ବସ୍ତା: ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି । ବସ୍ତା ଥାନା ଅଧିନସ୍ଥ ୬୦ ନମ୍ୱର ଜାତୀୟ ରାଜପଥ ନଳବାହାର ଛକ ନିକଟରେ ରାତି ୧୦ଟା ସମୟରେ ଏହି ଦୁର୍ଘଟଣାରେ ଜଣେ ଯୁବକ ପ୍ରାଣ ହରାଇଛନ୍ତି। ଯୁବକ ଜଣକ ଓଡ଼ି ୦୧ଏସି ୧୯୯୦ ନମ୍ୱର ବିଶିଷ୍ଟ ଏକ ବାଇକରେ ବାଲେଶ୍ଵର ଅଭିମୁଖେ ଯାଉଥିବା ବେଳେ ଏକ ଟ୍ରକ ତାଙ୍କୁ ପଛ ପଟରୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ସ୍ଥାନୀୟ ଲୋକେ ଘଟଣା ସ୍ଥଳରେ ପହଞ୍ଚି ଟ୍ରକ ଡ୍ରାଇଭରକୁ ଧରି ଅଟକ ରଖିଥିଲେ। ବସ୍ତା ପୋଲିସ ଖବର ପାଇ ସେଠାରେ ପହଞ୍ଚିବା ସହିତ ଟ୍ରକ ଓ ଡ଼୍ରାଇଭରଙ୍କୁ ଅଟକ ରଖି ଘଟଣାର ତଦନ୍ତ ଜାରି ରଖିଛି। ଯୁବକଙ୍କ ମୃତଦେହକୁ ବସ୍ତା ଡ଼ାକ୍ତରଖାନାକୁ ସ୍ଥାନାନ୍ତରିତ ଯାଇଛି। ତାଙ୍କ ଘର ପଞ୍ଚଲିଙ୍ଗେଶ୍ଵର ଅଞ୍ଚଳର ବୋଲି ଜଣାପଡିଛି।