ଜୟପୁର:ରାଜସ୍ଥାନ ବିଜେପିର ରାଜ୍ୟ ସଭାପତି ତଥା ରାଜ୍ୟସଭା ସାଂସଦ ମଦନ ରାଠୋରଙ୍କ ଏକ ମନ୍ତବ୍ୟକୁ ନେଇ ବର୍ତ୍ତମାନ ରାଜନୈତିକ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏକ ସାଧାରଣ ସଭାକୁ ସମ୍ବୋଧିତ କରିବା ଅବସରରେ ସେ କହିଛନ୍ତି ଯେ ଯଦି କେବେ ଆମେରିକା ଏବଂ ପାକିସ୍ତାନ ମଧ୍ୟରେ ଯୁଦ୍ଧ ହୁଏ, ତେବେ ଭାରତ ପାକିସ୍ତାନର ପକ୍ଷ ନେବ, କାରଣ ପାକିସ୍ତାନ ହେଉଛି ଆମର ପଡ଼ୋଶୀ ଦେଶ। ତାଙ୍କର ଏହି ବୟସ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଛି। 

ପଡ଼ୋଶୀ ଧର୍ମକୁ ନେଇ ମଦନ ରାଠୋରଙ୍କ ବୟାନ

ଭାଷଣ ଦେବା ସମୟରେ ମଦନ ରାଠୋର କହିଛନ୍ତି "ଯଦି ଆଜି ଆମେରିକା ଏବଂ ପାକିସ୍ତାନ ମଧ୍ୟରେ ଯୁଦ୍ଧ ହୁଏ, ତେବେ ଆମେ ପାକିସ୍ତାନ ସହିତ ରହିବୁ। କାରଣ ସେ ଆମର ପଡ଼ୋଶୀ ଅଟେ। ଏହି କଥାଟି ଆମକୁ ବୁଝିବାକୁ ପଡ଼ିବ।" ତାଙ୍କର ଏଭଳି ଅଣ-ଚିନ୍ତିତ ମନ୍ତବ୍ୟ ପରେ ବିରୋଧୀ ଦଳଗୁଡ଼ିକ ତରଫରୁ ତୀବ୍ର ସମାଲୋଚନା କରାଯାଉଛି। ସୋସିଆଲ ମିଡିଆରେ ମଧ୍ୟ ବିଭିନ୍ନ ୟୁଜରମାନେ ଏହାକୁ ନେଇ ବିଭିନ୍ନ ପ୍ରକାରର ପ୍ରତିକ୍ରିୟା ରଖୁଛନ୍ତି।

ରାଜନୈତିକ କରିଡରରେ ହଇଚଇ

ବିଜେପି ରାଜ୍ୟାଧ୍ୟକ୍ଷଙ୍କ ଏପରି ବୟାନ ସାମ୍ନାକୁ ଆସିବା ପରେ ରାଜସ୍ଥାନର ରାଜନୀତିରେ ହଟ୍ଟଗୋଳ ସୃଷ୍ଟି ହୋଇଛି। ବିରୋଧୀ ନେତାମାନେ ଏହାକୁ ଦାୟିତ୍ୱହୀନ ବୟାନ ବୋଲି କହିବା ସହ ଦଳୀୟ ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି। ତେବେ ଏହି ଘଟଣାକୁ ନେଇ ଆଗକୁ କଣ ସ୍ପଷ୍ଟୀକରଣ ଆସୁଛି, ତାହା ବର୍ତ୍ତମାନ ଦେଖିବାକୁ ବାକି ରହିଛି।