୧୬୦ ସଂଖ୍ୟାଲଘୁ ପରିବାର ଭାରତରେ ନେଲେ ଶରଣ, ମାଗିଲେ ନାଗରିକତା
Khabar Odisha:Nation-160-come-India-from-Pakistan-wants-Indian-citizenship-wanting-leave-in-India

ନୂଆଦିଲ୍ଲୀ, ଫେବୃଆରୀ ୧୮ (ଖବର ଓଡ଼ିଶା): ପାକିସ୍ତାନରେ ଆମ ସହିତ ବହୁତ ଖରାପ ବ୍ୟବହାର ପ୍ରଦର୍ଶନ କରାଯାଉଛି । ଆମର ଝିଅମାନେ ଯେତେବେଳେ ୧୪ ବର୍ଷରେ ପାଦ ଥାପୁଛନ୍ତି, ଅପହରଣ କରାଯାଉଛି । ସେମାନଙ୍କୁ ଇସଲାମ ଧର୍ମ ଗ୍ରହଣ କରିବାକୁ ବଳ ପ୍ରୟୋଗ କରାଯାଉଛି । ଏହା ପରେ ଅପହରଣକାରୀମାନେ ବଳପୂର୍ବକ ହିନ୍ଦୁ ନାବାଳିକାମାନଙ୍କୁ ବିବାହ କରୁଛନ୍ତି । 

ନିକଟରେ ଭାରତ ପହଞ୍ଚିଥିବା ପଂଛି ରାମ ନାମରେ ଜଣେ ପାକିସ୍ତାନୀ ନାଗରିକ ଏହା କହିଛନ୍ତି । ପାକିସ୍ତାନରେ ଉତ୍ପୀଡ଼ରେ ଅତିଷ୍ଠ ହେବା ପରେ ହିନ୍ଦୁ ଓ ଶିଖ ପରିବାର ଭାରତ ଆସିବା କ୍ରମ ଜାରି ରହିଛି । ଏଯାଏଁ ୧୬୦ ପରିବାର ୱାଘା ସୀମା ଦେଇ ଭାରତ ପହଞ୍ଚିଛନ୍ତି । ଦିଲ୍ଲୀ ଶିଖ ଗୁରୁଦ୍ୱାର କମିଟି ଏହି ପରିବାରଗୁଡ଼ିକୁ ସମର୍ଥନ ଜଣାଇଛି । ସରକାର ଏହି ପାକିସ୍ତାନୀମାନଙ୍କୁ ଭାରତର ନାଗରିକତା ପ୍ରଦାନ କରନ୍ତୁ ବୋଲି ଅପିଲ କରିଛନ୍ତି । 

କମିଟିର ସଭାପତି ମନଜିନ୍ଦର ସିଂହ ସିରସା ସୋମବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ପାକିସ୍ତାନରେ ଏହି ପରିବାରମାନଙ୍କ ସହିତ ଅତ୍ୟାଚାର ହୋଇଥାଏ । ଏମାନଙ୍କୁ ଭାରତର ନାଗରିକତା ପ୍ରଦାନ କରାଗଲେ ସେମାନେ ଶାନ୍ତିରେ ବଞ୍ଚି ପାରିବେ । ସିରସା କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ହିନ୍ଦୁ-ଶିଖ ଶରଣାର୍ଥୀଙ୍କୁ ଜରୁରୀକାଳନୀ ଭାବେ ନାଗରିକତା ପ୍ରଦାନ କରିବାକୁ ଅନୁରୋଧ କରିଛନ୍ତି । ସେ କହିଛନ୍ତି କି ଏହି ଶରଣାର୍ଥୀ ପରିବାରର ଯୁବକମାନେ ଭାରତୀୟ ସେନାରେ କାମ କରିବାକୁ ମନ ବଳାଇଛନ୍ତି । 

ପାକିସ୍ତାନରୁ ଆସିଥିବା ଅଧିକାଂଶ ଲୋକଙ୍କ କହିବା ଅନୁସାରେ ସେମାନଙ୍କୁ ସେଠାରେ ବହୁତ ଯନ୍ତ୍ରଣା ମିଳୁଥିଲା । ବ୍ୟବସାୟ କରିବାକୁ ଦିଆଯାଉ ନ ଥିଲା । ମାଡ଼ ମରାଯାଉଥିଲା । ଜଣେ ପୀଡ଼ିତ କହିଛନ୍ତି, ସୀମାରେ ସଂଖ୍ୟାଲଘୁମାନେ ରହିବା ନର୍କ ସହିତ ସମାନ କଥା । ସେମାନଙ୍କ ଦୋକାନକୁ ଭାଙ୍ଗି ଦିଆଯାଉଥିଲା । 

  

 

  • Tags:

Subscribe

National International State Sports Entertainment