ଜୟପୁର: ଉତ୍ତର ଭାରତରେ ଶୀତ ଆରମ୍ଭ ହୋଇଛି। ରାଜସ୍ଥାନରେ ମଧ୍ୟ ହଠାତ୍ ଶୀତର ପ୍ରଭାବ ବଢିଯାଇଛି। ପାହାଡ଼ିଆ ଅଞ୍ଚଳରେ ତୁଷାରପାତ ଯୋଗୁଁ ରାଜ୍ୟର ଅନେକ ଜିଲ୍ଲାରେ ଘନ କୁହୁଡ଼ି ଘେରି ରହିଛି। ସର୍ବନିମ୍ନ ତାପମାତ୍ରା ମଧ୍ୟ ୭ ଡିଗ୍ରୀ ସେଲସିୟସ ହ୍ରାସ ପାଇଛି। ସେହିପରି ସର୍ବୋଚ୍ଚ ତାପମାତ୍ରା ମଧ୍ୟ ୫ ଡିଗ୍ରୀ ତଳକୁ ଖସିଛି। ଅନେକ ଜିଲ୍ଲାରେ ବାୟୁର ଗୁଣବତ୍ତା ବିଷୟରେ କହିବାକୁ ଗଲେ, ଭିୱାଡିରେ ଏକ୍ୟୁଆଇ ବୁଧବାର ୩୦୦ ଅତିକ୍ରମ କରିଛି। 

ରାଜସ୍ଥାନର ଅନେକ ଅଞ୍ଚଳରେ ତାପମାତ୍ରା ହ୍ରାସ ପାଇଛି। ଏହି କାରଣରୁ ଗତ ୨୪ ଘଣ୍ଟା ମଧ୍ୟରେ ଚୁରୁରେ ତାପମାତ୍ରା ୪ ଡିଗ୍ରୀ ହ୍ରାସ ପାଇଛି। ସିକରରେ ତାପମାତ୍ରା ୭.୨ ଡିଗ୍ରୀ ସେଲସିୟସରେ ପହଞ୍ଚିଛି। ଅନ୍ୟପକ୍ଷରେ ବାରମେରରେ ତାପମାତ୍ରା ୩୧.୯ ରେକର୍ଡ କରାଯାଇଛି। ପାଣିପାଗ ବିଜ୍ଞାନ କେନ୍ଦ୍ରର ସୂଚନା ଅନୁଯାୟୀ, ସିକର ଓ ଚୁରୁ ରାଜ୍ୟର ସବୁଠାରୁ ଥଣ୍ଡା ସ୍ଥାନ। ଏଠାରେ ପାରଦ ଯଥାକ୍ରମେ ୭.୨ ଓ ୭.୨  ଡିଗ୍ରୀକୁ ଖସି ଆସିଛି। ବାୟୁର ଆର୍ଦ୍ରତା ମଧ୍ୟ ୫୦ରୁ ୧୦୦ ପ୍ରତିଶତ ରହିଛି। ଏହି କାରଣରୁ ଥଣ୍ଡାର ପ୍ରଭାବ ବଢିବା ସହ ଦିନରେ ମଧ୍ୟ ଥଣ୍ଡା ବଢିଛି।

ବୁଧବାର ଅର୍ଥାତ୍ ଆଜି ରାଜସ୍ଥାନର ଉତ୍ତରାଞ୍ଚଳରେ ଘନ କୁହୁଡ଼ି ପାଇଁ ସତର୍କ ସୂଚନା ଜାରି କରାଯାଇଛି। ୨୦ ତାରିଖ ସକାଳେ ଉତ୍ତର ରାଜସ୍ଥାନର ଚୁରୁ, ବିକାନେର, ଗଙ୍ଗାନଗର, ଅନୁପଗଡ଼, ହନୁମାନଗଡ଼ରେ ଘନ କୁହୁଡ଼ି ହେବାର ସମ୍ଭାବନା ରହିଛି। ଆସନ୍ତା ୨୪ ଘଣ୍ଟା ପର୍ଯ୍ୟନ୍ତ ଏହି କୁହୁଡ଼ି ଲାଗି ରହିବ।  

ଅଧିକ ପଢ଼ନ୍ତୁ: ନିର୍ବାଚନ ପ୍ରକ୍ରିୟାରେ ସକ୍ରିୟ ଭାବରେ ଅଂଶଗ୍ରହଣ କରନ୍ତୁ