ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କୋଚ୍ଚର ପାର୍ଟି (ସିଜେପି)ର ପ୍ରତିବାଦ ଏବଂ ସଂସଦ ପଦଯାତ୍ରା ସମୟରେ ହିଂସା ଘଟି ୧୧୮ରୁ ଅଧିକ ପୋଲିସ କର୍ମଚାରୀ ଆହତ ହୋଇଛନ୍ତି। ଦିଲ୍ଲୀ ପୋଲିସ ଅନୁଯାୟୀ ଆହତଙ୍କ ମଧ୍ୟରେ ସ୍ୱତନ୍ତ୍ର ପୋଲିସ କମିଶନର, ଯୁଗ୍ମ ପୋଲିସ କମିଶନର, ଅତିରିକ୍ତ ପୋଲିସ କମିଶନର, ଡିସିପି, ଅତିରିକ୍ତ ଡିସିପି ଏବଂ ଏସିପି-ର୍ୟାଙ୍କ ଅଧିକାରୀମାନଙ୍କ ସହିତ ଅନେକ ମହିଳା ପୋଲିସ କର୍ମଚାରୀ ମଧ୍ୟ ସାମିଲ ଅଛନ୍ତି। ଧସ୍ତାଧସ୍ତି ଏବଂ ସଂଘର୍ଷ ସମୟରେ ପ୍ରାୟ ୬୦ ଜଣ ପ୍ରଦର୍ଶନକାରୀ ମଧ୍ୟ ଆହତ ହୋଇଛନ୍ତି।

ସୋମବାର ବିଳମ୍ବିତ ରାତିରେ ଜାରି ଏକ ବିବୃତ୍ତିରେ, ଦିଲ୍ଲୀ ପୋଲିସ ଅଭିଯୋଗ କରିଛି ଯେ ପ୍ରତିବାଦକାରୀମାନେ ବାରମ୍ବାର ଚେତାବନୀ ଏବଂ ଆଇନଗତ ନିର୍ଦ୍ଦେଶ ସତ୍ତ୍ୱେ ଘଉଡ଼ାଇବାକୁ ମନା କରିଥିଲେ ଏବଂ ପ୍ରଚଳିତ ନିଷେଧକ ନିର୍ଦ୍ଦେଶକୁ ଉଲ୍ଲଂଘନ କରିଥିଲେ।

ପୋଲିସ ଅନୁଯାୟୀ, ପ୍ରଦର୍ଶନକାରୀମାନେ ପୋଲିସ କର୍ମଚାରୀଙ୍କ ଉପରେ ପଥର ଫିଙ୍ଗାଳି, ବ୍ୟାରିକେଡ୍ ଭାଙ୍ଗିବାକୁ ଚେଷ୍ଟା କରିଥିଲେ। ସରକାରୀ ଯାନବାହାନ ଭଙ୍ଗାରୁଜା କରିଥିଲେ ଏବଂ ସାର୍ବଜନୀନ ସମ୍ପତ୍ତିକୁ କ୍ଷତି ପହଞ୍ଚାଇଥିଲେ, ଯାହା ଆଇନ ଶୃଙ୍ଖଳା ଏବଂ ସୁରକ୍ଷା ପାଇଁ ଏକ ଗମ୍ଭୀର ଚ୍ୟାଲେଞ୍ଜ ସୃଷ୍ଟି କରିଥିଲା। ପୋଲିସ ଅନୁଯାୟୀ ହିଂସା ସମୟରେ ୧୫ରୁ ୨୦ ସରକାରୀ ଯାନବାହାନ ଏବଂ ଅନ୍ୟାନ୍ୟ ସରକାରୀ ସମ୍ପତ୍ତି କ୍ଷତିଗ୍ରସ୍ତ ହୋଇଥିଲା। ଏହି ଘଟଣା ସହିତ ଜଡିତ ପ୍ରାୟ ୭୦ ଜଣ ପ୍ରଦର୍ଶନକାରୀଙ୍କୁ ଅଟକ ରଖାଯାଇଛି। 

ସେମାନଙ୍କ ବିରୁଦ୍ଧରେ ଭାରତୀୟ ଦଣ୍ଡ ସଂହିତା ଏବଂ ଦଙ୍ଗା, ସରକାରୀ କର୍ମଚାରୀଙ୍କ ଉପରେ ଆକ୍ରମଣ ଏବଂ ସରକାରୀ ସମ୍ପତ୍ତିର କ୍ଷତି ସମେତ ଅନ୍ୟାନ୍ୟ ପ୍ରାସଙ୍ଗିକ ଆଇନ ଅନୁଯାୟୀ ଏକ ମାମଲା ରୁଜୁ କରାଯାଉଛି। ଜନ୍ତର ମନ୍ତରରେ ସଂସଦ ମାର୍ଚ୍ଚ ସମୟରେ, ଉତ୍ତର ଜିଲ୍ଲା ଡିସିପି ରାଜା ବାନ୍ଥିଆ ଏବଂ ନୂଆଦିଲ୍ଲୀ ଜିଲ୍ଲା ଅତିରିକ୍ତ ଡିସିପି ଆନନ୍ଦ କୁମାର ମିଶ୍ର ମଧ୍ୟ ଗୁରୁତର ଆହତ ହୋଇଥିଲେ।

ପୋଲିସ ଅନୁସାରେ ରାଜା ବାନ୍ଥିଆଙ୍କ ହାତ ଏବଂ ଗୋଡରେ ଫ୍ରାକ୍ଚର ହୋଇଥିଲା। ଚିକିତ୍ସା ପରେ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଛି। ଅନ୍ୟପକ୍ଷରେ ପଥର ଫିଙ୍ଗାଳିରେ ଅତିରିକ୍ତ ଡିସିପି ଆନନ୍ଦ କୁମାର ମିଶ୍ର ଗୁରୁତର ଆହତ ହୋଇଛନ୍ତି ଏବଂ ତାଙ୍କର ଆରଏମ୍‌ଏଲ୍‌ ହସ୍ପିଟାଲରେ ଚିକିତ୍ସା ଚାଲିଛି।

ଅଧିକ ପଢ଼ନ୍ତୁ: CJP ର ବିକ୍ଷୋଭ ଏବଂ ପୁଲିସ୍‌ର ଲାଠିଚାର୍ଜ ମଧ୍ୟରେ ସୋନମ୍‌ ୱାଙ୍ଗଚୁକ୍‌ଙ୍କ ବଡ଼ ବ୍ୟକ୍ତବ୍ୟ