କାଇରୋ: ଇସ୍ରାଏଲର ଉତ୍ତର ସହର ସିଜେରିଆରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ଘର ଉପରକୁ ଦୁଇଟି ବୋମା ମାଡ଼ ହୋଇଛି। ଶନିବାର ପୁଲିସ ଏହି ସୂଚନା ଦେଇଛି। ଏହି ଆକ୍ରମଣ ସମୟରେ ପ୍ରଧାନମନ୍ତ୍ରୀ ନେତନ୍ୟାହୁ କିମ୍ବା ତାଙ୍କ ପରିବାର ଉପସ୍ଥିତ ନଥିଲେ ଏବଂ କୌଣସି କ୍ଷୟକ୍ଷତି ହୋଇନଥିଲା। ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ବାସଭବନ ଉପରେ ଆକ୍ରମଣ ହୋଇଛି। 

ଇସ୍ରାଏଲ ରାଷ୍ଟ୍ରପତି ଆଇଜାକ୍ ହର୍ଜୋଗ୍ ଏକ୍ସରେ ଏକ ପୋଷ୍ଟକରି ଏହି ଘଟଣାକୁ ନିନ୍ଦା କରି କହିଛନ୍ତି ଯେ ଏହାର ତଦନ୍ତ ଚାଲିଛି। ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କ ବିରୋଧରେ ଉତ୍ତେଜନା ସବୁ ସୀମା ଅତିକ୍ରମ କରିଛି। ପ୍ରତିରକ୍ଷା ମନ୍ତ୍ରୀ ଇଟାମାର ବେନ୍ ଗାଭିର ମଧ୍ୟ ଏକ୍ସରେ କହିଛନ୍ତି ଯେ ଆଜି ରାତିରେ ପ୍ରଧାନମନ୍ତ୍ରୀଙ୍କ ବାସଭବନ ଉପରକୁ ଫ୍ଲାସ୍ ବୋମା ଫିଙ୍ଗିବା ଆଉ ଏକ ରେଡ୍ ଲାଇନ୍ ଅତିକ୍ରମ କରୁଛି।

ଗତ ଅକ୍ଟୋବର ମାସରେ ସିଜେରିଆରେ ପ୍ରଧାନମନ୍ତ୍ରୀଙ୍କ ବାସଭବନ ଆଡ଼କୁ ଡ୍ରୋନ୍ ଉତକ୍ଷେପଣ କରାଯାଇଥିଲା, ଯେଉଁଥିରେ କୌଣସି କ୍ଷୟକ୍ଷତି ହୋଇନଥିଲା। ଉତ୍ତରରେ ଇସ୍ରାଏଲ ସେନା ୨୦୨୩ ଅକ୍ଟୋବରରୁ ଲେବାନନ୍ ସଶସ୍ତ୍ର ହିଜବୁଲ୍ଲା ଗୋଷ୍ଠୀ ସହ ଲଢ଼େଇ ଜାରି ରଖିଛି।  

ଶନିବାର ଦିନ ଗାଜା ସହରର ଶାଟି ଶରଣାର୍ଥୀ ଶିବିରରେ ଥିବା ଏକ ସ୍କୁଲ ଉପରେ ଇସ୍ରାଏଲର ଆକ୍ରମଣରେ ୧୦ ଜଣ ପାଲେଷ୍ଟାଇନ ନାଗରିକ ପ୍ରାଣ ହରାଇଥିବା ବେଳେ ୨୦ ଜଣ ଆହତ ହୋଇଛନ୍ତି। ଏହି ଶରଣାର୍ଥୀ ଶିବିରରେ ଲୋକମାନେ ଚିକିତ୍ସିତ ହେଉଛନ୍ତି ଏବଂ ବର୍ତ୍ତମାନ ବିସ୍ଥାପିତ ପରିବାରକୁ ଆଶ୍ରୟ ଦେଉଛନ୍ତି ବୋଲି ଡାକ୍ତରମାନେ ସୂଚନା ଦେଇଛନ୍ତି।

ସ୍ୱାସ୍ଥ୍ୟ ଅଧିକାରୀମାନେ କହିଛନ୍ତି ଯେ ଉଦ୍ଧାର କାର୍ଯ୍ୟ ଚାଲିଥିବା ଜାତିସଂଘ ଦ୍ୱାରା ପରିଚାଳିତ ଅବୁ ଆସି ସ୍କୁଲରେ ଏବେ ବି ଲୋକମାନେ ଭଗ୍ନାବଶେଷ ତଳେ ଫସି ରହିଥାଇପାରନ୍ତି। ଇସ୍ରାଏଲ ଅଧିକାରୀଙ୍କ ପକ୍ଷରୁ ଏ ନେଇ କୌଣସି ପ୍ରତିକ୍ରିୟା ମିଳିପାରିନାହିଁ। ଶନିବାର ଇସ୍ରାଏଲ ସେନା କହିଛି ଯେ ଉତ୍ତର ଗାଜା ଉପତ୍ୟକାରୁ ଇସ୍ରାଏଲ ଉପରକୁ ନିକ୍ଷେପ କରାଯାଇଥିବା ଦୁଇଟି ରକେଟ୍‌କୁ ଅଟକାଯାଇଛି।

ଅଧିକ ପଢ଼ନ୍ତୁ: ହ୍ୱାଇଟ୍‌ହାଉସ୍ ପ୍ରେସ୍ ସଚିବ ଏହି ଯୁବତୀ