ବିଦେଶରେ କଡା ହେଉଛି କରୋନା ପ୍ରତିବନ୍ଧକ : ସଂକ୍ରମଣ ରୋକିବା ପାଇଁ କଠୋର ହେଲେ ସାଉଦି ସରକାର
Khabar Odisha:Corona-Barriers-Abroad-Saudi-Government-Strict-guidelines-to-prevent-Corona

ନୂଆଦିଲ୍ଲୀ, ଜୁଲାଇ ୨୮ (ଖବର ଓଡ଼ିଶା): ବର୍ତ୍ତମାନ ଅଧିକାଂଶ ଦେଶରେ କରୋନା ମହାମାରୀର ଦ୍ୱିତୀୟ ଲହର ଜାରି ରହିଥିବା ବେଳେ କିଛି ଦେଶରେ ତୃତୀୟ ଲହର ମଧ୍ୟ ଆରମ୍ଭ ହୋଇଗଲାଣି । ଯାହାକୁ ନେଇ ଏବେ ଅନ୍ୟ ଦେଶ ଗୁଡିକ ନିଜ ଦେଶରେ କରୋନା ପ୍ରତିବନ୍ଧକ ଗୁଡକୁ କଡା କରୁଛନ୍ତି ।

ସାଉଦି ଆରବରେ ଏବେ କରୋନା ମହାମାରୀର ଦ୍ୱିତୀୟ ଲହରର ପ୍ରଭାବ କମି ଆସୁଥିବା ବେଳେ ତୃତୀୟ ଲହରକୁ ରୋକିବା ପାଇଁ କଠୋର ହୋଇଛନ୍ତି ସାଉଦି ସରକାର । ନିଜ ଦେଶର ନାଗରିକ ମାନଙ୍କ ବିଦେଶ ଯାତ୍ରା ଉପରେ ଲାଗିଛି ପ୍ରତିବନ୍ଧକ । ଅଧିକ ସଂକ୍ରମଣ ଥିବା ଦେଶ ବା ରେଡ୍ ଲିଷ୍ଟ ରେ ରହିଥିବା ଦେଶକୁ ଯାତ୍ରା କଲେ ୩ ବର୍ଷର ଯାତ୍ରା ଉପରେ ରୋକ୍ ଲଗାଇବାକୁ ଚେତାବନୀ ଦେଇଛନ୍ତି ସାଉଦି ସରକାର ।

ଏହା ସହିତ ବର୍ତ୍ତମାନ ସମୟରେ କରୋନା ସଂକ୍ରମଣକୁ ଆୟତକୁ ଆଣିବା ପାଇଁ ଦେଶରେ ଲାଗୁ କରଯାଇଥିବା ସମସ୍ତ ନିୟମକୁ କଡାକଡି ଭାବରେ ପାଳନ କରିବା ସହିତ ନିୟମ ଉଲଘଂନ କାରୀକୁ କଡା ଦଣ୍ଡ ଦିଆଯିବ ବୋଲି ସାଉଦି ସରକାର ଚେତାଇ ଦେଇଛନ୍ତି ।

ବର୍ତ୍ତମାନ ଭାରତ ଭଳି ଆହୁରି ଅନେକ ଦେଶ ସାଉଦି ଆରବର ରେଡ୍ ଲିଷ୍ଟରେ ରହିଛନ୍ତି । ସାଉଦି ଆରବର ଯେଉଁ ନାଗରିକ ମାନେ ଏହି ଦେଶ ଗୁଡିକୁ ଯାତ୍ରା କରିବେ ମହାମାରୀ ସମୟରେ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସାଉଦି ଆରବ ସ୍ୱସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।

ସାଉଦି ଆରବ ଭାରତ, ଆଫଗାନିସ୍ତାନ, ଆର୍ଜେଣ୍ଟିିନା, ବ୍ରାଜିଲ, ଇଜିପ୍ଟ, ଇଥିଓପିଆ, ଇଣ୍ଡୋନେସିଆ, ଲେବାନନ୍‌, ପାକିସ୍ଥାନ, ଦକ୍ଷିଣ ଆଫ୍ରିକା, ତୁର୍କୀ, ଭିଏତନାମ ସମେତ ଅନେକ ଦେଶକୁ ଯାତ୍ରା କିମ୍ବା ଗମନାଗମନ ଉପରେ ପ୍ରତିବନ୍ଧକ ଲଗାଇଛି ।

  • Tags:

Subscribe

National International State Sports Entertainment