ଶ୍ରୀନଗର: ନ୍ୟାସନାଲ କନଫରେନ୍ସ ମୁଖ୍ୟ ତଥା ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍ ଅବଦୁଲ୍ଲା ଜଣେ ସବୁଦିନିଆ ରାଜନେତା। ରାଜନୀତି ସହ ଧାର୍ମିକ ପ୍ରସଙ୍ଗରେ ମଧ୍ୟ ତାଙ୍କୁ ବିଭିନ୍ନ ସମୟରେ ଭିନ୍ନଭିନ୍ନ ରୂପରେ ଦେଖିବାକୁ ମିଳିଥାଏ। ପୁଣି ଥରେ ଫାରୁକ୍ ଅବଦୁଲ୍ଲାଙ୍କୁ ମାତା ବୈଷ୍ଣୋ ଦେବୀ ମନ୍ଦିର ନିକଟ କଟ୍ରାସ୍ଥିତ ଏକ ଆଶ୍ରମରେ ମା'ଙ୍କ ଭକ୍ତିରେ ନିମଗ୍ନ ଥିବା ଦେଖିବାକୁ ମିଳିଥିଲା। ଆଶ୍ରମରେ 'ତୁ ନେ ମୁଝେ ବୁଲାୟା ଶେରାୱାଲି…' ଭଜନ ଗାଇ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ। 

ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହା ପୂର୍ବରୁ ୨୦୨୪ ଏପ୍ରିଲରେ ରାମଧୁନଙ୍କୁ ନେଇ ତାଙ୍କର ଏକ ଭିଡିଓ ଭାଇରାଲ ହୋଇଥିଲା। କଟ୍ରାର ଏକ ଆଶ୍ରମରେ 'ଭଜନ' କାର୍ଯ୍ୟକ୍ରମରେ ଜଣେ ଗାୟକ ଏବଂ ପିଲାଙ୍କ ସହ ଯୋଗ ଦେଇଥିବା ଫାରୁକ୍ ଅବଦୁଲ୍ଲା 'ତୁନେ ମୁଝେ ବୁଲାୟା ଶେରାୱାଲି, ମୈଁ ଆୟା ଆୟା ଶେରାୱାଲି' ଗୀତ ଗାଇଥିଲେ।   

ସେ କହିଛନ୍ତି ଯେ ଲୋକମାନେ ଅନୁଭବ କରିଛନ୍ତି ଯେ କ୍ଷମତା ସରକାରଙ୍କ ପାଖରେ ନାହିଁ ବରଂ ଲୋକଙ୍କ ପାଖରେ ଅଛି। ଅବଦୁଲ୍ଲା ଦୃଢୋକ୍ତି ପ୍ରକାଶ କରିଛନ୍ତି ଯେ ସରକାର ତିଆରି କରିବା କିମ୍ବା ଭାଙ୍ଗିବାର କ୍ଷମତା ଲୋକଙ୍କ ପାଖରେ ଅଛି ଏବଂ ବର୍ତ୍ତମାନ ଅଧିକାରୀମାନେ ତାଙ୍କ ପାଖକୁ ଯାଇ ରୋପୱେ କେଉଁଠାରେ ନିର୍ମାଣ କରାଯିବ ସେ ବିଷୟରେ ଆଲୋଚନା କରୁଛନ୍ତି। 

"ଏହି ପାହାଡ଼ରେ ରହୁଥିବା ଲୋକମାନେ ମା'ଙ୍କ ଆଶୀର୍ବାଦରେ ଜୀବିକା ନିର୍ବାହ କରିବାକୁ ଏଠାକୁ ଆସନ୍ତି, କିନ୍ତୁ ସେମାନେ ଭୁଲିଯାଇଛନ୍ତି। ସେମାନେ ଭାବୁଛନ୍ତି ଯେ ସେମାନେ ହିଁ ସବୁକିଛି। ସେମାନେ କିଛି ନୁହଁନ୍ତି। ଯେତେବେଳେ ଈଶ୍ୱରଙ୍କ ଶକ୍ତି ବଜାୟ ରହେ, ସେତେବେଳେ ଅନ୍ୟ ସବୁ କିଛି ଫିକା ହୋଇଯାଏ। କାଲିଫର୍ଣ୍ଣିଆରେ କ'ଣ ଘଟୁଛି ଦେଖନ୍ତୁ। ଅବଦୁଲ୍ଲା କହିଛନ୍ତି ଯେ ସବୁ ଧର୍ମର ମୌଳିକ ଶିକ୍ଷା ସମାନ ଏବଂ ଅନେକ ସମୟରେ ଲୋକମାନେ ନିଜ ସ୍ୱାର୍ଥ ପାଇଁ ଧର୍ମର ଅପବ୍ୟବହାର କରନ୍ତି।