ମଧ୍ୟପ୍ରଦେଶ: ସ୍ୱଚ୍ଛ ସର୍ବେକ୍ଷଣ ୨୦୨୪ ର ଫଳାଫଳ ପ୍ରକାଶ ପାଇଛି। ଗୁରୁବାର ଏହାର ଘୋଷଣା ହୋଇଛି। ଇନ୍ଦୋର ଅଷ୍ଟମ ଥର ପାଇଁ ଦେଶର ସବୁଠାରୁ ସ୍ୱଚ୍ଛ ସହର ହୋଇଛି। ଗୁଜରାଟର ସୁରଟ ଦ୍ୱିତୀୟ ସ୍ଥାନରେ ଅଛି ଏବଂ ନଭି ମୁମ୍ବାଇ ତୃତୀୟ ସ୍ଥାନରେ ଅଛି । ଚତୁର୍ଥ ସ୍ଥାନରେ ବିଜୟୱାଡା ଅଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଇନ୍ଦୋରକୁ ସ୍ୱଚ୍ଛତାର ସର୍ବୋଚ୍ଚ ସମ୍ମାନ ଦେଇଛନ୍ତି। ଇନ୍ଦୋରର ମେୟର ପୁଷ୍ୟମିତ୍ର ଭାର୍ଗବ ରାଷ୍ଟ୍ରପତିଙ୍କଠାରୁ ପୁରସ୍କାର ଗ୍ରହଣ କରିଛନ୍ତି।

ଇନ୍ଦୋର ସହର ଲଗାତାର ଅଷ୍ଟମ ଥର ପାଇଁ ଦେଶର ସବୁଠାରୁ ସ୍ୱଚ୍ଛ ସହର ହୋଇଛି। ଏହାକୁ ନେଇ ରାଜ୍ୟରେ ଖୁସିର ଲହରୀ ଖେଳିଯାଇଛି। ଭୋପାଳ ହେଉଛି ଦେଶର ସବୁଠାରୁ ସ୍ୱଚ୍ଛ ରାଜଧାନୀ। ୨୦୧୭ ମସିହାରୁ ଗତ ୭ ବର୍ଷ ଧରି ଇନ୍ଦୋରକୁ ନିରନ୍ତର ସବୁଠାରୁ ସ୍ୱଚ୍ଛ ସହର ଭାବରେ ମନୋନୀତ କରାଯାଇଛି। ଏହା ଅଷ୍ଟମ ଥର ପାଇଁ ନମ୍ବର ୱାନ ହୋଇଛି। ଇନ୍ଦୋର ନଗର ନିଗମ ଏବଂ ଏହାର ସଫେଇ କର୍ମଚାରୀମାନେ ଏଥିପାଇଁ କଠିନ ପରିଶ୍ରମ କରିଛନ୍ତି। ଏହା ସହିତ, ସାଧାରଣ ଲୋକଙ୍କ ମଧ୍ୟରେ ସ୍ୱଚ୍ଛତା ବିଷୟରେ ମଧ୍ୟ ସଚେତନତା ସୃଷ୍ଟି କରାଯାଇଛି।

ଇନ୍ଦୋର ଏବେ ଅନ୍ୟ ସହର ପାଇଁ ସ୍ୱଚ୍ଛତାର ଏକ ମଡେଲ ପାଲଟିଛି। ଏହି ସହର ଏବେ ଅନ୍ୟମାନଙ୍କୁ ସ୍ୱଚ୍ଛତାର ପାଠ ଶିଖାଇବ। ସୁପର ଲିଗରେ ଅନ୍ତର୍ଭୁକ୍ତ ୨୩ଟି ସହର ମଧ୍ୟରୁ ଇନ୍ଦୋର ସର୍ବାଧିକ ମାର୍କ ରଖିଛି।