ଫିଜିଓଥେରାପିଷ୍ଟଙ୍କୁ ଡାକ୍ତର ଲେଖିବା ସମ୍ପର୍କିତ ଆଦେଶକୁ ସରକାର ପ୍ରତ୍ୟାହାର କରିନେଇଛନ୍ତି। ସରକାରୀ ନିର୍ଦ୍ଦେଶାନାମାର ୨ ଦିନ ପରେ ଏହାକୁ ପ୍ରତ୍ୟାହାର କରିଦିଆଯାଇଛି। ୯ ସେପ୍ଟେମ୍ବର ୨୦୨୫ରେ ଜାରି ହୋଇଥିବା ନିର୍ଦ୍ଦେଶନାମାରେ କୁହାଯାଇଥିଲା ଯେ ଭାରତରେ ଫିଜିଓଥେରାପିଷ୍ଟମାନେ ସେମାନଙ୍କ ନାମ ପୂର୍ବରୁ ଡାକ୍ତର ଏବଂ ଶେଷରେ ପିଟି (ଫିଜିଓଥେରାପିଷ୍ଟ) ବ୍ୟବହାର କରିପାରିବେ। କିନ୍ତୁ ଏହି ନିଷ୍ପତ୍ତି ଉପରେ ଅନେକ ପକ୍ଷଙ୍କ ଆପତ୍ତି ଏବଂ ପରାମର୍ଶ ସାମ୍ନାକୁ ଆସିବା ପରେ, ସ୍ୱାସ୍ଥ୍ୟ ମନ୍ତ୍ରଣାଳୟ ଏହାକୁ ବନ୍ଦ କରିଦେଇଛି।

ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ସଦ୍ୟତମ ଚିଠିରେ କୁହାଯାଇଛି ଯେ ଏହି ପ୍ରସଙ୍ଗ ଉପରେ ଅଧିକ ଗଭୀର ବିଚାର ଏବଂ ଆଲୋଚନା ଆବଶ୍ୟକ। ତେଣୁ, ପୂର୍ବ ନିର୍ଦ୍ଦେଶକୁ ଏବେ ପ୍ରତ୍ୟାହାର କରାଯାଇଛି ଏବଂ ପୁନଃ ସମୀକ୍ଷା ପରେ ହିଁ ଚୂଡ଼ାନ୍ତ ନିଷ୍ପତ୍ତି ନିଆଯିବ। ଏହାର ଅର୍ଥ ହେଉଛି ଯେ ବର୍ତ୍ତମାନ ଫିଜିଓଥେରାପିଷ୍ଟମାନେ ସେମାନଙ୍କ ନାମ ସହିତ ଡାକ୍ତର ବ୍ୟବହାର କରିପାରିବେ ନାହିଁ, ଯେପର୍ଯ୍ୟନ୍ତ ସରକାର ଏହା ଉପରେ ଚୂଡ଼ାନ୍ତ ନିଷ୍ପତ୍ତି ନେଇନାହାଁନ୍ତି।

ସ୍ୱାସ୍ଥ୍ୟ ସେବା ମହାନିର୍ଦ୍ଦେଶାଳୟ କହିଛନ୍ତି ଯେ ଫିଜିଓଥେରାପିଷ୍ଟମାନେ ଡାକ୍ତର ଭାବରେ ତାଲିମପ୍ରାପ୍ତ ନୁହଁନ୍ତି ଏବଂ ନିଜକୁ ସେପରି ଭାବରେ ଉପସ୍ଥାପନ କରିବା ଉଚିତ୍ ନୁହେଁ।ଇଣ୍ଡିଆନ୍ ମେଡିକାଲ୍ ଆସୋସିଏସନ୍ (IMA)କୁ ଏକ ଚିଠିରେ DGHS କହିଛି ଯେ ଇଣ୍ଡିଆନ୍ ଆସୋସିଏସନ୍ ଅଫ୍ ଫିଜିକାଲ୍ ମେଡିସିନ୍ ଆଣ୍ଡ୍ ରିହାବିଲିଟେସନ୍ (IAPMR) ସମେତ ଅନେକ ଗୋଷ୍ଠୀ ଫିଜିଓଥେରାପି ପାଇଁ ଦକ୍ଷତା ଭିତ୍ତିକ ପାଠ୍ୟକ୍ରମ, ୨୦୨୫ ରେ ଥିବା ବ୍ୟବସ୍ଥା ଉପରେ ଆପତ୍ତି ଉଠାଇଛନ୍ତି। ଏହି ବର୍ଷ ଏପ୍ରିଲରେ ଜାରି ହୋଇଥିବା ପାଠ୍ୟକ୍ରମରେ ପରାମର୍ଶ ଦିଆଯାଇଥିଲା ଯେ ଫିଜିଓଥେରାପି ସ୍ନାତକମାନେ ସେମାନଙ୍କ ନାମ ପୂର୍ବରୁ “PT” ସହିତ “Dr” ବ୍ୟବହାର କରିପାରିବେ। ଯାହାକୁ ନେଇ ସ୍ପଷ୍ଟୀକରଣ ରଖିଛି ସ୍ୱାସ୍ଥ୍ୟ ସେବା ମହାନିର୍ଦ୍ଦେଶାଳୟ ।

