ନୂଆଦିଲ୍ଲୀ: ବିଶ୍ୱ ସୁନ୍ଦରୀ ତଥା ପ୍ରସିଦ୍ଧ ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ଏବେ ଦିଲ୍ଲୀ ହାଇକୋର୍ଟର ଦ୍ୱାରସ୍ଥ ହୋଇଛନ୍ତି। ସେ ତାଙ୍କର AI ଦ୍ୱାରା ଜେନେରେଟେଡ୍ ଫଟୋର ଅପବ୍ୟବହାରରୁ ତାଙ୍କୁ ସୁରକ୍ଷା ଦେବା ପାଇଁ କୋର୍ଟରେ ଆବେଦନ କରିଛନ୍ତି। ଐଶ୍ୱର୍ଯ୍ୟା ରାୟ କହିଛନ୍ତି ଯେ ତାଙ୍କ ଅନୁମତି ବିନା ତାଙ୍କର ଫଟୋଗୁଡ଼ିକୁ ବାଣିଜ୍ୟିକ ଲାଭ ପାଇଁ ବ୍ୟବହାର କରାଯାଉଛି। ସେ କୋର୍ଟରୁ ତାଙ୍କ ବ୍ୟକ୍ତିତ୍ୱ ଅଧିକାରର ସୁରକ୍ଷା ଦାବି କରିଛନ୍ତି।

ପ୍ରକୃତରେ, ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଫଟୋ ବିଭିନ୍ନ ୱେବସାଇଟରେ ବ୍ୟବହାର କରାଯାଉଛି। ଏହାକୁ ବନ୍ଦ କରିବା ପାଇଁ, ଐଶ୍ୱର୍ଯ୍ୟା ଆଇନଗତ ରାସ୍ତା ଆପଣାଇଛନ୍ତି । ଅଭିନେତ୍ରୀଙ୍କ ଓକିଲ କୋର୍ଟକୁ ସେହି ୱେବସାଇଟ୍ ଏବଂ ବିଷୟବସ୍ତୁ ବିଷୟରେ ଅବଗତ କରାଇଛନ୍ତି ଯେଉଁଥିରେ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଫଟୋ ଏବଂ ନାମ ବିନା ଅନୁମତିରେ ବାଣିଜ୍ୟିକ ଭାବରେ ବ୍ୟବହାର କରାଯାଉଛି।

ଏଫଆଇଆରରେ କଣ ଦର୍ଶାଇଛନ୍ତି ଐଶ୍ୱର୍ଯ୍ୟା

ଐଶ୍ୱର୍ଯ୍ୟା ରାୟ ତାଙ୍କ ଆବେଦନରେ କହିଛନ୍ତି, ‘ଅବାସ୍ତବ ଅନ୍ତରଙ୍ଗ ଫଟୋଗୁଡ଼ିକୁ କଫି, ମଗ୍ ଏବଂ ଅନ୍ୟାନ୍ୟ ଜିନିଷ ବିକ୍ରି କରିବା ପାଇଁ ବ୍ୟବହାର କରାଯାଇଛି। ଯେଉଁ ସ୍କ୍ରିନସଟ୍ଗୁଡ଼ିକରେ ଫଟୋଗୁଡ଼ିକୁ ବିକୃତ କରାଯାଇଛି, ତାହା କେବେ ଐଶ୍ୱର୍ଯ୍ୟା ରାୟଙ୍କର ନୁହେଁ। ଏଗୁଡ଼ିକ ସବୁ AI ଦ୍ୱାରା ଜେନେରେଟେଡ୍।’ 

ଐଶ୍ବର୍ଯ୍ୟାଙ୍କ ଓକିଲ ଅଭିଯୋଗ କରିଛନ୍ତି ଯେ କିଛି ଲୋକ କେବଳ ନାମ ଏବଂ ଟଙ୍କା ରୋଜଗାର କରିବା ପାଇଁ ତାଙ୍କ ମୁହଁକୁ ବ୍ୟବହାର କରୁଛନ୍ତି। ଯେତେବେଳେ କିଛି ଲୋକ ତାଙ୍କ ନାମ ବ୍ୟବ‌ହାର କରି ସେମାନଙ୍କର ଯୌନ ଇଚ୍ଛା ପୂରଣ କରୁଛନ୍ତି, ଯାହା ଅତ୍ୟନ୍ତ ଦୁର୍ଭାଗ୍ୟଜନକ। ଐଶ୍ବର୍ଯ୍ୟା ରାୟଙ୍କ ଓକିଲ ଯୁକ୍ତି ଦେଇଥିଲେ ଯେ ଅନୁମତି ବିନା ଏପରି କାର୍ଯ୍ୟକଳାପ ତାଙ୍କ ବ୍ୟକ୍ତିଗତ ଅଧିକାରକୁ ଉଲଂଘନ କରେ ଏବଂ ଏହାକୁ ବନ୍ଦ କରିବା ଆବଶ୍ୟକ।

ଅଧିକ ପଢନ୍ତୁ: ବ୍ୟାପକ ହିଂସାକାଣ୍ଡ ଭିତରେ ନେପାଳ ପ୍ରଧାନମନ୍ତ୍ରୀ କେ,ପି ଓଲିଙ୍କ ଇସ୍ତଫା; କାଠମାଣ୍ଡୁରେ ବିକ୍ଷୋଭକାରୀଙ୍କ ହିଂସା ଓ ପୋଡାଜଳା ଅନିୟନ୍ତ୍ରିତ