ନୂଆଦିଲ୍ଲୀ: ରୁଷ ରାଷ୍ଟ୍ରପତି ଭ୍ଲାଦିମିର ସଂପ୍ରତି ପୁଟିନ ଦୁଇ ଦିନିଆ ଭାରତ ଗସ୍ତରେ ଅଛନ୍ତି। ଏହି ସମୟରେ ୟୁକ୍ରେନୀୟ ଅଧିକାରୀମାନେ ଯୁଦ୍ଧ ସମାପ୍ତି ପାଇଁ ଆଲୋଚନା କରିବାକୁ ଆମେରିକାରେ ପହଞ୍ଚିଛନ୍ତି। ଫ୍ଲୋରିଡାର ମିଆମିରେ, ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓ, ରାଷ୍ଟ୍ରପତି ଟ୍ରମ୍ପଙ୍କ ସ୍ୱତନ୍ତ୍ର ପ୍ରତିନିଧି ଷ୍ଟିଭ ୱିଟକଫ ଏବଂ ଟ୍ରମ୍ପଙ୍କ ଜ୍ୱାଇଁ ଜାରେଡ କୁଶନର ୟୁକ୍ରେନୀୟ ପ୍ରତିନିଧିମଣ୍ଡଳୀ ସହିତ ସାକ୍ଷାତ କରିବେ। 

ଏହି ଗସ୍ତ ସମୟରେ, ଆମେରିକାର ନେତା ସାମ୍ପ୍ରତିକ ମସ୍କୋ ଗସ୍ତ ବିଷୟରେ ୟୁକ୍ରେନକୁ ସୂଚିତ କରାଇବେ  ଏବଂ ଯୁଦ୍ଧ ସମାପ୍ତ କରିବା ପାଇଁ ପୁଟିନଙ୍କ ସର୍ତ୍ତାବଳୀର ରୂପରେଖା ଦେବେ। ପୁଟିନ ଆମେରିକାକୁ ସ୍ପଷ୍ଟ ଭାବରେ କହିଛନ୍ତି ଯେ ୟୁକ୍ରେନକୁ ଏହାର ଦୁଇଟି ପ୍ରଦେଶ, ଡୋନେସ୍କ ଏବଂ ଲୁହାନସ୍କକୁ ରୁଷକୁ ହସ୍ତାନ୍ତର କରିବାକୁ ପଡିବ। କେବଳ ତା\'ପରେ ଯୁଦ୍ଧ ଶେଷ ହେବ, କାରଣ ରୁଷ ଯେକୌଣସି ମୂଲ୍ୟରେ ଏହି ଦୁଇଟି ପ୍ରଦେଶକୁ ନିଜ ଦେଶ ସହ ମିସାଇବାକୁ ଚାହେଁ। ରୁଷ ଏହି ଦୁଇଟି ୟୁକ୍ରେନୀୟ ରାଜ୍ୟର ଏକ ବଡ଼ ଅଂଶ ଦଖଲ କରିଛି, ଏବଂ ରୁଷୀୟ ସୈନ୍ୟ ଦ୍ରୁତ ଗତିରେ ଆଗକୁ ବଢ଼ୁଛନ୍ତି।

ହୁଏତ ଏହି କାରଣରୁ ଆମେରିକା ୟୁକ୍ରେନ ଉପରେ ଚାପ ପକାଉଛି ଯେ ସେ ଦେଶର ଅନ୍ୟ ଅଂଶକୁ ଧ୍ୱଂସରୁ ରକ୍ଷା କରିବା ପାଇଁ ଏହି ଦୁଇଟି ପ୍ରଦେଶକୁ ରୁଷକୁ ହସ୍ତାନ୍ତର କରୁ। ପୁଟିନଙ୍କ ସହ ଆମେରିକା ପ୍ରତିନିଧିମଣ୍ଡଳର ବୈଠକ ସମ୍ପର୍କରେ ରାଷ୍ଟ୍ରପତି ଟ୍ରମ୍ପ କହିଛନ୍ତି, \"ବୈଠକ ବହୁତ ସକରାତ୍ମକ ଥିଲା । ରାଷ୍ଟ୍ରପତି ପୁଟିନ ଭଲ ସ୍ଥିତିରେ ଅଛନ୍ତି ଏବଂ ୟୁକ୍ରେନର କୌଣସି ପ୍ରଭାବ ବାକି ନାହିଁ। ତେଣୁ, ଜେଲେନସ୍କିଙ୍କୁ ଆପୋଷ ବୁଝାମଣା କରିବା ଉଚିତ।

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ସମ୍ପ୍ରତି କହିଥିଲେ, \"ମୁଁ ଜାଣିନାହିଁ ରୁଷ କ\'ଣ କରୁଛି, କିନ୍ତୁ ମୁଁ ଆପଣଙ୍କୁ କହିପାରିବି ଯେ ରାଷ୍ଟ୍ରପତି ପୁଟିନଙ୍କ ସହ ବହୁତ ଭଲ ସାକ୍ଷାତ ହୋଇଥିଲା। ଏହା ଏମିତି ଏକ ଯୁଦ୍ଧ ଯାହା କେବେ ଆରମ୍ଭ ହେବା ଉଚିତ୍ ନ ଥିଲା । କିନ୍ତୁ ମୁଁ ଭାବୁଛି ରାଷ୍ଟ୍ରପତି ପୁଟିନଙ୍କ ସହ ତାଙ୍କର ସାକ୍ଷାତ ବହୁତ ଭଲ ଥିଲା। ଆମେ ଦେଖିବୁ ପରବର୍ତ୍ତୀ ସମୟରେ କ\'ଣ ହେଉଛି। ମୋଟାମୋଟି ଜେଲେନସ୍କିଙ୍କୁ ଉକ୍ତ ଦୁଇଟି ସ୍ଥାନ ଛାଡିବାକୁ ପଡିବ ଯାହା ରୁଷ ଦାବି କରୁଛି. ତେବେ ଯାଇ ୟୁକ୍ରେନର ଅବଶିଷ୍ଟ ଅଂଶକୁ ରକ୍ଷା କରି ପାରିବ ।