ଫୁଲୁଛି ବୈତରଣୀ। ଉପରମୁଣ୍ଡରେ ଲଗାତାର ପ୍ରବଳ ବର୍ଷା ହେବା ପରେ ବୈତରଣୀ ନଦୀର ଜଳ ସ୍ତରରେ ବୃଦ୍ଧି ପାଇଛି। ଆଖୁଆପଦା ଆନିକଟଠାରେ ବିପଦ ସଂକେତ ଉପରେ ପ୍ରବାହିତ ହେଉଛି। ଗତରାତିରେ ବୈତରଣୀ ନଦୀର ଜଳ ସତର୍କ ସଂକେତ ୧୭.୮୩ ମିଟର ପାର କରି ସତର୍କ ସଂକେତ ଉପରେ ପ୍ରବାହିତ ହେଉଛି। ତେବେ ଉପର ମୁଣ୍ଡରେ ବର୍ଷାର ପରିମାଣ କମ ଥିବାରୁ ଉପକୂଳବାସୀ କିଛି ପରିମାଣରେ ଅଶ୍ବସ୍ତ ଅଛନ୍ତି। ଯଦି ପୁଣି ବର୍ଷା ଲାଗିରହେ ତେବେ ବନ୍ୟା ପରିସ୍ଥିତି ସ୍ତୃଷ୍ଟି ହେବାର ଆଶଙ୍କା ରହିଛି। 

ଅନ୍ୟପଟେ ପ୍ରବଳ ବର୍ଷା ଯୋଗୁଁ ବାଲେଶ୍ୱର ଠାରେ ଜାମକୁଣ୍ଡା ସ୍ଲୁଇସ୍ ଗେଟ୍ ଭାଙ୍ଗିଯାଇଛି। ନଦୀର ଜଳ ସ୍ତର ବୃଦ୍ଧି ପାଇବା ହେତୁ ଏପରି ହୋଇଛି। ଫଳରେ ବାଲିଆପାଳ-ଜାମକୁଣ୍ଡାରେ ଯାତାୟାତ ବାଧାପ୍ରାପ୍ତ ହୋଇଛି। ରାସ୍ତାରେ ଉପରେ ଆଣ୍ଠୁଏ ପାଣି ଚାଲୁଥିବା ହେତୁ ଜନ ଜୀବନ ଅସ୍ତବ୍ୟସ୍ତ ହୋଇପଡିବା ସହିତ ଯାନବାହନ ଚଳାଚଳ ବ୍ୟାହତ ହୋଇଛି।