ଭାରତ- ଚୀନ୍ ବିବାଦ : ସମାଧାନ ପାଇଁ ଆସନ୍ତାକାଲି ଦୁଇ ଦେଶର ସେନା କୋର୍ କମାଣ୍ଡର ବୈଠକ
Khabar Odisha:India-China-boarder-fight-meeting-tomorrow
ନୂଆଦିଲ୍ଲୀ, ଜୁନ ୫ (ଖବର ଓଡ଼ିଶା):

 ଲଦାଖ ସୀମାକୁ ନେଇ ଭାରତ ଓ ଚୀନ ମଧ୍ୟରେ ସାମାନ୍ୟ ବିବାଦ ଶାନ୍ତ ହେଉଛି । ଆଜି ସୌହାର୍ଦ୍ଦ୍ୟପୂର୍ଣ୍ଣ ସମାଧାନ ଲାଗି ବୈଦେଶିକ ମନ୍ତ୍ରଣାଳୟସ୍ତରରେ ଆଲୋଚନା ହୋଇଛି। 

ଯୁଗ୍ମ ସଚିବସ୍ତରରେ ହୋଇଥିବା ଆଲୋଚନାରେ ଉଭୟ ଦେଶ ପରସ୍ପରର ଭାବନାକୁ ସମ୍ମାନ ଜଣାଇ ବିବାଦର ସମାଧାନ କରିବା ପାଇଁ ଚେଷ୍ଟା କରିଛନ୍ତି। ଲଦାଖରେ ଏକ ମାସ ଧରି ଜାରି ଉତ୍ତେଜନା ପରେ ଦୁଇ ଦେଶ ମଧ୍ୟରେ ସଚିବ ସ୍ତରରେ ଆଲୋଚନା ହୋଇଛି। ଆସନ୍ତାକାଲି ଭାରତ-ଚୀନର କୋର କମାଣ୍ଡର ବୈଠକ ମଧ୍ୟ ହେବ ।

ବୈଦେଶିକ ମନ୍ତ୍ରଣାଳୟର ଯୁଗ୍ମ ସଚିବସ୍ତରରେ ଭିଡିଓ କନଫରେନ୍ସିଂ ଜରିଆରେ ହୋଇଥିବା ଆଲୋଚନାରେ ଦୁଇ ପକ୍ଷ ସୀମା ବିବାଦ ସମେତ ବିଭିନ୍ନ ଦ୍ଵିପାକ୍ଷିକ ସଂପର୍କର ସମୀକ୍ଷା କରିଛନ୍ତି।  

ଦୁଇ ପକ୍ଷ ସହମତି ପ୍ରକାଶ କରିଛନ୍ତି ଯେ, ନେତୃତ୍ଵଙ୍କ ପକ୍ଷରୁ ସ୍ଥିରିକୃତ ନିର୍ଦ୍ଦେଶ ଆଧାରରେ ମତଭେଦକୁ ଶାନ୍ତିପୂର୍ବକ ଆଲୋଚନା ଜରିଆରେ ସମାଧାନ କରିବା ଉଚିତ୍। ଯାହାଦ୍ବାରା ପରସ୍ପରର ସମ୍ବେଦନା, ଚିନ୍ତା ଓ ଆଂକାକ୍ଷାର ସମ୍ମାନ ହୋଇ ପାରିବ ଓ ମତଭେଦ ବିବାଦର ରୂପ ନେବ ନାହିଁ ।

  • Tags:

Subscribe

National International State Sports Entertainment