ନୂଆଦିଲ୍ଲୀ: ଲଗାତାର କିଛି ଦିନ ହେବ ବିମାନ ଯାନ୍ତ୍ରିକ ତ୍ରୁଟି ନେଇ ବାରମ୍ବାର ଖବର ଆସୁଛି । ଏହି ଯାନ୍ତ୍ରିକ ତ୍ରୁଟି ଯୋଗୁଁ କେତେବେଳେ ବିମାନ ଉଡାଣ ବାତିଲ କରାଯାଉଛି ତ, ଆଉ କେତେବେଳେ ଜରୁରୀ ଅବତରଣ ହେଉଛି । ତେବେ ଚଳିତବର୍ଷ ଜୁଲାଇ ୨୧ ସୁଦ୍ଧା ୧୮୩ଟି ଭାରତୀୟ ବିମାନରେ ଯାନ୍ତ୍ରିକ ତ୍ରୁଟି ଦେଖାଦେଇଛି । ଏନେଇ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ପକ୍ଷରୁ ସୂଚନା ଦିଆଯାଇଛି । ସରକାରୀ ସୂଚନା ମୁତାବିକ ସେଥିମଧ୍ୟରୁ ଏୟାର ଇଣ୍ଡିଆରେ ଯାନ୍ତ୍ରିକ ତ୍ରୁଟି ସବୁଠୁ ଅଧିକ। ୨୦୨୫ ଆରମ୍ଭରୁ ଏବେସୁଦ୍ଧା ଏୟାର ଇଣ୍ଡିଆରେ ୮୫ଟି  ଯାନ୍ତ୍ରିକ ତ୍ରୁଟି ଦେଖାଦେଇଛି ।

(୨୪ ଜୁଲାଇ) ଲୋକସଭାରେ ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ମୁରଲୀଧର ମୋହୋଲ ତାଙ୍କ ଅଭିଭାଷଣରେ କହିଛନ୍ତି ଯେ ଇଣ୍ଡିଗୋର ୬୨ ଟି ଯାନ୍ତ୍ରିକ ତ୍ରୁଟି ଦେଖାଦେଇଥିବା ବେଳେ ଆକାସା ଏୟାରଲାଇନ୍ସ ୨୮ଟି ତ୍ରୁଟି ରିପୋର୍ଟ କରିଛି । ଏଥିସହ ସ୍ପାଇସଜେଟ୍ ୮ଟି ତ୍ରୁଟି ରିପୋର୍ଟ କରିଛି। ସେ କହିଛନ୍ତି ଯେ ଏପରି ତ୍ରୁଟିର କଠୋର ତଦନ୍ତ ଏବଂ ତୁରନ୍ତ ସଂଶୋଧନମୂଳକ ପଦକ୍ଷେପ ଆବଶ୍ୟକ।

୧ ଜାନୁଆରୀରୁ ୨୧ ଜୁଲାଇ ପର୍ଯ୍ୟନ୍ତ  ତଥ୍ୟ

ସେହି ସମୟରେ, ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ ଯଥାକ୍ରମେ ୮୫ ଟି ଯାନ୍ତ୍ରିକ ତ୍ରୁଟି ରିପୋର୍ଟ କରିଛନ୍ତି। ଯାହା ସର୍ବାଧିକ। ଏହି ସମସ୍ତ ସଂଖ୍ୟା ଚଳିତ ବର୍ଷ ୧ ଜାନୁଆରୀ ୨୦୨୫ ରୁ ୨୧ ଜୁଲାଇ ୨୦୨୫ ପର୍ଯ୍ୟନ୍ତ  ଭିତରେ ହୋଇଛି।

ଗତ କିଛି ବର୍ଷର ପରିସଂଖ୍ୟାନ

ଅନ୍ୟପକ୍ଷରେ, ଯଦି ଆମେ ଗତ କିଛି ବର୍ଷର ତଥ୍ୟ ଉପରେ ନଜର ପକାଇବା, ତେବେ ୨୦୨୪ ରେ ରିପୋର୍ଟ ହୋଇଥିବା ଯାନ୍ତ୍ରିକ ତ୍ରୁଟି ସଂଖ୍ୟା ୪୨୧ ଥିଲା, ଯାହା ୨୦୨୩ ରେ ରିପୋର୍ଟ ହୋଇଥିବା ୪୪୮ ତୁଳନାରେ କମ୍ ଥିଲା। ୨୦୨୨ ରେ ରିପୋର୍ଟ ହୋଇଥିବା ଯାନ୍ତ୍ରିକ ତ୍ରୁଟି ସଂଖ୍ୟା ୫୨୮ ଥିଲା। ୨୦୨୧ ରେ ବିମାନରେ ଯାନ୍ତ୍ରିକ ତ୍ରୁଟି ରିପୋର୍ଟ ସଂଖ୍ୟା ୫୧୪ ଥିଲା। ସେତେବେଳେ ଆକାସା ଏୟାର କାର୍ଯ୍ୟ ଆରମ୍ଭ କରିନଥିଲା।

'ତୃଟିଗୁଡ଼ିକର ତଦନ୍ତ କରିବା ଆବଶ୍ୟକ'

ବିମାନ କମ୍ପାନୀ ଦ୍ୱାରା ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ (DGCA)କୁ ରିପୋର୍ଟ କରାଯାଇଥିବା ସମସ୍ତ ତ୍ରୁଟିର ତଦନ୍ତ କରାଯିବା ଆବଶ୍ୟକ ଯାହା ଦ୍ୱାରା ଉପଯୁକ୍ତ ସଂଶୋଧନମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ। ଏକ ଲିଖିତ ଉତ୍ତରରେ, ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ମୁରଲୀଧର ମୋହୋଲ କହିଛନ୍ତି, "ସମସ୍ତ ତ୍ରୁଟି, ବିଶେଷକରି ପ୍ରମୁଖ ତ୍ରୁଟିଗୁଡ଼ିକର ଶୀଘ୍ର ତଦନ୍ତ କରାଯିବା ଉଚିତ ଯାହା ଦ୍ଵାରା ଯଥାଶୀଘ୍ର ପ୍ରତିରୋଧକ/ସଂଶୋଧନମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ। ବିମାନରେ ତ୍ରୁଟିଗୁଡ଼ିକର ତଦନ୍ତ ଅପରେଟର ଦ୍ୱାରା DGCA ସହିତ ସହଯୋଗରେ କରାଯାଏ। ଭବିଷ୍ୟତରେ ଏପରି ଘଟଣାଗୁଡ଼ିକୁ ରୋକିବା ଏବଂ ସମାଧାନକୁ ତ୍ୱରାନ୍ୱିତ କରିବା ପାଇଁ DGCA ସହିତ ମିଳିତ ପ୍ରୟାସ କରାଯାଉଛି।"