ନୂଆ ଭାରତ ଗଢିବ ‘ଜାତୀୟ ଶିକ୍ଷା ନୀତି’ : ପ୍ରଧାନମନ୍ତ୍ରୀ
Khabar Odisha:New-India-to-form-National-Education-Policy-PM

ନୂଆଦିଲ୍ଲୀ, ଜୁଲାଇ ୨୯ (ଖବର ଓଡ଼ିଶା): ଆଜି ଜାତୀୟ ଶିକ୍ଷା ନୀତିକୁ ବର୍ଷେ ପୁରିଛି । ଏହି ଅବସରରେ ପୁରା ଦେଶ ବାସୀଙ୍କୁ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମାତ୍ର ଗୋଟିଏ ବର୍ଷ ମଧ୍ୟରେ ନୂଆ ଶିକ୍ଷା ନୀତିକୁ ନେଇ ଅନେକ ସୁଫଳ ଦେଖିବାକୁ ମିଳୁଛି ବୋଲି ଆଜି ନିଜ ଅବିଭାଷଣରେ ମୋଦି କହିଛନ୍ତି ।

ରାଷ୍ଟ୍ରୀୟ ଶିକ୍ଷାନୀତି ଏକ ବଡ଼ ମିଶନ୍ ପୁରା ଦେଶ ପାଇଁ । ଏହି ମିଶନ୍ ଏକ ନୂଆ ଭାରତ ଗଢିବାରେ ସହାୟକ ହେବ । ଆଗାମୀ ଭବିଷ୍ୟତରେ ଯୁବାବର୍ଗଙ୍କୁ ଅଧିକ ଦକ୍ଷ କରି ଗଢିବ ନୂଆ ଶିକ୍ଷା ନୀତି ବୋଲି ପ୍ରଧାନମନ୍ତ୍ରୀ କହିଛନ୍ତି ।

 

ଏହାସହିତ କରୋନା କାଳରେ ଦେଶରେ ଜାରି ରହିଥିବା ଅନଲାଇନ୍ ପାଠପଢା କୁ ଏକ ବୃହତ୍ତର ସଫଳତା ବୋଲି ମୋଦି କହିଛନ୍ତି । କରୋନା କାଳରେ ଦେଶର ପିଲାମାନେ ପାଠପଢିବାରୁ ବଞ୍ଚିତ ହୋଇନାହାନ୍ତି । ଏବଂ ପୂର୍ବ ଅପେକ୍ଷା ଅଧିକ ଲୋକ ଏବେ ଅନଲାଇନ୍ ଶିକ୍ଷାକୁ ଗ୍ରହଣ କରିଛନ୍ତି ।

ନୂଆ ଶିକ୍ଷା ନୀତି ଏକ ଯୁଗାନ୍ତକାରୀ ପରିବର୍ତ୍ତନ ଆଣିବାକୁ ଯାଉଛି । ଆଉ ଏବେ ଠାରୁ ଦେଶର ଶିକ୍ଷା ବ୍ୟବସ୍ଥାରେ ପରିବର୍ତ୍ତନ ଆସିବା ପରିଲଖିତି ହୋଇଗଲାଣି । ଏସବୁର ଶ୍ରେୟ କେବଳ ଦେଶ ବାସୀଙ୍କର ବୋଲି ଆଜି ଜାତୀୟ ଶିକ୍ଷା ନୀତି ୨୦୨୦ ର ଏକ ବର୍ଷ ପୂର୍ତ୍ତି ଅବସରରେ ମୋଦି କହିଛନ୍ତି ।

  • Tags:

Subscribe

National International State Sports Entertainment