କର୍ଣ୍ଣାଟକ: ଗୋଲ୍ଡ ସ୍ମଗଲିଂ ମାମଲାରେ କନ୍ନଡ ଅଭିନେତ୍ରୀ ରାନ୍ୟାଙ୍କୁ ଏକ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଛି ।  ବୈଦେଶିକ ବିନିମୟ ସଂରକ୍ଷଣ ଏବଂ ଚୋରା ଚାଲାଣ କାର୍ଯ୍ୟକଳାପ ନିରାକରଣ ଅଧିନିୟମ ଅଧୀନରେ ପରାମର୍ଶଦାତା ବୋର୍ଡ ଏହି ଦଣ୍ଡାଦେଶ ଶୁଣାଇଛନ୍ତି । ରାନ୍ୟାଙ୍କ ସହିତ ଏହି ମାମଲାରେ ଆଉ ଦୁଇ ଜଣ ଅଭିଯୁକ୍ତ ଅଛନ୍ତି, ଯେଉଁମାନେ ସମାନ ଦଣ୍ଡ ପାଇଛନ୍ତି। ଆଦେଶ ଅନୁସାରେ, ଏହି ତିନିଜଣଙ୍କର ଏକ ବର୍ଷର କାରାଦଣ୍ଡ ମଧ୍ୟରେ ଜାମିନ ପାଇଁ ଆବେଦନ କରିବାର ଅଧିକାର ରହିବ ନାହିଁ। ଏହାର ଅର୍ଥ ହେଉଛି ସେମାନେ ସମ୍ପୂର୍ଣ୍ଣ ସଜା ଅବଧି ପାଇଁ ଜାମିନ ପାଇପାରିବେ ନାହିଁ।

ରାନ୍ୟା ରାଓ କନ୍ନଡ ସୁପରଷ୍ଟାର ସୁଦୀପଙ୍କ ବିପକ୍ଷରେ 'ମାଣିକ୍ୟ' ଚଳଚ୍ଚିତ୍ରରେ ଅଭିନୟ କରିଥିଲେ । ଏଥିସହ ସେ ଅନେକ ଗୁଡ଼ିକ ସାଉଥ ସିନେମାରେ ନଜର ଆସିଛନ୍ତି । ଚଳିତ ବର୍ଷ ମାର୍ଚ୍ଚ ୩ ତାରିଖରେ ବେଙ୍ଗାଲୁରୁର କେମ୍ପେଗୌଡା ଅନ୍ତର୍ଜାତୀୟ ବିମାନବନ୍ଦରରୁ ୧୪.୮ କିଲୋଗ୍ରାମ ସୁନା ସହିତ ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ (DRI) ଦ୍ୱାରା ରାଣ୍ୟାଙ୍କୁ ଗିରଫ କରାଯାଇଥିଲା। ତାଙ୍କର ବାରମ୍ବାର ଆନ୍ତର୍ଜାତୀୟ ଯାତ୍ରା ହେତୁ ଡିଆରଆଇ ତାଙ୍କ ଉପରେ ନଜର ରଖିଥିଲା। ସେ ମାର୍ଚ୍ଚ ୩ ରାତିରେ ଏକ ଏମିରେଟ୍ସ ବିମାନରେ ଦୁବାଇରୁ ବେଙ୍ଗାଲୁରୁ ଆସିଥିଲେ ଯେତେବେଳେ ତାଙ୍କୁ ଅଟକ ରଖାଯାଇଥିଲା। ଏହାପରେ ରାନ୍ୟାଙ୍କ ବାସଭବନରେ ଚଢ଼ାଉ କରାଯାଇ ୨.୦୬ କୋଟି ଟଙ୍କାର ସୁନା ଅଳଙ୍କାର ଏବଂ ୨.୬୭ କୋଟି ଟଙ୍କା ନଗଦ ଜବତ କରାଯାଇଥିଲା ଅନୁସନ୍ଧାନରୁ ଜଣାପଡିଛି ଯେ ରାନ୍ୟା ୨୦୨୩ ରୁ ୨୦୨୫ ମଧ୍ୟରେ ୩୪ ଥର ଏକାକୀ ଦୁବାଇ ଯାତ୍ରା କରିଥିଲେ । ଏହି ମାମଲାରେ ତାଙ୍କ ସହଯୋଗୀ ତରୁଣ କୋଣ୍ଡୁରୁ ରାଜୁଙ୍କୁ ମଧ୍ୟ ଗିରଫ କରାଯାଇଥିଲା ।