାମା ସମ୍ପର୍କରେ ପାକିସ୍ତାନ ଭାରତକୁ ନିରନ୍ତର ଅନୁରୋଧ କରୁଛି। ଭାରତ ସରକାରଙ୍କ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବାର ନିଷ୍ପତ୍ତି ପରଠାରୁ, ପାକିସ୍ତାନ ଭାରତ ସରକାରଙ୍କୁ ୪ ଥର ଚିଠି ଲେଖିଛି। ଏହି ଚିଠି ମାଧ୍ୟମରେ, ପାକିସ୍ତାନ ଭାରତ ସରକାରଙ୍କୁ ଚୁକ୍ତିନାମାକୁ ସ୍ଥଗିତ ରଖିବା ବିଷୟରେ ପୁନର୍ବିଚାର କରିବାକୁ ନିବେଦନ କରିଛି। ପାକିସ୍ତାନ ଏହା ମଧ୍ୟ କହିଛି ଯେ ସେ ଚୁକ୍ତି ଉପରେ ଆଲୋଚନା କରିବାକୁ ପ୍ରସ୍ତୁତ। ପାକିସ୍ତାନର ଜଳସମ୍ପଦ ମନ୍ତ୍ରଣାଳୟ ଭାରତର ଜଳ ଶକ୍ତି ମନ୍ତ୍ରଣାଳୟକୁ ଏକ ଚିଠି ଲେଖିଛି।

ପାଣି ପାଇଁ ଚିନ୍ତାରେ ପାକିସ୍ତାନ: 

ପ୍ରକୃତରେ, ପାକିସ୍ତାନ ଚିନ୍ତିତ ଯେ ଭାରତର ଏହି ନିଷ୍ପତ୍ତି ପାକିସ୍ତାନର ରବି ଫସଲ ଉପରେ ବହୁତ ଖରାପ ପ୍ରଭାବ ପକାଇବ। ସୂତ୍ର ଅନୁସାରେ, ପାକିସ୍ତାନର ଏହି ଚିଠି ବୈଦେଶିକ ମନ୍ତ୍ରଣାଳୟକୁ ପଠାଯାଇଛି। କିନ୍ତୁ ପାକିସ୍ତାନର ନିବେଦନ ପ୍ରତି ଭାରତର କୌଣସି ସହାନୁଭୂତି ନାହିଁ।

ପ୍ରଧାନମନ୍ତ୍ରୀ ମୋଦି ପୂର୍ବରୁ ସ୍ପଷ୍ଟ କରିସାରିଛନ୍ତି ଯେ ରକ୍ତ ଏବଂ ପାଣି ଏକାଠି ପ୍ରବାହିତ ହୋଇପାରିବ ନାହିଁ। ଅନ୍ୟପକ୍ଷରେ, ପାକିସ୍ତାନକୁ ଯାଉଥିବା ପାଣିର ସଦୁପଯୋଗ ପାଇଁ ଭାରତ ସରକାର ପ୍ରାୟ ୧୨ କିଲୋମିଟର ଲମ୍ବ ଏକ ସୁଡ଼ଙ୍ଗ ଏବଂ ପ୍ରାୟ ୧୨୦-୧୩୦ କିଲୋମିଟରର ଏକ କେନାଲ ନିର୍ମାଣ ଯୋଜନାରେ କାମ କରୁଛନ୍ତି। ଏହି ସୁଡ଼ଙ୍ଗ ଏବଂ କେନାଲ ମାଧ୍ୟମରେ ପାକିସ୍ତାନକୁ ଯାଉଥିବା ନଦୀଗୁଡ଼ିକର ପାଣିକୁ ରବି କେନାଲ ପ୍ରକଳ୍ପ, ଇନ୍ଦିରା ନଦୀ ପ୍ରକଳ୍ପ, ବିକାନେର କେନାଲ ଏବଂ ଗଙ୍ଗ କେନାଲ ସହିତ ସଂଯୋଗ କରିବାର ଯୋଜନା ରହିଛି ଯାହା ଦ୍ଵାରା ଏହି ନଦୀଗୁଡ଼ିକର ପାଣି ହରିୟାଣା, ପଞ୍ଜାବ, ରାଜସ୍ଥାନ ଏବଂ ଦିଲ୍ଲୀକୁ ଅଣାଯାଇପାରିବ।

ନିକଟରେ ଅପରେସନ ସିନ୍ଦୂରକୁ ନେଇ ପ୍ରତିନିଧିତ୍ୱ କରିବାକୁ ବିଦେଶ ପାଇଁ ୭ ଭାରତୀୟ ପ୍ରତିନିଧୀମଣ୍ଡଳୀକୁ ସିନ୍ଧୁ ଜଳ ଚୁକ୍ତିନାମା ବିଷୟରେ ପ୍ରଶ୍ନ ପଚାରିଥିଲେ, ଯାହାର ଉତ୍ତରରେ ଭାରତୀୟ ପ୍ରତିନିଧିମଣ୍ଡଳ କହିଥିଲେ ଯେ ରକ୍ତ ଏବଂ ପାଣି ଏକାଠି ପ୍ରବାହିତ ହୋଇପାରିବ ନାହିଁ। ଯେପର୍ଯ୍ୟନ୍ତ ପାକିସ୍ତାନ ଭାରତକୁ ଆତଙ୍କବାଦୀ ପଠାଇବ, ସେପର୍ଯ୍ୟନ୍ତ ଏହାର କୌଣସି ସୁଯୋଗ ନାହିଁ।

ଅଧିକ ପଢନ୍ତୁ: ଟ୍ରାଫିକ୍ ସମସ୍ୟା ରୋକିବ ଡବଲ ଡେକର ବସ୍! ପରିବହନ ମନ୍ତ୍ରୀ ଦେଖାଇଲେ ସ୍ୱପ୍ନ; କହିଲେ, ଏଣିକି ଯାତାୟତ ହେବ ସହଜ