ଖାର୍ତୁମ୍: ସୁଦାନର ଏକ ସାମରିକ ବିମାନ ମଙ୍ଗଳବାର ରାଜଧାନୀ ଖାର୍ତୁମ୍ ଉପକଣ୍ଠରେ ଦୁର୍ଘଟଣାଗ୍ରସ୍ତ ହେବା ଫଳରେ ଅନେକ ଅଧିକାରୀ ଏବଂ ସାଧାରଣ ନାଗରିକଙ୍କ ମୃତ୍ୟୁ ଘଟିଛି। ଗଣତନ୍ତ୍ର ସମର୍ଥକ କର୍ମୀମାନେ ଅତି କମରେ ୧୦ ଜଣଙ୍କ ମୃତ୍ୟୁ ହୋଇଥିବା ସୂଚନା ଦେଇଛନ୍ତି। ମଙ୍ଗଳବାର ବିଳମ୍ବିତ ରାତିରେ ଜାରି ଏକ ବିବୃତ୍ତିରେ ସୁଦାନୀ ସେନା କହିଛି ଯେ ବିମାନ ବନ୍ଦରରୁ ଉଡ଼ାଣ ଭରିବା ସମୟରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା ଏବଂ ଉଭୟ ସାମରିକ କର୍ମଚାରୀ ଏବଂ ସାଧାରଣ ନାଗରିକଙ୍କ ମୃତ୍ୟୁ ଘଟିଥିଲା ଏବଂ ଆହତ ହୋଇଥିଲେ। 

ସୂଚନାଯୋଗ୍ୟ, ୨୦୨୩ ଏପ୍ରିଲ ମାସରୁ ସୁଦାନୀ ସେନା ଅର୍ଦ୍ଧସାମରିକ ରାପିଡ୍ ସପୋର୍ଟ ଫୋର୍ସ (ଆର୍ଏସ୍ଏଫ୍) ସହ ଯୁଦ୍ଧ ଜାରି ରଖିଛି।

ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ଏବଂ ଅଗ୍ନିଶମ ବାହିନୀ ଦୁର୍ଘଟଣାସ୍ଥଳରେ ନିଆଁକୁ ଆୟତ୍ତ କରିବାରେ ସଫଳ ହୋଇଛି। ଏକ ସାମରିକ ସୂତ୍ର ପୂର୍ବରୁ ଏଏଫପିକୁ କହିଥିଲା ଯେ ବୈଷୟିକ ତ୍ରୁଟି କାରଣରୁ ଆଣ୍ଟୋନୋଭ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଓମଦୁର୍ମାନର ଅନ୍ୟତମ ବୃହତ୍ତମ ସାମରିକ କେନ୍ଦ୍ର ଗ୍ରେଟର ଖାର୍ତୁମ୍ ର ଏକ ଅଂଶ ୱାଡି ସେଡ୍ନା ବିମାନବନ୍ଦର ନିକଟରେ ଏହି ଦୁର୍ଘଟଣା ଘଟିଛି।

ଅଧିକ ପଢ଼ନ୍ତୁ: ଜ୍ୟୋତିର୍ଲିଙ୍ଗରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