ଜେନେଭା; ଆମେରିକା ଏବଂ ଚୀନ୍ ମଧ୍ୟରେ ଶୁଳ୍କ ଯୁଦ୍ଧ ଏବେ ଶେଷ ହୋଇଛି। ଜେନେଭାରେ ଦୁଇ ଦିନିଆ ବୈଠକ ପରେ ଉଭୟ ଦେଶ ଏହି ଚୁକ୍ତିନାମାରେ ମୋହର ମାରିଛନ୍ତି। ବିଶ୍ୱର ଦୁଇ ଅର୍ଥନୈତିକ ଶକ୍ତି ଦ୍ୱାରା ଜାରି ଏକ ମିଳିତ ବିବୃତ୍ତିରେ କୁହାଯାଇଛି ଯେ ବର୍ତ୍ତମାନର ଶୁଳ୍କ ଉପରେ ୯୦ ଦିନର ବିରତି ଲାଗୁ କରାଯାଇଛି। ଆମେରିକାର ଅର୍ଥ ସଚିବ ସ୍କଟ୍ ବେସାଣ୍ଟ କହିଛନ୍ତି ଯେ ଉଭୟ ଦେଶ କେବଳ ବର୍ତ୍ତମାନର ଶୁଳ୍କ ବନ୍ଦ କରିବାକୁ ରାଜି ହୋଇନାହାଁନ୍ତି ବରଂ ଏହାକୁ ହ୍ରାସ କରିବାକୁ ମଧ୍ୟ ରାଜି ହୋଇଛନ୍ତି।

ସୂଚନା ଅନୁଯାୟୀ, ଉଭୟ ଦେଶ ପରସ୍ପର ଉପରେ ଲାଗୁ କରିଥିବା ଶୁଳ୍କ ପ୍ରାୟ ୧୧୫ ପ୍ରତିଶତ ହ୍ରାସ ପାଇଛି। ଏହି ୯୦ ଦିନ ମଧ୍ୟରେ, ଚୀନ୍ ସାମଗ୍ରୀ ଉପରେ ଆମେରିକାର ଶୁଳ୍କ ୧୪୫ ପ୍ରତିଶତରୁ ୩୦ ପ୍ରତିଶତକୁ ହ୍ରାସ କରାଯିବ। ଅନ୍ୟପକ୍ଷରେ, ଚୀନ୍ ମଧ୍ୟ ସମାନ ଭାବରେ ଆମେରିକୀୟ ସାମଗ୍ରୀ ଉପରେ ଶୁଳ୍କ ୧୨୫ ପ୍ରତିଶତରୁ ୧୦ ପ୍ରତିଶତକୁ ହ୍ରାସ କରିବ ବୋଲି ବୈଠକରେ ଆଲୋଚନା ହୋଇଛି।