ଆଜି ବିବାହ ବନ୍ଧନରେ ବାନ୍ଧି ହେବେ ଓଲିଉଡ଼ ସୁପରଷ୍ଟାର ଅନୁଭବ ମହାନ୍ତି ଏବଂ ସାମ୍ବାଦିକା ଜାଗୃତି ଶୁକ୍ଳା । ରାଜସ୍ଥାନର ଜୟପୁର ଠାରେ ଏକ ରିସୋଟରେ ଆୟୋଜିତ ହେଉଛି ଷ୍ଟାର କପଲଙ୍କ ବାହାଘର। ଏହାରି ଭିତରେ ଉଭୟଙ୍କ ସଙ୍ଗୀତ, ମେହେନ୍ଦୀ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଫଟୋକୁ ଜାଗୃତି ନିଜେ ଇନଷ୍ଟାଗ୍ରାମରେ ଶେୟାର କରିଛନ୍ତି। 

ବର୍ଷାଙ୍କ ସହ ବିବାହ ବିଚ୍ଛେଦ ସମୟରେ ଜାଗୃତିଙ୍କୁ ନେଇ ଅନେକ ଆଲୋଚନା ହୋଇଥିଲା। ଅନେକ ଦିନରୁ ବିଭିନ୍ନ ଗଣମାଧ୍ୟମରେ ଅନୁଭବ- ଜାଗୃତିଙ୍କ ବିବାହ ପ୍ରସଙ୍ଗକୁ ଚର୍ଚ୍ଚା ଜୋର ଧରିଥିଲା। ସୂଚନା ମୁତାବକ ଅନୁଭବ ଏବଂ ଜାଗ୍ରତିଙ୍କ ସମ୍ପର୍କ ୨୦୨୦ ମସିହାରେ ଆରମ୍ଭ ହୋଇଥିଲା । ଜାଗ୍ରତି ଲୋକସଭା ଟିଭିରେ ଉପସ୍ଥାପିକା ଥିବାବେଳେ ଯୁବ ସାଂସଦ ଭାବେ ଅନୁଭବଙ୍କ ସାକ୍ଷାତକାର ନେଇଥିଲେ । ପରେ ଅନୁଭଙ୍କ ଉପରେ ବହି ଲେଖିବା ଉଦ୍ଦେଶ୍ୟରେ ତାଙ୍କ ସହ ମିଳାମିଶା ଆରମ୍ଭ କରିଥିଲେ । ଏହା ପରଠୁ ସମ୍ପର୍କ ଆହୁରି ଘନିଷ୍ଠ ହୋଇଥିଲା ।

୨୦୨୦ ମସିହାରେ ଅନୁଭବ ନିଜ ପତ୍ନୀ ବର୍ଷା ପ୍ରିୟଦର୍ଶନୀଙ୍କଠାରୁ ଡିଭୋର୍ସ ପାଇଁ କୋର୍ଟର ଦ୍ବାରସ୍ଥ ହୋଇଥିଲେ। ବର୍ଷା ଅଭିଯୋଗ କରିଥିଲେ ଯେ , ଦିଲ୍ଲୀରେ ଥିବା ତାଙ୍କର ବାନ୍ଧବୀ ଜାଗ୍ରତିଙ୍କ ପାଇଁ ତାଙ୍କର ଡିଭୋର୍ସ ହେବାକୁ ଯାଉଛି । ପୁଣି ଅନୁଭବ ମଧ୍ୟ ସମୟ ସମୟରେ ଜାଗ୍ରତିଙ୍କ ଫଟୋ ପୋଷ୍ଟ କରୁଥିଲେ, ଯାହାକୁ ନେଇ ଗଣମାଧ୍ୟମରେ ଚର୍ଚ୍ଚା ଜୋର ଧରିଥିଲା ।  ଏବେ ସବୁ ଚର୍ଚ୍ଚା ଭିତରେ ଉଭୟେ ଏକାଠି ହେବାକୁ ଯାଉଛନ୍ତି । ଶୁକ୍ରବାର ସେମାନେ ନିବର୍ନ୍ଧ ସରିଥିବା ବେଳେ ଆଜି ବାହାଘର ରହିଛି । 

 

 

 

 

View this post on Instagram

 

 

 

 

 

 

 

 

 

 

 

A post shared by The Cine Clouds (@thecineclouds)