ଭୁବନେଶ୍ୱର: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ନିର୍ଦ୍ଦେଶକ ଅନନ୍ତ ଅମ୍ବାନୀଙ୍କ ଜାମନଗରରୁ ଦ୍ୱାରକାଧୀଶ ମନ୍ଦିର ପର୍ଯ୍ୟନ୍ତ ପଦଯାତ୍ରା ଆଜି ସମାପ୍ତ ହୋଇଛି। ଆଜି ରାମ ନବମୀ ଦିନ ସେ ଦ୍ୱାରକା ମନ୍ଦିରରେ ପହଞ୍ଚିଛନ୍ତି। ଅନନ୍ତ ଅମ୍ବାନୀ କହିଥିଲେ ଯେ ଏହା ମୋର ନିଜସ୍ୱ ଧାର୍ମିକ ଯାତ୍ରା। ଭଗବାନଙ୍କ ନାମ ନେଇ ଯାତ୍ରା ଆରମ୍ଭ ହୋଇଥିଲା ଏବଂ ଭଗବାନଙ୍କ ନାମ ନେଇ ଯାତ୍ରା ସମାପ୍ତ ହୋଇଥିଲା।

ସେ କହିଥିଲେ ଯେ ପ୍ରଭୁ ଶ୍ରୀ ଦ୍ୱାରକାଧିଶ ଆମ ପ୍ରତି ବହୁତ ଦୟାଳୁ ଏବଂ ଭଗବାନ ଆମକୁ ଏହି ପଦଯାତ୍ରା ପାଇଁ ବହୁତ ଶକ୍ତି ଦେଇଥିଲେ। ଏବେ ଏହି ଯାତ୍ରା ଶେଷ ହୋଇଛି।  ଏଥିପାଇଁ ମୁଁ ପ୍ରଭୁ ଶ୍ରୀ ଦ୍ୱାରକାଧିଶଙ୍କୁ ବହୁତ ବହୁତ ଧନ୍ୟବାଦ ଜଣାଉଛି। ଅନନ୍ତ ଅମ୍ବାନୀ କହିଥିଲେ ଯେ ଆଜି ମୋ ସ୍ତ୍ରୀ ଆସିଛନ୍ତି ଏବଂ ମୋ ମାଆ ମଧ୍ୟ ଆସୁଛନ୍ତି। ମୋ ବାପା ସବୁବେଳେ ମୋତେ ସମର୍ଥନ କରିଛନ୍ତି, ଯେତେବେଳେ ମୁଁ ତାଙ୍କୁ ଏହି ଯାତ୍ରାରେ ଯିବା ବିଷୟରେ କହିଲି, ସେ ମୋତେ ବହୁତ ଶକ୍ତି ଦେଇଥିଲେ।

ଅନନ୍ତ ଅମ୍ବାନୀ ୧୧୦ କିଲୋମିଟର ଯାତ୍ରା କରିଥିଲେ

ଅନନ୍ତ ଅମ୍ବାନୀଙ୍କ ମାଆ ଏବଂ ରିଲାଏନ୍ସ ଫାଉଣ୍ଡେସନର ପ୍ରତିଷ୍ଠାତା-ଅଧ୍ୟକ୍ଷ ନୀତା ଅମ୍ବାନୀ କହିଛନ୍ତି ଯେ ଜଣେ ମାଆ ଭାବରେ, ମୋର ସାନ ପୁଅ ଅନନ୍ତଙ୍କୁ ଦ୍ୱାରକାଧୀଶଙ୍କଏହି ଦିବ୍ୟ ସ୍ଥାନକୁ ପଦଯାତ୍ରା ସମାପ୍ତ କରିବା ଦେଖିବା ମୋତେ ବହୁତ ଗର୍ବ ଅନୁଭବ ହେଉଛି।

ଗତ ୧୦ ଦିନ ଧରି, ଅନନ୍ତଙ୍କ ପଦଯାତ୍ରାରେ ସାମିଲ ସମସ୍ତ ଯୁବକ ଆମ ସଂସ୍କୃତିର ପ୍ରସାର କରୁଛନ୍ତି। ଅନନ୍ତଙ୍କୁ ଶକ୍ତି ଦେବା ପାଇଁ ମୁଁ ଦ୍ୱାରକାଧୀଶଙ୍କୁ ପ୍ରାର୍ଥନା କରୁଛି। ଅନନ୍ତ ଅମ୍ବାନୀ ୧୧୦ କିଲୋମିଟର ଯାତ୍ରା ସମାପ୍ତ କରିଥିଲେ।