ନୂଆଦିଲ୍ଲୀ/ମେଲବର୍ଣ୍ଣ: ମେଲବର୍ଣ୍ଣରେ ଚାଲିଥିବା ବକ୍ସିଂ ଡେ ଟେଷ୍ଟର ଚତୁର୍ଥ ଦିନରେ ଅଷ୍ଟ୍ରେଲିଆ ବିପକ୍ଷରେ ଜସପ୍ରୀତ ବୁମରା ନିଜର ୨୦୦ତମ ଟେଷ୍ଟ୍ ୱିକେଟ୍ ନେଇଛନ୍ତି। ପ୍ରଥମ ଇନିଂସରେ ୪ଟି ୱିକେଟ ନେବା ପରେ ବୁମ୍ରା ଅଷ୍ଟ୍ରେଲିଆର ଦ୍ୱିତୀୟ ଇନିଂସରେ ଦ୍ୱିତୀୟ ୱିକେଟ ନେଇ ଏହି ବଡ ସଫଳତା ହାସଲ କରିଛନ୍ତି। ବୁମରା ନିଜର ୨୦୦ତମ ୱିକେଟ୍ ପାଳନ କରି ଟ୍ରାଭିସ୍ ହେଡ୍‌ଙ୍କୁ ୧ ରନ୍ ରେ ଆଉଟ୍ କରିଥିଲେ। ନିଜ ୪୪ତମ ଟେଷ୍ଟ ମ୍ୟାଚ୍‌ରେ ସେ ଏହି ସଫଳତା ହାସଲ କରିଛନ୍ତି। ଏହି ପରିପ୍ରେକ୍ଷୀରେ ବୁମରା ପ୍ୟାଟ୍ କମିନ୍ସ ଓ କାଗିସୋ ରାବାଡାଙ୍କ ସ୍ୱତନ୍ତ୍ର କ୍ଲବରେ ପ୍ରବେଶ କରିଥିଲେ। କେବଳ ଏତିକି ନୁହେଁ ବୁମରା ଟେଷ୍ଟ କ୍ରିକେଟରେ ଏପରି କାମ କରିଛନ୍ତି ଯାହା ଆଜି ପର୍ଯ୍ୟନ୍ତ କୌଣସି ବୋଲର କରିପାରିନଥିଲେ।

ଯଶପ୍ରୀତ ବୁମରା ମୋଟ ୮୪୮୪ ବଲ୍‌ରେ ନିଜର ୨୦୦ତମ ଟେଷ୍ଟ୍ ୱିକେଟ୍ ପାଇଥିଲେ। ଏହି ପରିପ୍ରେକ୍ଷୀରେ ସେ ଦ୍ରୁତତମ ୨୦୦ ଟେଷ୍ଟ୍ ୱିକେଟ୍ ନେବାରେ ଦ୍ରୁତତମ ଭାରତୀୟ ବୋଲର ହୋଇଛନ୍ତି। ସେ ମହମ୍ମଦ ସାମିଙ୍କୁ ପଛରେ ପକାଇ ୯୮୯୬ ବଲ୍ ବୋଲିଂ କରି ଟେଷ୍ଟରେ ୨୦୦ତମ ୱିକେଟ୍ ନେଇଛନ୍ତି। ମୋଟାମୋଟି ଭାବେ ବୁମ୍ରା ଚତୁର୍ଥ ଦ୍ରୁତତମ ବୋଲର ଭାବେ ୨୦୦ ୱିକେଟ୍ ହାସଲ କରିବା ସହ ତାଙ୍କ ଠାରୁ ଆଗରେ ରହିଛନ୍ତି।

୨୦୦ ଟେଷ୍ଟ ୱିକେଟ୍ ହାସଲ ପାଇଁ ସବୁଠାରୁ କମ୍‌ ବଲ୍ 

-ୱାକାର ୟୁନିସ୍ – ୭୭୨୫

-ଡେଲ୍ ଷ୍ଟେନ୍ - ୭୮୪୮

-କାଗିସୋ ରାବାଡା - ୮୧୫୪

-ଯଶପ୍ରୀତ ବୁମ୍ରା - ୮୪୮୪*

-ମାଲକମ ମାର୍ଶାଲ - ୯୨୩୪

ବୁମରା ୨୦୧୮ରେ ଟେଷ୍ଟ ପଦାର୍ପଣ କରିଥିଲେ ଏବଂ ୬ ବର୍ଷ ପରେ ଟେଷ୍ଟରେ ୨୦୦ ୱିକେଟ୍ ପୂରଣ କରିଥିଲେ। ସେ ପ୍ରଥମ ବୋଲର ଭାବେ ନିଜର ୨୦୦ତମ ଟେଷ୍ଟ୍ ୱିକେଟ୍ ହାସଲ କରିଛନ୍ତି, ଯାହାର ବୋଲିଂ ହାରାହାରି ୨୦ (୧୯.୫୬)ରୁ କମ୍। ବୁମରାଙ୍କ ଠାରୁ ଭଲ ବୋଲିଂ ହାରାହାରି ଥିବା ବୋଲର ଆଉ କେହି ନାହାନ୍ତି। ଟେଷ୍ଟରେ ୨୦୦ରୁ ଅଧିକ ୱିକେଟ୍ ନେବା କ୍ଷେତ୍ରରେ ବୁମ୍ରାଙ୍କ ହାରାହାରି ଶ୍ରେଷ୍ଠ। ବୁମରା ଟେଷ୍ଟରେ ୧୯.୫ ହାରାହାରିରେ ୨୦୦ରୁ ଅଧିକ ୱିକେଟ୍ ପୂରଣ କରିଛନ୍ତି।

ଭାରତ ପାଇଁ ବିଦେଶରେ ସର୍ବାଧିକ ୱିକେଟ୍ 

-ବିଏସ୍ ବେଦୀ, ଭାରତ ବନାମ ଅଷ୍ଟ୍ରେଲିଆ, ୧୯୭୭-୭୮- ୩୧ ୱିକେଟ୍

-ଯଶପ୍ରୀତ ବୁମରା - ଭାରତ ବନାମ ଅଷ୍ଟ୍ରେଲିଆ, ୨୦୨୪ ଚଳିତ ସିରିଜ୍ - ୨୯ ୱିକେଟ୍*

-ବି ଚନ୍ଦ୍ରଶେଖର - ଭାରତ ବନାମ ଅଷ୍ଟ୍ରେଲିଆ, ୧୯୭୭-୭୮ - ୨୮ ୱିକେଟ୍

-ସୁଭାଷ ଗୁପ୍ତେ, ଭାରତ ବନାମ ୱେଷ୍ଟଇଣ୍ଡିଜ, ୧୯୫୨-୫୩- ୨୭ ୱିକେଟ୍

ବିଜିଟି ୨୦୨୪-୨୫ରେ ସର୍ବାଧିକ ୱିକେଟ୍

-ବୁମରା - ୨୮*

-କମିନ୍ସ - ୧୭

-ସିରାଜ - ୧୫

-ମିଚେଲ ଷ୍ଟାର୍କ-୧୪

-ବୋଲାଣ୍ଡ - ୮

ଅଧିକ ପଢ଼ନ୍ତୁ: ଦ୍ବିତୀୟ ପାଳିରେ ସ୍କୋର ୧୦୦ ରନ୍‌ ପୂର୍ବରୁ ୬ ୱିକେଟ୍‌ ହରାଇଲା ଅଷ୍ଟ୍ରେଲିଆ