ଉତ୍ତରପ୍ରଦେଶ ସ୍ଥିତ ବାରାଣାସି ଶ୍ରୀକାଶୀବିଶ୍ୱନାଥଙ୍କ ମନ୍ଦିରର ମୁଖ୍ୟ ପୂଜାରୀଙ୍କୁ ମିଳିବ ମାସିକ ୯୦୦୦୦ ଟଙ୍କା। ନିକଟରେ ହୋଇଥିବା କାଶୀବିଶ୍ୱନାଥ ମନ୍ଦିର ନ୍ୟାସର ୧୦୫ ତମ ବୈଠକରେ ୪୧ ବର୍ଷ ପରେ ପୂଜାରୀ ସେବା ନିୟମାବଳୀକୁ ନେଇ ଏଭଳି ସହମତି ହୋଇଛି। ତେବେ ଏଥିରେ ମୁଖ୍ୟ ପୂଜାରୀଙ୍କ ମାସିକ ଦରମା ୯୦ ହଜାର ଧାର୍ଯ୍ୟ କରାଯାଇଥିବାବେଳେ ଏଠାରେ ଆହୁରି ୫୦ଜଣଙ୍କୁ କନିଷ୍ଠ ତଥା ସହାୟକ ପୂଜାରୀ ଭାବେ ନିଯୁକ୍ତ କରାଯିବା ବେଳେ  ଏମାନଙ୍କ ମାସିକ ଦରମା ଯଥାକ୍ରମେ ୮୦ ହଜାର ଓ ୬୫ ହଜାର ଧାର୍ଯ୍ୟ କରାଯାଇଛି । 

ବୈଠକରେ ଏହା ମଧ୍ୟ ନିଷ୍ପତ୍ତି ନିଆ ଯାଇଛି ଯେ, ପୂଜାରୀଙ୍କର ପାଖାପାଖି ୫୦ଟି ପଦ ରହିବ। ଏଥିରେ ନିଯୁକ୍ତି ପାଇଁ ବିଜ୍ଞାପନ ଖୁବ ଶୀଘ୍ର ପ୍ରକାଶ ପାଇବ । ଏହା ବ୍ୟତୀତ ସମସ୍ତ ସଂସ୍କୃତ ଛାତ୍ରଙ୍କୁ ଶ୍ରୀ କାଶୀ ବିଶ୍ୱନାଥ ମନ୍ଦିର ପକ୍ଷରୁ ବିନା ମୂଲ୍ୟରେ ପୋଷାକ ଓ ପୁସ୍ତକ ଦିଆଯିବ । ମନ୍ଦିର ବୋର୍ଡ ପକ୍ଷରୁ ସଂସ୍କୃତ ଜ୍ଞାନ ପ୍ରତିଯୋଗିତା ଆୟୋଜିତ ହେବ । ଏହାସହ ସହରର ବିଭିନ୍ନ ସ୍ଥାନରେ କାଶୀବିଶ୍ୱନାଥଙ୍କ ନିଃଶୁଳ୍କ ପ୍ରସାଦ ବଣ୍ଟନ କରାଯିବ ।

ଅଧିକ ପଢନ୍ତୁ: ହ୍ୱାଟସ ଆପରେ ସୋରେନଙ୍କ କଳା ସମ୍ପତ୍ତିର ତାଲିକା