ଗୁଜରାଟ: କୁନି ଝିଅଟି, ପାଠ ପଢିବାକୁ ସବୁଦିନ ଭଳି ସେଦିନ ବି ଘରୁ ବାହାରି ଆସିଥିଲା ସ୍କୁଲ । ହେଲେ କିଏ ଜାଣିଥିଲା, ସ୍କୁଲରେ ସେ ହୃତ୍‌ଘାତରେ ପ୍ରାଣ ଚାଲିଯିବ ବୋଲି । ୮ ବର୍ଷର ଝିଅକୁ ଯେ ହାର୍ଟଆଟାକ୍ ଆସିବ, ତାହା ହୁଏତ କେହି କଳ୍ପନା କରି ନ ଥିବେ, ହେଲେ ଏଭଳି ଏକ ଘଟଣା ଘଟିଛି ଗୁଜୁରାଟର ଅହମ୍ମଦାବାଦରେ । 

ଅହମ୍ମଦାବାଦର  ଜେବର ସ୍କୁଲରେ ପଢୁଥିବା ଜଣେ ତୃତୀୟ ଶ୍ରେଣୀର ଛାତ୍ରୀଙ୍କ ହୃତଘାତରେ ମୃତ୍ୟୁ ଘଟିଛି । ଯାହାର ସିସିଟିଭି ଫୁଟେଜ ଏବେ ସାମ୍ନାକୁ ଆସିଛି । ତେବେ ଭିଡ଼ିଓ଼ରେ ଦେଖିବାକୁ ମିଳିଛି ଛାତ୍ରୀ ଜଣକ ସକାଳେ ନିଜ କ୍ଲାସ ଆଡକୁ ଯାଉଥିବା ବେଳେ ଲବିରେ ପଡିଥିବା ସୋଫା ଉପରେ ବସି ପଡ଼ୁଛନ୍ତି । ପରେ ଛାତିରେ ଯନ୍ତ୍ରଣା ଅନୁଭବ ହେବାରୁ ସେ ସେଠାରେ ବେହୋସ୍ ହୋଇଯାଉଛନ୍ତି । 

ଏହାପରେ ତୁରନ୍ତ ସ୍କୁଲ ପକ୍ଷରୁ ଛାତ୍ରୀ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଉଛି, ହେଲେ ସେଠାରେ ନିଶ୍ୱାସ ନେବାକୁ କଷ୍ଟ ହେବାରୁ ତାଙ୍କୁ ଭେଣ୍ଟିଲେଟର ସିଷ୍ଟମରେ ବି ରଖାଯାଇଥିଲା, ହେଲେ କିଛି ସମୟ ପରେ ତାଙ୍କ ମୃତ୍ୟୁ ହୋଇଛି । ତେବେ ଏତେ କମ୍ ବୟସରୁ ହୃଦଘାତରେ ମୃତ୍ୟୁ ହେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । 

କେବଳ ଅହମ୍ମଦାବାଦ ନୁହେଁ, ଗତ ସପ୍ତାହରେ ସମାନ୍ ଘଟଣା କର୍ଣ୍ଣାଟକରେ ଦେଖିବାକୁ ମିଳିଥିଲା । ବେଙ୍ଗାଲୁରୁ ଠାରୁ ୧୬୦ କିଲୋମିଟର ଦୂରରେ ଥିବା ଚାମରାଜାନଗରର ଜଣେ ଆଠବର୍ଷର ଛାତ୍ର ହୃତଘାତର ଶିକାର ହୋଇ ମୃତ୍ୟୁବରଣ କରିଥିଲେ । ତେବେ ଅଳ୍ପ ବୟସର ସ୍କୁଲ ଛାତ୍ରଛାତ୍ରୀ ହୃଦଘାତରେ ଶିକାର ହେବା ସମସ୍ତଙ୍କ ଚିନ୍ତା ବଢାଇଛି । 

 

 

 

 

View this post on Instagram

 

 

 

 

 

 

 

 

 

 

 

A post shared by Our Ahmedabad (@ourahmedabad)