ନୂଆଦିଲ୍ଲୀ: ଆସାମ ବିଧାନସଭାରେ ୟୁନିଫର୍ମ ସିଭିଲ୍ କୋଡ୍-୨୦୨୬(ୟୁସିସି) ବିଲ୍ ବୁଧବାର ପାରିତ ହୋଇଯାଇଛି । ଉତ୍ତରାଖଣ୍ଡ ଏବଂ ଗୁଜୁରାଟ ପରେ ତୃତୀୟ ରାଜ୍ୟ ଭାବେ ଆସାମ ସରକାର ଏହି ବିଲକୁ ପାରିତ କରିବାରେ ସଫଳ ହୋଇଛନ୍ତି । ପୁନର୍ବାର କ୍ଷମତାକୁ ଆସିବା ପରେ ମୁଖ୍ୟମନ୍ତ୍ରୀ ହେମନ୍ତ ବିଶ୍ୱଶର୍ମାଙ୍କର ଏହା ପ୍ରଥମ ସଫଳତା । 

ଗତ ମାସରେ ମୁଖ୍ୟମନ୍ତ୍ରୀଙ୍କ ପ୍ରଥମ କ୍ୟାବିନେଟ ବୈଠକରେ ୟୁନିଫର୍ମ ସିଭିଲ୍ କୋଡ୍-୨୦୨୬ ପ୍ରସ୍ତାବ ଗୃହୀତ ହୋଇଥିଲା । ଗତ ସୋମବାର ମୁଖ୍ୟମନ୍ତ୍ରୀ ହେମନ୍ତ ବିଶ୍ୱଶର୍ମା ବିଧାନସରେ ବିଲ୍ ଆଗତ କରିଥିଲେ । ୟୁସିସି ଲାଗୁ ହେବା ପରେ ରାଜ୍ୟରେ ସମସ୍ତ ସମ୍ପ୍ରଦାୟ ପାଇଁ ବିବାହ, ଛାଡ଼ପତ୍ର, ଉତ୍ତରାଧିକାରୀ ଏବଂ ଲିବ୍ ଇନ୍ ରିଲେସନସିପ୍ ପାଇଁ ସମାନ ନିୟମ ଲାଗୁ ହେବ ।

ଅର୍ଥାତ ଲିଭ୍ ଇନ୍ ରିଲେସନସିପ୍ ଏଣିକି ଆଇନଗତ ପ୍ରକ୍ରିୟାରେ ଆସିବ । ବିବାହରେ ସମସ୍ତ ରୀତିନୀତି ସେହି ଧର୍ମ ଅନୁସାରେ ହେବ । କିନ୍ତୁ ବିବାହ ପଞ୍ଜିକରଣ ଏବଂ ଛାଡ଼ପତ୍ର ବାଧ୍ୟତାମୂଳକ ରହିବ । ତେବେ ଅନୁସୂଚିତ ଜାତି ପ୍ରବଣ ରାଜ୍ୟକୁ ଏଥିରୁ ବାଦ ରଖାଯାଇଛି ।

ପଞ୍ଜିକୃତ ହେବ ଲିଭ୍-ଇନ୍ ରିଲେସନସିପ୍ 

ଉଭୟ ଲିଭ-ଇନ୍ ପାର୍ଟନରଙ୍କୁ ଜିଲ୍ଲା ରେଜିଷ୍ଟ୍ରାରଙ୍କ ନିକଟରେ ସେମାନଙ୍କର ସମ୍ପର୍କ ପଞ୍ଜିକୃତ କରିବାକୁ ପଡିବ। ସେମାନେ କେବଳ ସେମାନଙ୍କର ସହବାସ ନୁହେଁ ବରଂ ଅଲଗା ହେବାର ନିଷ୍ପତ୍ତିକୁ ମଧ୍ୟ ଜଣାଇବାକୁ ପଡିବ। ଯଦି ଲିଭ୍ ଇନ୍ ରେ ରହୁଥିବାବେଳେ ଜନ୍ମିତ ସନ୍ତାନ ବୈଧ ହେବ ଏବଂ ତାଙ୍କର ସମସ୍ତ ଅଧିକାର ରହିବ । ଏପରିକି ଯଦି ଜଣେ ମହିଳା ତାଙ୍କ ଲିଭ୍-ଇନ୍ ପାର୍ଟନର ବା ପ୍ରେମିକଙ୍କ ଦ୍ୱାରା ପରିତ୍ୟକ୍ତ ହୁଅନ୍ତି, ତେବେ ସେ ଭରଣପୋଷଣ ଦାବି କରିବାର ଅଧିକାର ପାଇ ପାରିବେ ।

