ଅହମ୍ମଦାବାଦ: ଗୁଜରାଟ ପୋଲିସ ଏବଂ କ୍ରାଇମବ୍ରାଞ୍ଚ ଅହମ୍ମଦାବାଦ ସହରରେ ଅବୈଧ ଭାବରେ ରହୁଥିବା ବାଂଲାଦେଶୀ ନାଗରିକଙ୍କ ବିରୁଦ୍ଧରେ ଏକ ବଡ଼ ଗୁପ୍ତ ଅଭିଯାନ ଆରମ୍ଭ କରିଛନ୍ତି । ମୋଟ ୨୯୧ ସନ୍ଦିଗ୍ଧଙ୍କୁ ଅଟକ ରଖାଯାଇଥିବାବେଳେ ୧୩୧ ଜଣ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କୁ ଗିରଫ କରାଯାଇଛି । 

କ୍ରାଇମବ୍ରାଞ୍ଚ ଯୁଗ୍ମ କମିଶନର୍ ଶରଦ ସିଙ୍ଘଲଙ୍କ ସୂଚନା ଅନୁସାରେ, ମଙ୍ଗଳବାର ବିଳମ୍ବିତ ରାତିରେ ବାଂଲାଦେଶୀଙ୍କ ବିରୁଦ୍ଧରେ ଲେଟ୍ ନାଇଟ୍ ଅଭିଯାନ ଆରମ୍ଭ ହୋଇଥିଲା । ଅହମ୍ମଦାବାଦ ପୋଲିସ ଏବଂ କ୍ରାଇମବ୍ରାଞ୍ଚର ମିଳିତ ଅପରେସନରେ ଚନ୍ଦୋଲା, ଗୁଲାବନଗର ଏବଂ ଖୋଦିୟାର ନଗରରେ ସର୍ଚ୍ଚ ଅପରେସନ୍ କରାଯାଇଥିଲା ।  ମୋଟ ୨୯୧ ଜଣ ସନ୍ଦିଗ୍ଧ ବାଂଲାଦେଶୀ ନାଗରିକ ଅଟକ ରଖାଯାଇଥିଲା। ପଚରାଉଚରା ପରେ ଏହି ବ୍ୟକ୍ତିମାନଙ୍କ ମଧ୍ୟରୁ ୧୩୧ ଜଣଙ୍କୁ ଅବୈଧ ଅନୁପ୍ରବେଶକାରୀ ଭାବରେ ଚିହ୍ନଟ କରାଯାଇଛି । ସମସ୍ତଙ୍କୁ ଗିରଫ କରାଯାଇଛି । ଅନ୍ୟ ୧୬୦ ଜଣଙ୍କୁ ପଚରାଉଚରା ଜାରି ରଖିଛନ୍ତି। 

ଏହି ଘଟଣା ଉପରେ ପ୍ରତିକ୍ରିୟା ଦେଇ, ଗୁଜରାଟର ଉପମୁଖ୍ୟମନ୍ତ୍ରୀ ହର୍ଷ ସାଙ୍ଘଭି କହିଛନ୍ତି ଯେ ରାଜ୍ୟର ଗୃହ ବିଭାଗ ରାଜ୍ୟରେ ଅବୈଧ ଭାବରେ ରହୁଥିବା ବାଂଲାଦେଶୀ ନାଗରିକଙ୍କ ବିରୁଦ୍ଧରେ କଠୋର ଆଭିମୁଖ୍ୟ ଗ୍ରହଣ କରିଛି, ଯାହା ପାଇଁ ଅହମ୍ମଦାବାଦ, ସୁରଟ, ରାଜକୋଟ ଏବଂ ବଦୋଦରାରେ ଏକ ମିଳିତ ଅପରେସନ ଆରମ୍ଭ କରାଯାଇଥିଲା। ପୋଲିସ, କ୍ରାଇମବ୍ରାଞ୍ଚ, ଏସଓଡି ଏବଂ ଅନ୍ୟାନ୍ୟ ଏଜେନ୍ସିଗୁଡ଼ିକ ଦ୍ୱାରା ବିଭିନ୍ନ ଅଞ୍ଚଳରେ ଘନିଷ୍ଠ ଯାଞ୍ଚ ଏବଂ ସନ୍ଧାନ ଅଭିଯାନ କରାଯାଇଥିଲା, ସେ ଆହୁରି ମଧ୍ୟ କହିଛନ୍ତି ଯେ ଏହି ରାତିସାରା ଅପରେସନରେ ବହୁ ସଂଖ୍ୟକ ସନ୍ଦିଗ୍ଧ ବାଂଲାଦେଶୀ ନାଗରିକଙ୍କୁ ଅଟକ ରଖାଯାଇଛି।

ଗୁଜୁରାଟର ଗୃହ ବିଭାଗ ରାଜ୍ୟରେ ଅବୈଧ ଭାବରେ ରହୁଥିବା ବାଂଲାଦେଶୀ ନାଗରିକଙ୍କ ବିରୁଦ୍ଧରେ କଠୋର ଆଭିମୁଖ୍ୟ ଗ୍ରହଣ କରିଛି। ଅବୈଧ ଭାବରେ ରହୁଥିବା ବିଦେଶୀ ନାଗରିକଙ୍କୁ ଚିହ୍ନଟ କରି ଗିରଫ କରିବା ପାଇଁ ଅହମ୍ମଦାବାଦ, ସୁରଟ, ରାଜକୋଟ ଏବଂ ଭଦୋଦରା ସମେତ ସମଗ୍ର ରାଜ୍ୟରେ ଏକ ସ୍ୱତନ୍ତ୍ର ଅଭିଯାନ ଚାଲିଛି," ଉପମୁଖ୍ୟମନ୍ତ୍ରୀ କହିଛନ୍ତି।