ଭଣ୍ଡାରା: ମହାରାଷ୍ଟ୍ରର ଭଣ୍ଡାରାରେ ଏକ ଗୋଳା ବାରୁଦ ଫ୍ୟାକ୍ଟ୍ରିରେ ଭୟଙ୍କର  ବିସ୍ଫୋରଣ ଘଟିଛି । ଏହି ଘଟଣାରେ ୫ ଜଣ କର୍ମଚାରୀଙ୍କ ମୃତ୍ୟୁ ଘଟିଥିବା ବେଳେ ଏକାଧିକ ଆହତ ହୋଇଥିବା ପ୍ରାଥମିକ ଖବରରୁ ପ୍ରକାଶ । ଫ୍ୟାକ୍ଟ୍ରିର ଆରକେ ବ୍ରାଞ୍ଚ ସେକ୍ସନରେ ଏହି ବିସ୍ଫୋରଣ ଘଟିଛି । 

ଫ୍ୟାକ୍ଟ୍ରିରେ ବିସ୍ଫୋରଣର ଚିତ୍ର ସାମ୍ନାକୁ ଆସିଛି । ଯେଉଁଥିରେ ଫ୍ୟାକ୍ଟ୍ରିରେ ପ୍ରବଳ ଧୂଆଁ ଉଠୁଥିବା ସହ ଖଣ୍ଡଖଣ୍ଡ ସାମଗ୍ରୀ ଏଣେ ତେଣେ ପଡିଥିବା ଦେଖିବାକୁ ମିଳିଛି । ସୂଚନା ମିଳିବା ମାତ୍ରେ ଘଟଣାସ୍ଥଳରେ ଆମ୍ବୁଲାନ୍ସରେ ପହଞ୍ଚି ଆହତଙ୍କୁ ହସ୍ପିଟାଲରେ ଭର୍ତ୍ତି କରିଛି । ବିସ୍ଫୋରଣର ଶବ୍ଦ ଏତେ ତୀବ୍ର ଥିଲା ଯେ, ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଥିଲା । ଲୋକେ ଏଣେ ତେଣେ  ଦୌଡିବାକୁ ଲାଗିଥିଲେ । ଘଟଣାସ୍ଥଳରେ  ବହୁ ସଂଖ୍ୟାରେ ଲୋକ ରୁଣ୍ଡ ହୋଇଛନ୍ତି ।          

ତେବେ କେଉଁ କାରଣ ପାଇଁ ଏହି ବିସ୍ଫୋରଣ ଘଟିଛି ତାର କାରଣ ଜଣା ପଡିନି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।