ମଧ୍ୟପ୍ରଦେଶର ଏହି ଗାଁରେ ମନସ୍କାମନା ପୂରା କରେ ରାବଣ! ଧୁମଧାମ୍‌ରେ ହୋଇଥାଏ ପୂଜାର୍ଚ୍ଚନା
Khabar Odisha:Nation-Rajgarh-Ravana-become-a-symbol-of-faith-Dussehra-2021

ଭୋପାଳ, ଅକ୍ଟୋବର ୧୪ (ଖବର ଓଡ଼ିଶା): ପୂରା ଦେଶରେ ଦଶହରା ମାହୋଲ। କିନ୍ତୁ ଗତ ବର୍ଷ ଭଳି ଚଳିତ ବର୍ଷ ମଧ୍ୟ କରୋନା କଟକଣା ସହିତ ମା’ ଦୁର୍ଗାଙ୍କୁ ପୂଜାର୍ଚ୍ଚନା କରାଯାଉଛି। ଅସତ୍ୟ ଉପରେ ସତ୍ୟର ବିଜୟ ପାଇଁ ରାବଣର କୁଶପୁତ୍ତଳିକା ଦହନ କରାଯାଇଥାଏ। କିନ୍ତୁ ମଧ୍ୟପ୍ରଦେଶର ରାଜଗଢ଼ ଜିଲ୍ଲାର ଏକ ଗାଁରେ ରାବଣକୁ ଆସ୍ଥା ଓ ଭରସାର ପ୍ରତୀକ ମନେ କରାଯାଇଥାଏ। ଏହି ଗାଁର ଲୋକେ ରାବଣ ଓ କୁମ୍ଭକର୍ଣ୍ଣର ମୂର୍ତ୍ତିକୁ ସ୍ବତନ୍ତ୍ର ଭାବେ ପୂଜା କରିଥାନ୍ତି। ଦୂରଦୂରାନ୍ତରୁ ଆସି ଲୋକେ ରାବଣ ମୂର୍ତ୍ତିକୁ ପୂଜା କରି ଆଶୀର୍ବାଦ ନେଇଥାନ୍ତି। ଏହି ଗାଁରେ ରାବଣର କୁଶପୁତ୍ତଳିକାରେ ନିଆଁ ଲଗାଯାଇ ନଥାଏ। 

ରାଜଗଢ଼ ଜିଲ୍ଲାର ଏହି ଗାଁର ନାଁ ହେଲା ଭାଟଖେଡି। ଗାଁର ସଡ଼କପାର୍ଶ୍ବରେ ରାବଣ ଓ କୁମ୍ଭକର୍ଣ୍ଣର ମୂର୍ତ୍ତି ରହିଛି। ରାସ୍ତାରେ ଯାତାୟତ କରୁଥିବା ଲୋକେ ଏହି ମୂର୍ତ୍ତିକୁ ଶହ ଶହ ବର୍ଷ ହେବ ଦେଖି ଆସୁଛନ୍ତି। ସ୍ଥାନୀୟ ଲୋକଙ୍କର ବିଶ୍ବାସ ଯେ, ରାବଣ ସେମାନଙ୍କୁ ଆଶୀର୍ବାଦ କରୁଛି। ଗାଁ ଲୋକେ ପ୍ରତିଦିନ ରାବଣ ମୂତ୍ତିରେ ପୂଜାର୍ଚ୍ଚନା କରୁଛନ୍ତି। ଏଥି ସହିତ ଆଖପାଖର ଲୋକେ ନିଜର ମନସ୍କାମନା ପୂର୍ଣ୍ଣ କରିବା ପାଇଁ ଆସିଥାନ୍ତି। ମନସ୍କାମନା ପୂର୍ଣ୍ଣ ହେବା ପରେ ଭୋଗ ଅର୍ପଣ କରାଯାଇଥାଏ। 

ବିଜୟାଦଶମୀର ପୂର୍ବରୁ ଏହି ପ୍ରତିମାକୁ ସଫାସୁଥୁରା କରାଯାଇ ନୂଆଁ ରଂଗ ଦିଆଯାଇଥାଏ। ନବରାତ୍ରୀ ସମୟରେ ଦୀର୍ଘ ବର୍ଷରୁ ହୋଇଆସୁଥିବା ପରଂପରା ଅନୁସାରେ ରାମଲୀଳା ନାଟକ ମଧ୍ୟ ମଂଚସ୍ଥ ହୋଇଥାଏ। 

 

 

  • Tags:

Subscribe

National International State Sports Entertainment