ଆପଣଙ୍କ ହ୍ୱାଟସଆପ ୱେବରେ ଚାଟ୍ ସ୍କ୍ରୋଲ କରିବା ବେଳେ ସମସ୍ୟା ହେଉଛି କି? ଉପରକୁ କିମ୍ବା ତଳକୁ ସ୍କ୍ରୋଲ୍ କରିପାରୁନାହିଁ କି? କାରଣ ଗତ କିଛି ଘଣ୍ଟା ହେବ ହ୍ୱାଟସଆପ୍ ୱେବରେ ଏଭଳି ସମସ୍ୟା ଉପୁଜିଛି। ଏନେଇ ଅନେକ ହ୍ୱାଟସଆପ୍ ବ୍ୟବହାରକାରୀ X ରେ ଏହି ସମସ୍ୟା ବିଷୟରେ ପୋଷ୍ଟ କରିଛନ୍ତି।

ଜଣେ ବ୍ୟବହାରକାରୀ ଲେଖିଛନ୍ତି, "WhatsApp web ରେ କିଛି ଅସୁବିଧା ଅଛି କି? ମୁଁ ଉପରକୁ କିମ୍ବା ତଳକୁ ସ୍କ୍ରୋଲ୍ କରିପାରୁନାହିଁ।" ସେହିପରି ଆଉ ଜଣେ ବ୍ୟବହାରକାରୀ ଲେଖିଛନ୍ତି, "ଆଜି, କେହି WhatsAppରେ ସ୍କ୍ରୋଲ୍ କରିବାରେ ସମସ୍ୟାର ସମ୍ମୁଖୀନ ହେଉଛନ୍ତି କି? କାରଣ ଅଫିସରେ ୩ ରୁ ୪ ଜଣ ବ୍ୟବହାରକାରୀ ଆଜି WhatsApp ୱେବ୍ ଟିକେ ଅଜବ ବ୍ୟବହାର କରୁଥିବାର ଅନୁଭବ କରୁଛନ୍ତି, ସାଧାରଣ ପରି ନୁହେଁ... ଯଦି ଆପଣ ମଧ୍ୟ ଏହା ଅନୁଭବ କରୁଛନ୍ତି, ଦୟାକରି ମୋତେ ଜଣାନ୍ତୁ.."

ହ୍ୱାଟସଆପ ବ୍ୟବହାର ଆଜିକାଲି ସମସ୍ତଙ୍କ ପାଇଁ ବେଶ୍ ଗୁରୁତ୍ୱ ବହନ କରୁଛି। WhatsApp ଏବେ କୋଟି କୋଟି ଲୋକଙ୍କ ପାଇଁ ଏକ ଅତ୍ୟାବଶ୍ୟକ ଭିତ୍ତିଭୂମି, ଯାହା ସାମାଜିକ, ବ୍ୟବସାୟିକ ଏବଂ ଜରୁରୀକାଳୀନ ଯୋଗାଯୋଗର ମାଧ୍ୟମ ପାଲଟିଛି। ଏହାର ବ୍ୟବହାର ବିଶେଷ କରି ଅଫିସିଆଲ କାମ ଠାରୁ ଆରମ୍ଭ କରି ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ସହ ଜଡିତ। ଏହି ଏବେ ସୋସିଆଲ ମେସେଜିଂ ଆପ୍‌କୁ ନେଇ କେତେକ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। କାରଣ କିଛି ଘଣ୍ଟା ହେବ ଏହି ମେସେଜିଂ ଆପ୍‌ରେ ସ୍କ୍ରୋଲିଂର ସମସ୍ୟା ଦେଖାଦେଇଛି। ବ୍ୟବହାରକାରୀମାନେ କହିଛନ୍ତି ଯେ ସେମାନେ ସେମାନଙ୍କର ଚାଟ୍ ମାଧ୍ୟମରେ ସ୍କ୍ରୋଲ୍ କରିପାରୁନାହାଁନ୍ତି, ଯାହା ଫଳରେ କଥାବାର୍ତ୍ତାରେ ଉପରକୁ ତଳକୁ ସ୍କ୍ରୋଲ୍ କରିବା କଷ୍ଟକର ହୋଇପଡୁଛି। ତେବେ ଏନେଇ ମେଟା କିମ୍ବା ହ୍ୱାଟସଆପ  ପକ୍ଷରୁ କୌଣସି ଘୋଷଣା କରାଯାଇନାହିଁ। 

ଅଧିକ ପଢନ୍ତୁ: ଜିଏସ୍ଟି ହ୍ରାସର ବଡ଼ ପ୍ରଭାବ! ୨.୪ ଲକ୍ଷ ପର୍ଯ୍ୟନ୍ତ ଶସ୍ତା ହେଲା ଏହି କଂପାନୀର କାର୍