ଇସ୍ରାଏଲ ଏବଂ ହମାସ ମଧ୍ୟରେ ଚାଲିଥିବା ଯୁଦ୍ଧ ଦିନକୁ ଦିନ ତୀବ୍ର ହେବାରେ ଲାଗିଛି । ଯାହାର ପ୍ରଭାବରେ ସେଠାରେ ରହୁଥିବା ଲୋକମଙ୍କୁ ବହୁତ କ୍ଷୟ କ୍ଷତିର ସାମ୍ନା କରିବାକୁ ପଡୁଛି । ପ୍ରତିଦିନ ମୃତ୍ୟୁର ସଂଖ୍ୟା ବଢ଼ିବାରେ ଲାଗିଛି । ଏଥି ମଧ୍ୟରେ ମଙ୍ଗଳବାର ଇସ୍ରାଏଲ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ ହମାସର ସମ୍ପୂର୍ଣ୍ଣ ନିପାତ ନହେବା ପର୍ଯ୍ୟନ୍ତ ଏହି ଯୁଦ୍ଧ ବନ୍ଦ ହେବ ନାହିଁ । ଏହା ଦ୍ୱାରା ଜଜଣା ପଡୁଛି ଯେ ଆଗକୁ ଏହି ଯୁଦ୍ଧ ଆଗକୁ ଏକ ବିରାଟକାୟ ରୂପ ନେବାକୁ ଯାଉଛି ।

ତେବେ ସାଧାରଣ ଲୋକମାନେ ମଧ୍ୟ ଇସ୍ରାଏଲ ସେନାକୁ ସାହାଯ୍ୟ କରିବା ପାଇଁ ବନ୍ଧୁକ ଉଠାଉଛନ୍ତି । ଏବେ ଜଣେ ଅଭିନେତା ସେନାରେ ସାମିଲ ହୋଇ ହମାସ ବିରୋଧରେ ଲଢ଼ିବାକୁ ପ୍ରସ୍ତୁତ ହୋଇଥିବା ଜଣାପଡ଼ିଛି । ଫିଲ୍ମ 'ଅକେଲି'ର ଅଭିନେତା ତସାହି ହାଲେଭି ଏବେ ଇସ୍ରାଏଲ ସେନାରେ ହେଲେ ସାମିଲ ହେବେ । ରିଲ ରୁ ଏବେ ରିଏଲ ରେ ଯୁଦ୍ଧ ଲଢ଼ିବେ ଅଭିନେତା ତସାହି । ‘ଫୌଦା’ ଓ ‘ଦ କାପ୍ସ’ରେ ସେ ଇସ୍ରାଏଲ ସିକ୍ୟୁରିଟି ଫୋର୍ସର ଯବାନ ଭାବେ ନଜର ଆସିଥିବା ବେଳେ ଏବେ ସେ ଅସଲ ଜୀବନରେ ଇସ୍ରାଏଲ ସେନାକୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ।