ନୂଆଦିଲ୍ଲୀ: କେରଳ ଜେଲରେ ଦୁଷ୍କର୍ମ ମାମଲାରେ ଆଜୀବନ କାରାଦଣ୍ଡ ଭୋଗୁଥିବା ଜଣେ କଏଦୀ ଜେଲରୁ ଫେରାର ହୋଇଯାଇଛି । ଅଭିଯୁକ୍ତ ଗୋବିନ୍ଦଚାମିକୁ କେରଳ ପୋଲିସ ବହୁତ ସ୍ଥାନରେ ଚଢ଼ଉ କରିବା ପରେ ତାକୁ ଧରିବାରେ ସଫଳ ହୋଇଛି । ଏ ନେଇ ଜେଲ୍ ଡିଜିପି ବଳରାମ କୁମାର ଉପାଧ୍ୟାୟ ସୂଚନା ଦେଇଛନ୍ତି । 

୨୦୧୧ ସୌମ୍ୟା ଗଣଦୁଷ୍କର୍ମ ଏବଂ ହତ୍ୟା ମାମଲାରେ ଗୋବିନ୍ଦଚାମି ଦୋଷୀ ସାବ୍ୟସ୍ତ ହୋଇଥିଲା । ତାକୁ ଅଦାଲତ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ । ସେ କନ୍ନୁର କେନ୍ଦ୍ରୀୟ କାରାଗାରରେ ସେ ସଜା କାଟୁଥିଲା । ଗତକାଲି ସେଲର ନିୟମିତ ଯାଞ୍ଚ ସମୟରେ ନିଖୋଜ ଘଟଣା ସାମ୍ନାକୁ ଆସିଥିଲା। ଜେଲ କର୍ତ୍ତୃପକ୍ଷ ତୁରନ୍ତ ଜେଲ ପରିସରରେ ଏବଂ ଆଖପାଖରେ ଏକ ତଲାସୀ ଅଭିଯାନ ଆରମ୍ଭ କରିଥିଲେ, କିନ୍ତୁ କଏଦୀଙ୍କୁ କୌଣସି ସ୍ଥାନରୁ ମିଳିନଥିଲା। ସିସିଟିଭି ଫୁଟେଜରେ ଗୋବିନ୍ଦଚାମି ଜେଲରୁ ପଳାୟନ ପରେ ରାସ୍ତାରେ ଯାଉଥିବାର ଦେଖାଯାଇଥିଲା । କେରଳ ପୋଲିସ ତାଙ୍କୁ ଧରିବାର ସଫଳ ହୋଇଛି । ଯେଉଁମାନେ କାର୍ଯ୍ୟରେ ଅବହେଳା କରିଛନ୍ତି ସେମାନଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡିଜିପି ବଳରାମ କୁମାର ଉପାଧ୍ୟାୟ କହିଛନ୍ତି । 

ଦୁଷ୍କର୍ମ ପୀଡ଼ିତା ସୌମ୍ୟଙ୍କ ମାଆ କଏଦୀ ଫେରାର ହେବାକୁ ନେଇ ଆଶ୍ଚର୍ଯ୍ୟ ପ୍ରକାଶ କରିଛନ୍ତି । କନ୍ନୁର ଭଳି ଜେଲ୍ ଏକ ବଡ଼ କାରାଗାରୁ କଏଦୀ କିପରି ଡେଇଁ ଖସି ପଳାଇପାରିବେ ବୋଲି ପ୍ରଶ୍ନ କରିଥିଲେ । ବିନା ସାହାଯ୍ୟରେ ଏହା ଅସମ୍ଭବ ଅଟେ । ଭିତରେ କେହି ତାଙ୍କୁ ସାହାଯ୍ୟ କରିଥିବେ ବୋଲି ଆଶଙ୍କା କରିଛନ୍ତି । 

ବିଜେପି ରାଜ୍ୟ ସଭାପତି କେ ସୁରେନ୍ଦ୍ରନ ଜେଲ୍ ବ୍ୟବସ୍ଥାରେ ଗୁରୁତର ତ୍ରୁଟି ଅଭିଯୋଗ କରିଛନ୍ତି ଏବଂ ପଳାୟନ ନାଟକୀୟ ଥିଲା କି ବୋଲି ପ୍ରଶ୍ନ କରିଛନ୍ତି । କାନ୍ଥରେ ବିଦ୍ୟୁତ୍ ବାଡ଼ ଲାଗିଥିଲା। ଜେଲରୁ ଖସିଯିବା ସମୟରେ ବିଦ୍ୟୁତ୍ ବନ୍ଦ ହୋଇଯାଇଥିଲା । ସବୁକିଛି ଏକ ରହସ୍ୟ। ସେ ଖସି ପଳାଇଥିଲେ ନା ବିଦା ପଳାଇବାରେ ସାହାଯ୍ୟ କରାଯାଇଥିଲା ?" ସେ ପ୍ରଶ୍ନ କରିଛନ୍ତି । ସୁରେନ୍ଦ୍ରନ ଏହା ମଧ୍ୟ ଦର୍ଶାଇଛନ୍ତି ଯେ ସିପିଆଇ(ଏମ୍) ନେତା ପି ଜୟରାଜନ ଏବଂ ଥ୍ରୀକାରିପୁରର ସ୍ଥାନୀୟ ବିଧାୟକ ଜେଲ୍ ପରାମର୍ଶଦାତା କମିଟିରେ ଅଛନ୍ତି।

୧ ଫେବୃଆରୀ, ୨୦୧୧ ରେ ଶୋର୍ଣ୍ଣୁର ନିକଟ ମଞ୍ଜକ୍କଡରୁ ୨୩ ବର୍ଷୀୟା ମହିଳା ସୌମ୍ୟା ଏର୍ଣ୍ଣାକୁଲମରୁ ଶୋର୍ଣ୍ଣରୁ ଯାଉଥିବା ଏକ ଯାତ୍ରୀବାହୀ ଟ୍ରେନରେ ଯାତ୍ରା କରୁଥିବା ସମୟରେ ବଳାତ୍କାର ଏବଂ ହତ୍ୟାର ଶିକାର ହୋଇଥିଲେ । ଗୋବିନ୍ଦଚାମି ଏଥିରେ ମୁଖ୍ୟ ଅଭିଯୁକ୍ତ ଅଟେ ।