ସମସ୍ତ ବିବାହ ପଞ୍ଜିକରଣ ବାଧ୍ୟତା ମୂଳକ 

ସେହିପରି ସମସ୍ତ ବିବାହକୁ ପଞ୍ଜିକରଣ କରିବା ବାଧ୍ୟତାମୂଳକ । ବିବାହର 60 ଦିନ ମଧ୍ୟରେ ବିବାହ ପଞ୍ଜିକରଣ କରିବେ । ଯେଉଁମାନେ ଲିଭ୍-ଇନ୍ ରିଲେସନରେ ରହୁଛନ୍ତି ସେମାନେ 30 ଦିନ ମଧ୍ୟରେ ପଞ୍ଜିକରଣ କରିବା ବାଧ୍ୟତାମୂଳକ । ଯେଉଁମାନେ ବିବାହ କିମ୍ବା ଛାଡ଼ପତ୍ର ପଞ୍ଜିକରଣ କରିବେ ନାହିଁ ସେମାନଙ୍କୁ 10,000 ଟଙ୍କା ଆର୍ଥିକ ଦଣ୍ଡରେ ଦଣ୍ଡିତ କରାଯିବ । 

ସବୁ ଧର୍ମରେ ଗୋଟିଏ ବିବାହ ବୟସ ସମାନ 

ସମସ୍ତ ଧର୍ମର ଲୋକଙ୍କ ପାଇଁ ବିବାହ ପାଇଁ ସ୍ୱତନ୍ତ୍ର ନିୟମ ରହିବ । ସୁବ ଧର୍ମର ବିବାହ ଯୋଗ୍ୟ ବୟସ ମଧ୍ୟ ସମାନ ରହିବ । ଡ୍ରାଫ୍ଟ ଅନୁଯାୟୀ ପୁରୁଷଙ୍କ ପାଇଁ ସର୍ବନିମ୍ନ ବୟସ ୨୧ ଏବଂ ମହିଳାଙ୍କ ପାଇଁ ୧୮ ବର୍ଷ । ଯଦି କୌଣସି କେହି ଭ୍ରମାତ୍ମକ ଦିଅନ୍ତି ତେବେ ବିବାହ ବାତିଲ ହେବ । ୟୁସିସି ମଧ୍ୟ ବହୁ ବିବାହ ପ୍ରଥାକୁ ନିଷିଦ୍ଧ କରାଯିବ । ଯଦି ଜଣେ ପୁରୁଷ ଆଇନଗତ ଛାଡପତ୍ର ନ ନେଇ ଦ୍ୱିତୀୟ କିମ୍ବା ତୃତୀୟ ବିବାହ କରନ୍ତି କିମ୍ବା ତାଙ୍କର ଏକାଧିକ ପତ୍ନୀ ଥାଆନ୍ତି, ତେବେ ତାଙ୍କୁ ଦଣ୍ଡିତ କରାଯିବ । ଏକାଧିକ ପତ୍ନୀ ରଖିଲେ ୭ ବର୍ଷ ପର୍ଯ୍ୟନ୍ତ ଜେଲଦଣ୍ଡ ଭୋଗିବାର ପ୍ରାବଧାନ ରହିଛି । 

ଉତ୍ତରାଧିକାରୀ ପାଇଁ ସମାନ ନିୟମ 

ସମସ୍ତ ଧର୍ମର ଲୋକଙ୍କ ପାଇଁ ଉତ୍ତରାଧିକାର ପାଇଁ ସମାନ ନିୟମ ରହିବ। ଡ୍ରାଫ୍ଟରେ କୁହାଯାଇଛି ଯେ ଯଦି ଜଣେ ବ୍ୟକ୍ତି ଇଚ୍ଛାପତ୍ର ପ୍ରସ୍ତୁତ କରନ୍ତି ନାହିଁ, ତେବେ ଉତ୍ତରାଧିକାରୀଙ୍କୁ ତିନୋଟି ବର୍ଗରେ ବିଭକ୍ତ କରାଯିବ, ଯଥା- ପ୍ରଥମ ଶ୍ରେଣୀର ଉତ୍ତରାଧିକାରୀ, ଦ୍ୱିତୀୟ ଶ୍ରେଣୀର ଉତ୍ତରାଧିକାରୀ ଏବଂ ଅନ୍ୟାନ୍ୟ ସମ୍ପର୍କୀୟ। ପ୍ରଥମ ଶ୍ରେଣୀର ଉତ୍ତରାଧିକାରୀମାନଙ୍କ ମଧ୍ୟରେ ପତି/ପତ୍ନୀ, ସନ୍ତାନ ଏବଂ ପିତାମାତା ଅନ୍ତର୍ଭୁକ୍ତ ହେବେ। ଦ୍ୱିତୀୟ ଶ୍ରେଣୀର ଉତ୍ତରାଧିକାରୀମାନଙ୍କ ମଧ୍ୟରେ ସାବତ ପିତାମାତା, ଜେଜେବାପା ଏବଂ ଜେଜେବାପା ଅନ୍ତର୍ଭୁକ୍ତ ହେବେ। ଅନ୍ୟ ସମ୍ପର୍କୀୟମାନଙ୍କ ମଧ୍ୟରେ ପ୍ରଥମ ଏବଂ ଦ୍ୱିତୀୟ ଶ୍ରେଣୀର ବ୍ୟକ୍ତି ବ୍ୟତୀତ ଅନ୍ୟ ବ୍ୟକ୍ତି ଅନ୍ତର୍ଭୁକ୍ତ ହେବେ।