କାଠମାଣ୍ଡୁ: ପଡ଼ୋଶୀ ଦେଶ ନେପାଳରେ ଭୟଙ୍କର ବନ୍ୟା ଏବଂ ଭୂସ୍ଖଳନ କାରଣରୁ ପରିସ୍ଥିତି ଅତ୍ୟନ୍ତ ଜଟିଳ ହୋଇପଡ଼ିଛି। ଏହାରି ଭତରେ ଏକ ଅତ୍ୟନ୍ତ ମର୍ମନ୍ତୁଦ ଓ ଚିନ୍ତାଜନକ ଖବର ସାମ୍ନାକୁ ଆସିଛି। ଦେଶର ଏକ ପ୍ରମୁଖ ଜଳ ବିଦ୍ୟୁତ ପ୍ରକଳ୍ପର ସୁରଙ୍ଗ  ଭତରେ ଫସିଥିବା ଆଶ୍ୱାସନା ମିଳିଥିବା ୯୩ ଜଣ ଶ୍ରମିକଙ୍କର ଏଯାଏଁ କୌଣସି ସୁରକ୍ଷା ପତ୍ତା ମିଳିପାରି ନାହିଁ। ନିଖୋଜ ଶ୍ରମିକମାନଙ୍କୁ ଖୋଜିବା ପାଇଁ ପ୍ରଶାସନ ପକ୍ଷରୁ ଅତ୍ୟାଧୁନିକ ଥର୍ମାଲ୍ ଡ୍ରୋନ୍‌ର ସାହାଯ୍ୟ ନିଆଯାଇଥିଲେ ମଧ୍ୟ ଏହା ସମ୍ପୂର୍ଣ୍ଣ ବିଫଳ ହୋଇଛି।

ମିଳିଥିବା ସୂଚନା ଅନୁଯାୟୀ, ଏହି ମାମଲା ନେପାଳର ରସୁୱା ଜିଲ୍ଲାରେ ଥିବା ୧୧୧ ମେଗାୱାଟ୍ ବିଶିଷ୍ଟ ରସୁୱାଗଡ଼ି ଜଳ ବିଦ୍ୟୁତ ପ୍ରକଳ୍ପ ସହ ଜଡ଼ିତ। ଭୋଟେ କୋଶୀ ନଦୀରେ ହଠାତ୍ ବନ୍ୟା ଆସିବା କାରଣରୁ ଏହି ପ୍ରକଳ୍ପର ଭୂତଳ ସୁରଙ୍ଗରେ କାମ କରୁଥିବା ଶ୍ରମିକମାନେ ଭିତରେ ହିଁ ଫସି ରହିଥିବା ଆଶ୍ୱାସନା କରାଯାଇଥିଲା।

ଥର୍ମାଲ୍ ଡ୍ରୋନ୍ ମଧ୍ୟ ବିଫଳ

ଶ୍ରମିକମାନଙ୍କର ଠିକଣା ଜାଣିବା ପାଇଁ ନେପାଳୀ ସେନା, ଇଞ୍ଜିନିୟର ଏବଂ ବିଶେଷଜ୍ଞ ଡ୍ରୋନ୍ ଟିମ୍ ମିଳିତ ଭାବେ ଟନେଲର ଶେଷ ପ୍ରାନ୍ତ ପର୍ଯ୍ୟନ୍ତ ଅଭିଯାନ ଚଳାଇଥିଲେ। ଯେଉଁ ଅଞ୍ଚଳକୁ ସିଧାସଳଖ ଯିବା ବିପଜ୍ଜନକ ଥିଲା, ସେଠାରେ ଥର୍ମାଲ୍ କ୍ୟାମେରାଯୁକ୍ତ ଡ୍ରୋନ୍ ପ୍ରବେଶ କରାଯାଇଥିଲା। କିନ୍ତୁ ଡ୍ରୋନ୍ କ୍ୟାମେରାରେ କୌଣସି ଜୀବିତ ବ୍ୟକ୍ତି କିମ୍ବା ମନୁଷ୍ୟଙ୍କର ହାଲଚାଲ୍ ନଜର ଆସି ନଥିଲା। କୌଣସି ସୁରାକ ନମିଳିବାରୁ ଶେଷରେ ଉଦ୍ଧାରକାରୀ ଦଳ ସେଠାରୁ ଫେରିଆସିବାକୁ ବାଧ୍ୟ ହୋଇଛନ୍ତି।

ବ୍ୟାପକ କ୍ଷୟକ୍ଷତି ଓ ସ୍ଥିତି ଗମ୍ଭୀର

ନେପାଳରେ ଏହି ପ୍ରଳୟଙ୍କରୀ ପ୍ରାକୃତିକ ବିପର୍ଯ୍ୟୟ ଯୋଗୁଁ ମୃତ୍ୟୁସଂଖ୍ୟା ୯୦୦ ଅତିକ୍ରମ କରିସାରିଛି ଏବଂ ପ୍ରାୟ ୪,୦୦୦ରୁ ଅଧିକ ଲୋକ ଏବେ ବି ନିଖୋଜ ରହିଛନ୍ତି। କେବଳ ରସୁୱା ଏବଂ ନୁୱାକୋଟ୍ ଅଞ୍ଚଳର ବିଭିନ୍ନ ହାଇଡ୍ରୋପାୱାର ପ୍ରକଳ୍ପରୁ ପ୍ରାୟ ୯୩୩ ଜଣ ଶ୍ରମିକ ଓ କର୍ମଚାରୀଙ୍କ କୌଣସି ପତ୍ତା ମିଳୁନାହିଁ।