ଆଜି ସକାଳେ ମୁଟସୁର ଦ୍ୱୀପ ନିକଟରେ ବୁଡ଼ିଲା ଦକ୍ଷିଣ କୋରିଆର କେମିକାଲ ଟ୍ୟାଙ୍କର। ଏହି ଦୁର୍ଘଟଣାରେ ଅନେକ ଲୋକ ନିଖୋଜ ଥିବା ଖବର ମିଳୁଛି। ଦୁର୍ଘଟଣାରେ ନିଖୋଜ ଲୋକଙ୍କୁ ଖୋଜିବା ପାଇଁ ଜୋରଦାର ପ୍ରସ୍ତୁତି ଚାଲିଛି। ସେପଟେ ଜାହାଜଟି କିପରି ବୁଡ଼ିଲା ସେ ନେଇ ମଧ୍ୟ କୌଣସି ଖବର ମିଳିପାରି ନାହିଁ। ତେବେ ଏହି ଘଟଣା ବାବଦରେ ଅଧିକ ତଦନ୍ତ କରାଯାଉଛି। 

ସୂଚନା ଅନୁସାରେ, ଦକ୍ଷିଣ-ପଶ୍ଚିମ ଜାପାନର ଏକ ଦ୍ଵିପରେ ଜଳରାଶିରେ କେମିକାଲ ଟ୍ୟାଙ୍କରଟି ବୁଡ଼ି ଯାଇଛି। ତେବେ ଦକ୍ଷିଣ କୋରିଆର ଏକ ରାସାୟନିକ ଟ୍ୟାଙ୍କର୍ ଜାପାନ ଜଳରାଶିକୁ ଯାଇଥିଲା। ସେଠାରେ କେମିକାଲ ଟ୍ୟାଙ୍କରଟି ବୁଡିଯିବା ଫଳରେ ୭ ଜଣ ନିଖୋଜ ହୋଇଯାଇଛନ୍ତି। ଜାପାନର କୋଷ୍ଟଗାର୍ଡମାନେ ଚାଳକ ଦଳର ଚାରିଜଣ ସଦସ୍ୟଙ୍କୁ ଉଦ୍ଧାର କରିଛନ୍ତି। ହେଲେ ଏବେବି ଆହୁରି ୭ ଜଣ ନିଖୋଜ ଅଛନ୍ତି। ତେବେ ନିଖୋଜ ଥିବା ବ୍ୟକ୍ତିମାନେ ଦକ୍ଷିଣ କୋରିଆ, ଚୀନ୍ ଏବଂ ଇଣ୍ଡୋନେସିଆର ଅଧିବାସୀ ବୋଲି ଜଣାପଡିଛନ୍ତି।