ଫିଜିଓଥେରାପିଷ୍ଟଙ୍କ 'ଡାକ୍ତର' ଉପାଧି ଉପରେ କାହିଁକି ପ୍ରଶ୍ନ ଉଠାଯାଏ?

ଫିଜିଓଥେରାପିଷ୍ଟମାନଙ୍କୁ ପ୍ରାଥମିକ ଚିକିତ୍ସା ପ୍ରଦାନ କରିବାକୁ ଅନୁମତି ଦିଆଯିବା ଉଚିତ୍ ନୁହେଁ ଏବଂ ସେମାନେ କେବଳ ରେଫର୍ ହୋଇଥିବା ରୋଗୀଙ୍କୁ ଚିକିତ୍ସା କରିବା ଉଚିତ୍, କାରଣ ସେମାନେ ଅନୁପଯୁକ୍ତ ଫିଜିଓଥେରାପି ହସ୍ତକ୍ଷେପ ଦ୍ୱାରା ଖରାପ ହୋଇପାରେ ଏପରି ଚିକିତ୍ସା ଅବସ୍ଥାର ଚିକିତ୍ସା ପାଇଁ ତାଲିମପ୍ରାପ୍ତ ନୁହଁନ୍ତି।

ଫିଜିଓଥେରାପିଷ୍ଟଙ୍କ ପାଇଁ 'ଡାକ୍ତର' ଉପାଧି ବ୍ୟବହାର କରିବା ବେଆଇନ

ଚିଠିରେ ଆହୁରି ଲେଖାଯାଇଛି, “ପାଟନା ହାଇକୋର୍ଟ, ତାମିଲନାଡୁ ମେଡିକାଲ କାଉନସିଲ, ବାଙ୍ଗାଲୋର କୋର୍ଟ ଏବଂ ମାଡ୍ରାସ ହାଇକୋର୍ଟ ପୂର୍ବରୁ ରାୟ ଦେଇସାରିଛନ୍ତି ଯେ ଯଦି ଜଣେ ଫିଜିଓଥେରାପିଷ୍ଟ ଡାକ୍ତରୀ ପଞ୍ଜୀକରଣ ବିନା ଡାକ୍ତର ଉପାଧି ବ୍ୟବହାର କରନ୍ତି, ତେବେ ଏହା ବେଆଇନ।

ଫିଜିଓଥେରାପି ପାଠ୍ୟକ୍ରମ ୨୦୨୫

ଡକ୍ଟର ସୁନିତା ଶର୍ମା ଏହା ମଧ୍ୟ ଅନୁରୋଧ କରିଛନ୍ତି ଯେ NCAHP ଦ୍ୱାରା ସମ୍ପ୍ରତି ପ୍ରକାଶିତ ନୂତନ ଫିଜିଓଥେରାପି ପାଠ୍ୟକ୍ରମ ୨୦୨୫ରେ ଡକ୍ଟର ଶବ୍ଦ ବ୍ୟବହାର ନକରିବା ଉଚିତ୍। ଏହା ବଦଳରେ ଫିଜିଓଥେରାପିଷ୍ଟ ଭଳି ଏକ ସ୍ପଷ୍ଟ ଏବଂ ସମ୍ମାନଜନକ ଶୀର୍ଷକ ବ୍ୟବହାର କରାଯିବା ଉଚିତ୍ ଯାହା ଦ୍ଵାରା ରୋଗୀମାନେ କୌଣସି ଦ୍ୱନ୍ଦ୍ୱରେ ନ ପଡ଼ନ୍ତି।

ଅଧିକ ପଢନ୍ତୁ: ଆତ୍ମହତ୍ୟା କରିବା ପୂର୍ବରୁ ଜଣେ ବ୍ୟକ୍ତି କ'ଣ ଭାବନ୍ତି? ଏମ୍ସ କାରଣ ଜାଣି ସମାଧାନ କରିବ ଦ୍ୱନ୍ଦ୍ୱ