ଦୁବାଇ: ଭାରତ କିମ୍ବା ଅନ୍ୟ କୌଣସି ଦେଶ ପରି ସାଉଦିରେ ମଧ୍ୟ ମଦ ଦୋକାନକୁ ଯାଇ ମଦ କିଣିହେବ କି? ପ୍ରକୃତରେ ଏହି ବ୍ୟବସ୍ଥା ଏଠାରେ କେବଳ ପର୍ଯ୍ୟଟକଙ୍କ ଉଦ୍ଦିଷ୍ଟ। ଘରେ ମଦ ରଖିବା ଏବଂ ବଜାରରେ ବିକ୍ରୟ କରିବା ଉପରେ ଏବେ ବି ନିଷେଧାଦେଶ ଜାରି ରହିଛି। ଯଦି କେହି ବିଦେଶୀ ଦେଶରୁ ସାଉଦି ଯାଆନ୍ତି, ତେବେ ମଦ ପିଇବାକୁ ପାଇପାରିବେ।

ସାଉଦି ଆରବରେ କେବଳ କମ ଆଲକୋହଲଯୁକ୍ତ ମଦ ଉପଲବ୍ଧ ହୋଇଥାଏ। ଏହାର ଅର୍ଥ ହେଉଛି ବିୟର କିମ୍ବା ଭୋଡକା ଭଳି ପାନୀୟ ମିଳିଥାଏ। ୨୦% ରୁ ଅଧିକ ଆଲକୋହଲ ଯୁକ୍ତ ପାନୀୟ ସମ୍ପୂର୍ଣ୍ଣ ନିଷିଦ୍ଧ। ଦେଶର ପ୍ରାୟ ୬୦୦ ସ୍ଥାନରେ ଏହି ମଦ ଉପଲବ୍ଧ ହେଉଛି। 

ଆଶ୍ଚର୍ଯ୍ୟର କଥା ଯେ, ବିଶ୍ୱରେ ଏପରି ଅନେକ ଦେଶ ଅଛି ଯେଉଁଠାରେ ଆଜି ମଧ୍ୟ ମଦକୁ ସମ୍ପୂର୍ଣ୍ଣ ଭାବେ ନିଷିଦ୍ଧ କରାଯାଇଛି। ଏଥିରେ ବ୍ରୁନେଇ, ସୋମାଲିଆ, ଇରାନ, ଲିବିଆ, କୁଏତ ଭଳି ଦେଶ ଅନ୍ତର୍ଭୁକ୍ତ। ଏହା ବ୍ୟତୀତ ପଡ଼ୋଶୀ ଦେଶ ପାକିସ୍ତାନରେ ମଧ୍ୟ ମଦ୍ୟପାନ ଉପରେ ଅନେକ କଟକଣା ଅଛି। ଏହାର ଅର୍ଥ ହେଉଛି ଅଧିକାଂଶ ମୁସଲିମ ଦେଶ ଧର୍ମ ଆଧାରରେ ମଦକୁ ସମ୍ପୂର୍ଣ୍ଣ ନିଷିଦ୍ଧ କରିଛନ୍ତି। କିନ୍ତୁ କିଛି ଦେଶ ଏବେ ପର୍ଯ୍ୟଟନକୁ ଆଖି ଆଗରେ ରଖି ଏହି ନିୟମଗୁଡ଼ିକୁ ଟିକେ କୋହଳ କରୁଛନ୍ତି। 

ବିଶ୍ୱରେ ଚା ଏବଂ ମଦ୍ୟପାନ ପ୍ରାୟତଃ ମିଳିଥାଏ।  ପ୍ରତିବର୍ଷ ମଦରୁ କୋଟି କୋଟି ଟଙ୍କା ରୋଜଗାର ହୁଏ। ତଥାପି କିଛି ଦେଶ ଅଛି ଯେଉଁଠାରେ ମଦ୍ୟପାନ ସମ୍ପୂର୍ଣ୍ଣ ନିଷିଦ୍ଧ। ଏହା କରିବା ପାଇଁ କଠୋର ଦଣ୍ଡର ବ୍ୟବସ୍ଥା ମଧ୍ୟ ଅଛି। ଅଧିକାଂଶ ଇସଲାମିକ ଦେଶରେ ଏପରି ନିୟମ ପ୍ରଣୟନ କରାଯାଇଛି। ଏବେ ଏପରି ଏକ ମୁସଲିମ ଦେଶ ମଦ ଉପରୁ ପ୍ରତିବନ୍ଧକ ଉଠାଇବାକୁ ନିଷ୍ପତ୍ତି ନେଇଛି। 

ସାଉଦି ଆରବ ପ୍ରାୟ ୭୩ ବର୍ଷ ପରେ ମଦ ଉପରୁ କଟକଣା ଉଠାଇ ଦେଇଛି। ଏହାକୁ ଏକ ବଡ଼ ନିଷ୍ପତ୍ତି ଭାବରେ ଦେଖାଯାଉଛି। ସାଉଦି ନିରନ୍ତର ଏହାର କଠୋର ଆଇନ ପରିବର୍ତ୍ତନ କରୁଛି ଏବଂ ପର୍ଯ୍ୟଟନକୁ ଏକ ବଡ଼ ସୁଯୋଗ କରିବାକୁ ଚେଷ୍ଟା କରୁଛି। ଏହି କ୍ରମରେ ଏହି ନିଷ୍ପତ୍ତି ମଧ୍ୟ ନିଆଯାଇଛି। ସାଉଦି ଲୋକଙ୍କ ପାଇଁ ମଦ୍ୟପାନ ଏବେ ବି ନିଷେଧ।

ଅଧିକ ପଢ଼ନ୍ତୁ: ଅପରେସନ ସିନ୍ଦୂର ପରେ ପ୍ରଥମ ଥର ପ୍ରଧାନମନ୍ତ୍ରୀଙ୍କ ଗୁଜରାଟ ଗସ୍ତ