କଟକ: ଇଲେକ୍ଟ୍ରିକାଲ୍ ସରଞ୍ଜାମ ମରାମତି ଦୋକାନରେ ଅଗ୍ନିକାଣ୍ଡ । କଟକ ମଣି ସାହୁ ଛକରେ ଥିବା ଇଲେକ୍ଟ୍ରିକାଲ୍ ଦୋକାନରେ ଆଜି ଦିନ ୧୨ ସମୟରେ ନିଆଁ ଲାଗିଥିଲା। ନିଆଁ ଲାଗିଥିବା ଯୋଗୁଁ ଦୋକାନ ଭିତରେ ସଜଡ଼ା ହେବା ପାଇଁ ରହିଥିବା ଏ ସି , କୁଲର ଓ ୱାସିଂ ମେସିନ ଗୁଡ଼ିକ ପୋଡ଼ି ଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ପାଖାପାଖି ଅଧ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରିଥିଲେ। ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଛି ତାହା ଏପର୍ଯ୍ୟନ୍ତ ଅସ୍ପଷ୍ଟ ରହିଛି।