ରିଲିଜ୍ ହୋଇଛି 'ସିଙ୍ଘମ ଏଗେନ୍'ର ଟ୍ରେଲର। ଏହି ଫିଲ୍ମକୁ ନେଇ ଦର୍ଶକଙ୍କ ଉତ୍ସାହ ବଢ଼ିବାରେ ଲାଗିଥିବା ବେଳେ ଏହାର ଟ୍ରେଲର ଏବେ ନିର୍ମାତା ରିଲିଜ୍ କରିଛନ୍ତି । ଫିଲ୍ମକୁ ନେଇ ଯେତିକି ଆଶା ଥିଲା ଟ୍ରେଲର ରିଲିଜ୍ ପରେ ଫିଲ୍ମଟି ଆହୁରି ଦମଦାର ହେବ ବୋଲି ଦର୍ଶକ ମତ ରଖିବା ଆରମ୍ଭ କରିଛନ୍ତି। ଟ୍ରେଲର ରିଲିଜ୍ ପରେ ଫିଲ୍ମ ଦେଖିବାକୁ ନେଇ ଲୋକଙ୍କ ମନରେ ଥିବା ଉତ୍ସାହ ବହୁ ଗୁଣରେ ବଢ଼ିଯାଇଥିବା ଦେଖାଯାଇଛି।  'ସିଙ୍ଘମ ଏଗେନ୍'ର କାହାଣୀ ରାମାୟଣ ଦ୍ୱାରା ଅନୁପ୍ରାଣିତ । ଟ୍ରେଲରରେ ଦେଖାଯାଇଛି ଯେ, ଅଜୟ ଦେବଗନ୍ ତାଙ୍କ ସୀତା ପାଇଁ ଲଙ୍କାକୁ ଜାଳିବାକୁ ବାହାରିଛନ୍ତି | ଆକ୍ସନରେ ଭରପୂର ଥିବା ଫିଲ୍ମରେ ଲେଡି ସିଙ୍ଘମ ଭୂମିକାରେ ଦୀପିକାଙ୍କ ଅଭିନୟ ଦର୍ଶକଙ୍କୁ ପସନ୍ଦ ଆସୁଛି।  ଏହି  ଫିଲ୍ମରେ ଅଭିନେତା ଟାଇଗର ଶ୍ରଫ୍, ରଣବୀର ସିଂହ ଓ ଅକ୍ଷୟ କୁମାରଙ୍କ ଏଣ୍ଟ୍ରି ବହୁତ ଦମଦାର ଥିବା ଦେଖିବାକୁ ମିଳିଛି।

ସୂଚନାଯୋଗ୍ୟ ପ୍ରଶଂସକମାନେ ବଲିଉଡ ନିର୍ମାତା ରୋହିତ ସେଟ୍ଟୀ ଓ ସୁପରଷ୍ଟାର ଅଜୟ ଦେବଗନଙ୍କ ଫିଲ୍ମ 'ସିଙ୍ଘମ ଏଗେନ୍'ର ରିଲିଜ୍ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି। ଚଳିତ ବର୍ଷ ଦୀପାବଳି ଅବସରରେ ଏହି ଫିଲ୍ମ ରିଲିଜ ହେବ ।