ମସ୍କୋ, ଅକ୍ଟୋବର ୦୪ (ଖବର ଓଡ଼ିଶା): ରୁଷିଆ ଓ ୟୁକ୍ରେନ୍ ମଧ୍ୟରେ ଜାରି ଯୁଦ୍ଧ ଏବେ ପୁରୁଣା ହୋଇସାରିଛି । ତେବେ ଯୁଦ୍ଧ ଯେତିକି ପୁରୁଣା ହେଉଛି, ସେତିକି ଉଗ୍ର ଉଗ୍ର ରୂପ ନେଉଛି । କାରଣ ଏହି ସଂଘର୍ଷ ଉଭୟ ପକ୍ଷରୁ ହେଉଛି । ଏହାରି ମଧ୍ୟରେ ରୁଷିଆର ରାଷ୍ଟ୍ରପତି ଭ୍ଲାଦିମୀର ପୁଟିନ ପୁଣି ଥରେ ପରମାଣୁ ବୋମା ନେଇ ଆମେରିକାକୁ ଟାର୍ଗେଟ କରିଛନ୍ତି ।
ଭ୍ଲାଦିମୀର ପୁଟିନ କହିଛନ୍ତି ଯେ, ଆମେରିକା ଏଭଳି ଦେଶ, ଯିଏ କି ୨ ଥର ନ୍ୟୁକ୍ଲିୟର ଆକ୍ରମଣ କରିଛି । ସେ ହିରୋସୀମାକୁ ନଷ୍ଟ କରିଥିଲା । ନାଗାସାକୀ ଉପରେ ମଧ୍ୟ ଆକ୍ରମଣ କରିଥିଲା । ମୁଖ୍ୟକଥା ହେଲା ରୁଷିଆ ଓ ୟୁକ୍ରେନ୍ ମଧ୍ୟରେ ଜାରି ଥିବା ଯୁଦ୍ଧକୁ ଆମେରିକା ପ୍ରୋତ୍ସାହିତ କରୁଛି । ୟୁକ୍ରେନ୍କୁ ସହଯୋଗ କରୁଛି । ତେବେ ବିଗତ କିଛି ଦିନ ହେବ ଲଗାତାର ଭାବେ ରୁଷୀୟ ରାଷ୍ଟ୍ରପତିଙ୍କ ତରଫରୁ ପରମାଣୁ ଆକ୍ରମଣକୁ ନେଇ ଏହିଭଳି ଭାବେ ବୟାନ ଦିଆଯାଉଛି । ଆମେରିକା ତରଫରୁ ରାଷ୍ଟ୍ରପତି ଜୋ ବାଇଡେନ୍ ମଧ୍ୟ ଚେତାବନୀ ଜାରି କରିଛନ୍ତି ।