ବେଙ୍ଗାଲୁରୁ: କନ୍ନଡ ଅଭିନେତ୍ରୀ ରାନ୍ୟା ରାଓଙ୍କୁ ବଡ଼ ଝଟକା । ତୃତୀୟ ଥର ପାଇଁ ଜାମିନ୍ ଆବେଦନ ଖାରଜ। ଦୁବାଇରୁ ସୁନା ଚୋରା ଚାଲାଣ ଅଭିଯୋଗରେ ଜେଲରେ ଥିବା କନ୍ନଡ ଅଭିନେତ୍ରୀ ରାନ୍ୟା ରାଓଙ୍କ ଜାମିନ ଆବେଦନ ପୁଣି ଥରେ ଖାରଜ କରିଛନ୍ତି କୋର୍ଟ ।  ଏକ ସେସନ କୋର୍ଟ ଗୁରୁବାର ରାନ୍ୟାଙ୍କ ଜାମିନ ଆବେଦନ ଖାରଜ କରିଛନ୍ତି। ଏହା ପୂର୍ବରୁ ମଧ୍ୟ ରାନ୍ୟା ଙ୍କର ଜାମିନ ଆବେଦନ ଖାରଜ ହୋଇ ସାରିଛି । ଜାମିନ ପାଇଁ ରାନ୍ୟା ହାଇକୋର୍ଟ ଦ୍ବାରସ୍ଥ ହୋଇପାରନ୍ତି ।

କୋର୍ଟ କହିଛନ୍ତି ଯେ ରାନ୍ୟା ରାଓ ମାମଲାର ଆନ୍ତର୍ଜାତୀୟ ସମ୍ପର୍କ ଅଛି, ସୀମା ଶୁଳ୍କ ଏବଂ ସୀମା ଶୁଳ୍କ ନିୟମ ଉଲ୍ଲଂଘନ ହୋଇଛି ଏବଂ ଯଦି ଏହା ପ୍ରକାଶ ପାଏ, ତେବେ ଏହା ପ୍ରମାଣ ନଷ୍ଟ କରିପାରେ ଏବଂ ତଦନ୍ତରେ ବାଧା ସୃଷ୍ଟି କରିପାରେ । ସରକାରୀ ଓକିଲ କହିଛନ୍ତି ଯେ, ସେ ଗୋଟିଏ ବର୍ଷରେ ୨୭ ଥର ବିଦେଶ ଯାତ୍ରା କରିଛନ୍ତି ଏବଂ ୩ ୮ ପ୍ରତିଶତ କଷ୍ଟମ୍ସ ଡ୍ୟୁଟି ଠକେଇ କରିଛନ୍ତି । ମୋଟ ଟିକସ ଫାଙ୍କି ପରିମାଣ ୪,୮୩,୭୨,୬୯୪ ଟଙ୍କା ଥିଲା । ଯଦି ଏଭଳି ସ୍ଥିତିରେ ତାଙ୍କୁ ଜାମିନ୍ ଦିଆଯାଏ, ତେବେ ସେ ପ୍ରମାଣକୁ ହେରଫେର କରିପାରିବେ କିମ୍ବା ତଦନ୍ତକୁ ବାଟବଣା କରିପାରନ୍ତି ବୋଲି କର୍ତ୍ତୃପକ୍ଷ ଯୁକ୍ତି କରିଥିଲେ । କୋର୍ଟ ଏହି ଯୁକ୍ତିକୁ ମଧ୍ୟ ଧ୍ୟାନରେ ରଖି ଜାମିନ ଆବେଦନ ଖାରଜ କରିଛନ୍ତି। କୋର୍ଟ ଯୁକ୍ତି ଦର୍ଶାଇଥିଲେ ଯେ ଯଦି ତାଙ୍କୁ ମୁକ୍ତ କରାଯାଏ, ତେବେ ସେ ଦେଶ ଛାଡ଼ି ପଳାଇ ଯାଇପାରିବେ । ସାକ୍ଷୀମାନଙ୍କୁ ପ୍ରଭାବିତ କରିପାରନ୍ତି କିମ୍ବା ତଦନ୍ତରେ ବାଧା ସୃଷ୍ଟି କରିପାରନ୍ତି ବୋଲି କୋର୍ଟ କହିଛନ୍ତି ।