ଚୀନରେ ଗୋଟିଏ ଅଜବ ଦୃଶ୍ୟ ସାମ୍ନାକୁ ଆସିଛି । ୫୨ ବର୍ଷ ଧରି ପେଟରେ ଫସିରହିଥିଲା ଟୁଥ୍ ବ୍ରଶ୍ । ପେଟରେ ଯନ୍ତ୍ରଣା ଅନୁଭବ କରିବାରୁ ୬୪ ବର୍ଷ ବୟସରେ ଅସ୍ତ୍ରଉପଚାର ପରେ ପେଟରୁ ବାହାରିଛି ୫୨ ବର୍ଷ ପୁରୁଣା ଟୁଥ୍ ବ୍ରଶ୍ ।

ସୂଚନା ଅନୁସାରେ, ୟାଙ୍ଗ ନାମକ ଜଣେ ବ୍ୟକ୍ତି କହିଛନ୍ତି ଯେ ସେ ୧୨ ବର୍ଷ ବୟସରେ ଏକ ଟୁଥବ୍ରଶ୍ କୁ ଗିଳିଦେଇଥିଲେ, କିନ୍ତୁ ସେ ଏହି ବିଷୟରେ ତାଙ୍କ ପିତାମାତାଙ୍କୁ କହିବାକୁ ଡରୁଥିଲେ । ୟାଙ୍ଗ ଭାବୁଥିଲେ ଯେ ଟୁଥବ୍ରଶ୍ ଟି ଆପେ ଆପେ ହଜମ ହୋଇଯିବ ଏବଂ ସେ ସାଧାରଣ ଭାବରେ ଜୀବନ ଅତିବାହିତ କରିପାରିବେ । ଡାକ୍ତରମାନେ ୟାଙ୍ଗ୍ ଙ୍କ ଏଣ୍ଡୋସ୍କୋପିକ୍ ଅସ୍ତ୍ରୋପଚାର କରିଥିଲେ ଏବଂ ୮୦ ମିନିଟ୍ ମଧ୍ୟରେ ଶରୀରରୁ ଟୁଥବ୍ରଶ୍ ବାହାର କରିଥିଲେ। ଡାକ୍ତରମାନେ ପ୍ରକାଶ କରିଛନ୍ତି ଯେ ବିଗତ ତିନି ବର୍ଷ ଭିତରେ ଏହି ଅସ୍ତ୍ରୋପଚାରଟି ଦୀର୍ଘ ସମୟ ଧରି ଚାଲିଥିଲା ।

ବିଶେଷଜ୍ଞଙ୍କ ଅନୁଯାୟୀ, ଅନ୍ତନଳୀରେ ଥିବା ଏକ ଟୁଥବ୍ରଶ୍ ଗତି କରିପାରେ ଏବଂ ଆଭ୍ୟନ୍ତରୀଣ ଟିସୁକୁ ଛିଦ୍ର କରିପାରେ, ଯାହା ଅନ୍ତନଳୀରେ ଛିଦ୍ର ସୃଷ୍ଟି କରିପାରେ ଯାହା ଭବିଷ୍ୟତରେ ଘାତକ ସୃଷ୍ଟି କରିପାରେ । ୟାଙ୍ଗଙ୍କ କ୍ଷେତ୍ରରେ, ସୌଭାଗ୍ୟବଶତଃ ଟୁଥବ୍ରଶ୍ ଅନ୍ତନଳୀର ଏକ ମୋଡ଼ରେ ଫସି ଯାଇଥିଲା। ଯାହାଫଳରେ ତାଙ୍କ ଜୀବନକୁ ବିପଦ ନଥିଲା ।

ଏହି ଖବର ସୋସିଆଲ ମିଡିଆରେ ଲୋକମାନଙ୍କୁ ଚକିତ କରିଛି। ଲୋକମାନେ ଏଥିରେ ଆଶ୍ଚର୍ଯ୍ୟ ହୋଇଗଲେ ଏବଂ ଏହି ବ୍ୟକ୍ତିଙ୍କୁ ଭାଗ୍ୟବାନ ବୋଲି କହୁଛନ୍ତି। ଜଣେ ୟୁଜର୍ସ ଲେଖିଛନ୍ତି, "ପାଞ୍ଚ ଦଶନ୍ଧି ଧରି ଶରୀରରେ ଏକ ଟୁଥବ୍ରଶ୍ ଫସିରହିବା ପରେ ମଧ୍ୟ ସେ ଜୀବିତ ଅଛନ୍ତି ସେ କେତେ ଭାଗ୍ୟବାନ?" ।

ଏହି ଘଟଣା ଚୀନ୍ ରେ ପ୍ରଥମ ଥର ନୁହଁ ଏପରି ଆଉ ଗୋଟିଏ ଘଟଣା ଚୀନ୍ ରେ ଦେଖିବାକୁ ମିଳିଥିଲା । ୨୦୧୯ରେ, ଗୁଆଙ୍ଗଡୋଙ୍ଗ ପ୍ରଦେଶର ଏକ ହସ୍ପିଟାଲରେ ଜଣେ ବ୍ୟକ୍ତି ୨୦ ବର୍ଷ ତଳେ ୧୪ ସେଣ୍ଟିମିଟର ଏକ ଟୁଥବ୍ରଶ୍ ଗିଳିଦେଇଥିଲେ। ଯାହାକୁ ସେ ୫୧ ବର୍ଷ ବୟସରେ ଅସ୍ତ୍ରୋପଚାର ପରେ ବାହାର କରିଥିଲେ ।