ନୂଆଦିଲ୍ଲୀ: ଆମେରିକାରେ ଶନିବାର ଦିନ ଏକ ବଡ଼ ବିମାନ ଦୁର୍ଘଟଣା ଟଳି ଯାଇଛି। ଡେନଭର ବିମାନବନ୍ଦରରେ ଉଡ଼ାଣ ପୂର୍ବରୁ ଏକ ଯାତ୍ରୀବାହୀ ବିମାନର ଲ୍ୟାଣ୍ଡିଂ ଗିଅରରେ ସମସ୍ୟା ଦେଖାଦେଇଥିଲା। ଯାହା ଯୋଗୁଁ ଏଥିରୁ ନିଆଁ ଏବଂ ଧୂଆଁ ବାହାରିବାକୁ ଲାଗିଲା। ସମସ୍ୟା ପରେ ଏହି ଉଡ଼ାଣକୁ ବାତିଲ କରିବାକୁ ପଡିଲା।

ଘଟଣାଟି ଜଣାପଡିବା ମାତ୍ରେ ବିମାନବନ୍ଦରରେ ଉପସ୍ଥିତ ଅଧିକାରୀମାନେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଏହା ପରେ ପ୍ରଥମେ ଯାତ୍ରୀମାନଙ୍କୁ ବିମାନରୁ ବାହାର କରାଯାଇଥିଲା। ଅଧିକାରୀମାନେ କହିଛନ୍ତି ଯେ ଏହି ସୁରକ୍ଷା କାର୍ଯ୍ୟ ସମୟରେ ଜଣେ ବ୍ୟକ୍ତିଙ୍କୁ ସାମାନ୍ୟ ଆଘାତ ଲାଗିଛି।

କୁହାଯାଉଛି ଯେ ବିମାନରେ କ୍ରୁ ସଦସ୍ୟଙ୍କ ସହିତ ମୋଟ ୧୭୯ ଜଣ ଯାତ୍ରୀ ଥିଲେ। ବୋଇଂ ୭୩୭ ମ୍ୟାକ୍ସ ୮ ବିମାନ ଦ୍ୱାରା ପରିଚାଳିତ ଆମେରିକୀୟ ଏୟାରଲାଇନ୍ସର ବିମାନ ଏଏ-୩୦୨୩ ମିଆମି ଯିବାକୁ ଥିଲା। ଯାତ୍ରୀମାନେ ଏହି ବିମାନରେ ଚଢ଼ିଥିଲେ, ଉଡ଼ାଣ ପାଇଁ ପ୍ରସ୍ତୁତି କରାଯାଉଥିଲା। ଏହି ସମୟ ମଧ୍ୟରେ ଲ୍ୟାଣ୍ଡିଂ ଗିଅରରେ ସମସ୍ୟା ଦେଖାଯାଇଥିଲା। ଏହି ଘଟଣା ସମ୍ପର୍କରେ ଏୟାରଲାଇନ୍ସର ବିବୃତ୍ତି ମଧ୍ୟ ସାମ୍ନାକୁ ଆସିଛି। କମ୍ପାନୀ କହିଛି ଯେ ଟାୟାରରେ ରକ୍ଷଣାବେକ୍ଷଣ ସମସ୍ୟା ଥିଲା।

ଏହି ସମ୍ପୂର୍ଣ୍ଣ ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ଭିଡିଓରେ ଦେଖାଯାଉଛି ଯେ ବିମାନର ଟାୟାର ନିକଟରୁ ଧୂଆଁ ବାହାରୁଛି। ଆତଙ୍କିତ ଯାତ୍ରୀମାନେ ବିମାନରୁ ତଳକୁ ଓହ୍ଲାଉଛନ୍ତି। ଏହି କାରଣରୁ ସମଗ୍ର ଅଞ୍ଚଳ ଧୂଆଁରେ ପୂର୍ଣ୍ଣ ହୋଇଯାଇଥିଲା।

ଫେଡେରାଲ୍ ଏଭିଏସନ୍ ଆଡମିନିଷ୍ଟ୍ରେସନ୍ କହିଛି ଯେ ସ୍ଥାନୀୟ ସମୟ ଅପରାହ୍ନ ୨ଟା ୪୫ରେ ଡେନଭର ବିମାନବନ୍ଦରରୁ ଉଡ଼ାଣ ଭରିବା ସମୟରେ ବିମାନଟି ଲ୍ୟାଣ୍ଡିଂ ଗିୟରରେ ଏକ ସମ୍ଭାବ୍ୟ ଦୁର୍ଘଟଣା ଘଟିଥିବା ସୂଚନା ଦେଇଥିଲା। ଅଧିକାରୀମାନେ କହିଛନ୍ତି ଯେ ଯାତ୍ରୀମାନଙ୍କୁ ରନୱେରୁ ବାହାର କରାଯାଇ ବସ୍ ଦ୍ୱାରା ଟର୍ମିନାଲକୁ ନିଆଯାଇଛି। 

ଅଧିକ ପଢ଼ନ୍ତୁ: ତିନି ଦିନ ପାଇଁ ଖୋଲିବନି ମାଂସ ଓ ଅଣ୍ଡା ଦୋକାନ