ସୋସିଆଲ ମିଡିଆ ପ୍ଲାଟଫର୍ମ X ଏହାର ମନିଟାଇଜେସନ୍ ସିଷ୍ଟମରେ ବଡ଼ ସଂସ୍କାର କରିଛି। ଏଣିକି ପ୍ଲାଟଫର୍ମରେ ନିମ୍ନ ମାନର ଏବଂ କ୍ଲିକ୍‌ବେଟ୍  କଣ୍ଟେଣ୍ଟ ଜରିଆରେ ଟଙ୍କା ରୋଜଗାର କରିବା ସହଜ ହେବନାହିଁ। ନୂଆ ନିୟମ ଅନୁଯାୟୀ, ଓରିଜିନାଲ୍ ବା ନିଜସ୍ୱ କଣ୍ଟେଣ୍ଟକୁ ଅଧିକ ପ୍ରାଧାନ୍ୟ ଦିଆଯିବ। ଏହାଦ୍ୱାରା କ୍ରିଏଟର୍ସମାନେ ଉନ୍ନତମାନର ପୋଷ୍ଟ କରିବାକୁ ପ୍ରୋତ୍ସାହନ ପାଇବେ ଏବଂ ପ୍ଲାଟଫର୍ମରେ ସ୍ପାମ୍ କମ୍ ହେବ।

ଏଙ୍ଗେଜମେଣ୍ଟ ଫାର୍ମିଂ ଉପରେ କଟକଣା

X ଦୀର୍ଘ ସମୟ ଧରି 'ଏଙ୍ଗେଜମେଣ୍ଟ ଫାର୍ମିଂ' ପାଇଁ ସମାଲୋଚନାର ସମ୍ପୂର୍ଣ୍ଣ ସମ୍ମୁଖୀନ ହେଉଥିଲା, ଯେଉଁଠାରେ ଲୋକମାନେ କେବଳ ଭ୍ୟୁ ଏବଂ ଲାଇକ୍ ବଢ଼ାଇବା ପାଇଁ ଅନ୍ୟର ଭାଇରାଲ୍ ଭିଡିଓ ବା ନିମ୍ନମାନର ପୋଷ୍ଟ ବ୍ୟବହାର କରୁଥିଲେ। ଏବେ ପ୍ଲାଟଫର୍ମ ଏଭଳି କଣ୍ଟେଣ୍ଟକୁ ଡାଉନ-ର୍ୟା ଙ୍କ୍  କରିବାକୁ ନିଷ୍ପତ୍ତି ନେଇଛି। କମ୍ପାନୀର ପ୍ରୋଡକ୍ଟ ହେଡ୍ ନିକିତା ବିୟର  ଜଣାଇଛନ୍ତି ଯେ, ଏଣିକି ଓରିଜିନାଲ୍ କଣ୍ଟେଣ୍ଟ ତିଆରି କରୁଥିବା ୟୁଜର୍ସଙ୍କୁ ହିଁ ଅଧିକ ଫାଇଦା ମିଳିବ।

ଓରିଜିନାଲ୍ କଣ୍ଟେଣ୍ଟକୁ ମିଳିବ ଅଧିକ ଟଙ୍କା

ନୂଆ ଅପଡେଟ୍ ଅନୁଯାୟୀ, X ଏହାର ରେଭେନ୍ୟୁ ସେୟାରିଂ ପ୍ରୋଗ୍ରାମରେ ପରିବର୍ତ୍ତନ କରୁଛି। କମ୍ପାନୀ ଏଭଳି ଟୁଲ୍ସ ଉପରେ କାମ କରୁଛି ଯାହା କଣ୍ଟେଣ୍ଟର ପ୍ରକୃତ କ୍ରିଏଟର୍‌ଙ୍କୁ ଚିହ୍ନଟ କରିପାରିବ ଏବଂ ସେମାନଙ୍କୁ ସିଧାସଳଖ ରୋଜଗାରର ଅଂଶ ପ୍ରଦାନ କରିବ। କେବଳ ରି-ପୋଷ୍ଟ ବା ଅନ୍ୟର ପୋଷ୍ଟରେ କମେଣ୍ଟ କରିବା ଦ୍ୱାରା ଏଣିକି ରୋଜଗାର ସୀମିତ ହୋଇଯିବ। ପୂର୍ବରୁ ରିପ୍ଲାଏ  ଉପରେ ମିଳୁଥିବା ଭ୍ୟୁକୁ ଗଣନା କରାଯାଉଥିଲା, କିନ୍ତୁ ଏବେ ସ୍ପାମ୍ ରୋକିବା ପାଇଁ ତାହାକୁ ମୋନେଟାଇଜେସନ୍ ପରିସରରୁ ବାହାର କରିଦିଆଯାଇଛି।

କ୍ରିଏଟର୍ସଙ୍କ ପାଇଁ ନୂଆ ସର୍ତ୍ତ:

ପ୍ଲାଟଫର୍ମରୁ ରୋଜଗାର କରିବା ପାଇଁ ୟୁଜର୍ସଙ୍କୁ କିଛି ଜରୁରୀ ସର୍ତ୍ତ ପୂରଣ କରିବାକୁ ହେବ:

• ସବସ୍କ୍ରିପସନ୍: ୟୁଜର୍ସଙ୍କ ପାଖରେ ପ୍ରିମିୟମ୍ କିମ୍ବା ପ୍ରିମିୟମ୍ ପ୍ଲସ୍ ସବସ୍କ୍ରିପସନ୍ ଥିବା ଆବଶ୍ୟକ।

• ଫଲୋଅର୍ସ: କମ ସେ କମ ୫୦୦ ଫଲୋଅର୍ସ ରହିବା ଜରୁରୀ।

• ଇମ୍ପ୍ରେସନ୍: ଗତ ୩ ମାସ ମଧ୍ୟରେ ୫ ମିଲିୟନ୍ ଅର୍ଗାନିକ ଇମ୍ପ୍ରେସନ୍ ହାସଲ କରିବାକୁ ହେବ।

• ଭ୍ୟୁର ଗୁରୁତ୍ୱ: ହୋମ୍ ଟାଇମଲାଇନରେ ମିଳୁଥିବା ଅର୍ଗାନିକ ଭ୍ୟୁ ଏବଂ ଭେରିଫାଏଡ୍ ୟୁଜର୍ସଙ୍କ ଭ୍ୟୁକୁ ଅଧିକ ଗୁରୁତ୍ୱ ଦିଆଯିବ।